عتبات المسجد (كاملة)

part 8

كاتبة : Samira rd

🕯️..بين تنايا الدين قصة حب تروى في الخفاء..🕯️

سمعو خطوات فدروج التافتو كيشوفو داوود مطلع لباليزات دياولها حاطهم حدا باب صالون.. ساس يديه حيد صباطو ودخل جالس جنب هدايا

فاطمة [ كتشوف في داوود وضحك غمزاتو ونطقت ] تهليتو ليا فهدايا انت وجدك

داوود [ حط يدو على لمخدة لي ورا هدايا مبتاسم بهدوء] الى ماتهليتش فيها انا شكون ايتهلا فيا ..

نزلت هدايا راسها مبتاسمة وخدودها موردين قلبها كيضرب بوتيرة سريعة والفراشات بداو يلعبو فكرشها

فاطمة [ بدات ضحك بخفوت ] سكت حشمتي لبنت

داوود [ مبتاسم قوس حواجبو كيقلب بعينيه]  ما كيناش ؟

فاطمة [ نفات براسها] لا في لخدمة [ وقفت ] انا غادة لكوزينة نكمل شقايا..

خرجت فاطمة وبقات هدايا وداوود بوحدهم .. كانو مزال على نفس وضعيتهم هدايا جالسة وداوود جالس جنبها وحاط يدو ورا ضهرها

داوود [ بنبرة رجولية خشنة هادئة متبت عينيه عليها] غير حيدي لفولار راه كاينين غير حنا

هدايا [ التافتت ناحيتو نطقت بتساءل ] والى جا عمي ابراهيم ؟

داوود [ طمئنها بعينيه ونطق ] يجوز تعري شعرك قدام والد زوجك راه ولا في مقام لوالد ديالك حتى نتي

بقات تواني ساكتة وكتشوف فيه تبسمت واومات بإيجاب .. حيدت لفولار حطاتو جنبها وطاح شعرها لقصير على كتافعا لي ماكانتش شاداها بي لبانضة صبغاتو بلون احمر شي لي خلاها يتلون مع لاسود والاحمر ويعطي لمعة زوينة.. تبسم وهو كيشوف فيها كيف تغيرت .. بلا حجاب زوينة والحجاب اجمل

داوود [ وعيونو مزال عليها نطق بهدوء] اجي تشوفي دارك

قوست حجبانها باستغراب دارها ؟ واش دار لي قال ليها قبيلة كاينة حتى هي هنا ؟! وقف وتبعاتو لبس صباطو وحتى هي وشعرها كيميل معاها .. كانو دروج جنب دروج لي كينزلو لتحت ولكن هادو كيطلعو لفوق

طلعت من داك لكلوار لي كان شوية مضلم وقفت في درجة لاولى وهي كتشوفو واقف امام لباب جبد ساروت حلو ودخل تبعاتو حتى هي سمات لله ودخلات كتفحص دار بعينيها كان ديكورها زوين كاملة زليج بالگري ..

جنب لباب كان صالون كبير شوية مفرش بزرابي وسدادر لونهم زويني تبسمت وتمشات جهة تانية من دار وهو غير تابعها دازت لبيت تاني كان بيت نعاس ناموسية لوسط بالكوفرلي لونو اسود ماريو كبير فالحيط فلون گري كيشوف في ناموسية جنبو كوافوز.. امام شرجم لي كان كبير وكيطل على شارع .

كان امامو واحد لجليسة زربية صغيرة فوقها مخاد ديال ريش واحد طبيلة صغيرة جنب زربية فوق مصحف وصلاية.. اما جنب ناموسية جهة تانية كان فوطويات صغار امامهم طبلة ديال زاج.. التافتت ناحية داوود لي كان وراها ابتاسمت ليه وبادلاتو لابتسامة.. شافت لكوزينة لي كان كبيرة وعجبتها وحتى لحمام