{ايآ اسمٌ على مُسمى ، جِئتي لتَأخُذي حَقَكِ فَأخَذتِي قَلبِي مَعَه}

تعريف الشخصيات

بسم الله نبدأ روايتي الثانية 🌺{ايآ اسمٌ على مُسمى ، جِئتي لتَأخُذي حَقَكِ
فَأخَذتِي قَلبِي مَعَه}🌺

ابطالي:--

عائلة مفلح ال ....

الجد مفلح ابو تركي: عمره ٧٨ سنة صارم و بنفس الوقت حنون على البنات في سر مخبا من سنين بنعرفه بالبارتات القادمة و بسبب هالسر كتب شركته باسم حفيده رعد لانه الاقرب له و باقي عياله كل واحد منهم اعطاهم نصيبهم من الورثة عشان لا تصير مشاكل و تفرقة بين عياله و احفاده و عنده من العيال ولدين و بنت وحدة

الجدة مزنة ام تركي: عمرها ٧٠ سنة طيبة وحنونة حيل واهم ما عليها عيالها واحفادها تعبت مرة بعد وفاة ابنها بس وجود زوجها و عيالها واحفادها حولها قواها ونساها تعبها وحزنها

تركي مفلح ال ... ابو رعد: عمره ٥٠ سنة الولد الاكبر و الوحيد للجد مفلح عصبي بس بنفس الوقت حنون يحب عياله وما يرفض لهم طلب
جوهرة ال... ام رعد: عمرها ٤٨ سنة حنونة حيل وطيوبة وتهتم لزوجها وعيالها وتهتم بنفسها الي يشوفها يقول عمرها بالثلاثين بسبب اهتمامها بنفسها.

عيالهم :

رعد :الابن والحفيد الاكبر عمره ٢٩ سنة انسان بارد وحنون بنفس الوقت جدي بشغله وما يسمح لاحد يتعدى عليه او على اهله واملاكه بشرته حنطية وعيونه لونهم اسود مثل الليل وجسمه رياضي مرة لانه محافظ على رياضته يوميا لازم يروح النادي ويتمرن ساعة على الاقل رافض فكرة الزواج لانه يحس نفسه موب جاهز لهالخطوة، من اكبر واشهر رجال الاعمال بالعالم له شركات وفروع بكل بلد ورث شركة جده وكبرها من عمر صغير في سر بخصوص هالشركات ما يدري فيه الا الجد و ابو رعد ومحامي الشركة بنعرفه مع البارتات

سياف : عمره ٢٧ سنة انسان هادي وراكز دارس ادارة اعمال وماسك احد فروع شركات رعد بالرياض ،بشرته حنطاوي ولون عيونه بني وجسمه عادي ما بين رياضي وبين العادي يعني مو مثل جسم رعد، متزوج بنت عمته بعد قصة حب وعندهم ولد اسمه سعد على اسم جده عمره سنة

جود : عمرها ٢٣ سنة واخر العنقود دلوعة العيلة شخصيتها جميلة  وفلاوية ومرحة عاملة جو للبيت وتموت على ولد اخوها ،بشرتها بيضا عكس اخوانها وعيونها لونهم اسود مثل رعد وشعرها كيرلي وطويل يوصل لين نص ظهرها وجسمها حلو وطولها  مناسب . تدرس بالجامعة سنة ثالثة طب عام

البنت الثانية للجد مفلح ال...

سمر ام فهد : عمرها ٤٥ سنة تحب عيالها وزوجها وتهتم فيهم  متزوجة رجال من برا العائلة

عبد العزيز ابو فهد : زوج سمر عمره ٤٩ سنة من عائلة غنية ومعروفة وهو رجل اعمال ايضا وعنده شركته الخاصة

عيالهم:

فهد :الابن الاكبر وعمره ٢٦ سنة انسان هادئ وحنون جدا ويهتم بشغله دارس هندسة وماسك شركة ابوه ويديرها ،يحب وحدة ويبي يتقدم لها ويتزوجها لكن ينتظر لين يشتري بيت ويجهزه ويكون نفسه صح .

ملاذ : عمرها ٢٣ سنة حبوبة مرة ومرحة صديقة جود الروح بالروح ومتزوجة ولد خالها سياف وعندهم ولد سبق وتعرفنا عليه ما تشتغل جالسة بالبيت وتهتم بزوجها وولدها وعايشين ببيت ابو رعد كون رعد اغلب وقته مسافر وقليل يرجع للبيت وهو له اصلا بيت خاص فيه جمب بيت اهله وينام فيه .

الولد الثالث للجد مفلح ( متعب مفلح ال...) توفى من  ١٣ سنة بحادث .

عائلة ماجد ال ...

ماجد ابو ورد : عمره ٥٠ سنة و تزوج كان عمره ٣٠ سنة و عنده بنت وحيدة حنون مرة و يموت ببنته و ما يرضى عليها الضيقة او الزعل و ما يرفض لها طلب ،كان له شركة عقارات لكنها انسرقت و افلست و تنازل عنها لابو رعد بعد الاتفاق الي تم التوقيع عليه من قبل الطرفين و الشهود و بعدها تعب مرة و انهد حيله و ما عادت له القدرة انه يشتغل و فتح له بقالة صغيرة يسترزق منها .

سلاف ام ورد : عمرها ٤٣ سنة حنونة و تحب زوجها و بنتها و يتكدر خاطرها لشافتهم زعلانين او متضايقين .

بنتهم:

ورد: عمرها ٢٣ سنة محامية تخرجت جديد من الجامعة درست هالتخصص بالذات حتى ترجع حق ابوها ،بشرتها بيضا و جسمها متناسق و يجنن ، شعرها يوصل لين اخر ظهرها ، و عيونها لونهم عسلي و رموشها كثيفة و شفايفها مثل التوت لا صغار و لا كبار وسط لكنهم منتفخين ، شخصيتها قوية مرة و ما تسكت عن حقها ابدا و ما تسمح لاحد يتعدا عليها او على اهلها ، اخذت دورة الدفاع عن النفس في حال احد تعرض لها تقدر تدافع عن نفسها .

✨هذي شخصياتنا الاساسية اتمنى يعجبوكم و احب اقرأ ارائكم على الشخصيات.

لا تنسوا التصويت يحلوين 🌟💛