روايتي الثانية 🌺{ايآ اسمٌ على مُسمى ، جِئتي لتَأخُذي حَقَكِ
فَأخَذتِي قَلبِي مَعَه}🌺
القصة تتحدث عن محامية تبي تاخذ حق ابوها الي انسرق منه من قِبل رجل اعمال مشهور،وش السر الي مخبا و وش بيصير مع الاحداث تعرفون
بقلم الكاتبة الغزالة 🩷
حسابي بالانست...
قامت على صوت المنبه الي يرن قفلته ومسحت وجهها بيدها محاولة انها تصحصح قامت بنشاط وحماس من سريرها متجهة للحمام (اكرمكم الله) تروشت وطلعت لبست ملابسها (بحط لكم صورة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واخذت جلال الصلاة وصلت صلاتها الي فاتتها اخذت شنطتها وجوالها ومفتاح سيارتها ونزلت تحت دخلت للمطبخ بعد ما سمعت اصوات امها وابوها يتكلمون ونطقت بحب وهي تقبل خدودهم :صباح الخير لاحلى ثنين بالكون ردت عليها امها بحنان : صباح الورد يا وردتي اجلسي افطري يلا ابوها بحب : وش هالاناقة على الصباح يا بنتي وين رايحة ابتسمت ورد بحب : ابد يا الغالي هذي عيونك الحلوة، بروح الشركة الي قدمت عليها اليوم اول يوم دوام لي الاب بفرح لوحيدته : الله يوفقك ويحفظك يا بنتي (وبممازحة) اجل يلا افطري عشان لا تتأخري من اول يوم ضحكت ورد بحب : ههههه تأمر يالغالي ( واكلت فطورها وشربت شوي من عصير البرتقال الطبيعي الي جهزته لها امها ووقفت وهي توجه كلامها لابوها ) يلا يبا بوصلك للبقالة وبروح الشركة ابو ورد : روحي يا بنتي لا تتأخري انا بمشي للبقالة ماهي بعيدة حبيبتي ورد بإصرار: لا يبا انسى انا بوصلك ادري البقالة مو بعيدة بس انت ما تقدر تمشي كثير وتتعب ولهالسبب انسى اني اخليك تروح مشي ضحك ابوها وهو ينطق : ابشري يبا الي تبينه بيصير ابتسمت الام بحنان وحب لوحيدتها : الله يرضى عليكي يا امي ويحميكي يا نور عيوني تقدمت ورد لامها وضمتها بحب وقبلت راسها وخدوها وطلعت لسيارتها وابوها يمشي جنبها ركبوا وحركت متوجهة للبقالة ،وصلت ونزل ابو ورد وهو يدعي لبنته ويوصيها تنتبه لنفسها وهي ابتسمت له بعد ما اتأكدت انه دخل البقالة وجلس بمكانه وحركت متوجهة للشركة .
(بوصف لكم بيتهم،،عبارة عن طابقين الطابق الارضي موجود فيه صالة ومجلس خارجي للضيوف ومطبخ وحمام للضيوف صغير، والطابق الثاني عبارة عن غرفة امها وابوها لورد ومعه حمام (يكرم القاريء) وقبالها غرفة ورد ومعها حمامها الخاص وبين الغرفتين في صالة صغيرة وموجود ورا البيت حوش صغير فيه طاولة وثلاث كراسي فقط )
بقصر تركي ال...
مجتمعين على طاولة الفطور وضحكهم واصل لاخر البيت سياف بابتسامة: خلاص اسكتي يا بنت كلي فطورك خليك تمشي لجامعتك جود بمرح : انت وش حارك مابي اسكت والجامعة باقي لها وقت محاضرتي على ال ١٠ ابو رعد : وين رعد ليش ما نزل يفطر معنا قاطعهم صوته الرجولي وهو ينزل على الدرج بهيبة : جيت يبا (وتقدم منهم وقبل راس ابوه وامه وهو ينطق ) صباح الخير الكل رد عليه بصباح النور جود باستهبال :اقول رعود تراني اختك عادي لو بستني (وتمد له وجهها ) تقدم لها رعد وقرص خدها وهو يقول : رعود بعينك يالبزر اسمي رعد مية مرة قلت لك صرخت بالم وهي تقول :اي اي رعد خلاص اسفة ما بعيدها توبة تركها رعد وجلس مكانه على طاولة الفطور وهو يفطر بهدوء اما جود جالسة تناظره بحقد وهي تفرك خدها مكان قرصة رعد رفع نظره لها ونطق بابتسامته الجذابة : لا تناظري كذا لافقع عيونك (وهو يأشر بالشوكة على عيونها) ضحكت جود باستعباط : يا اخي حتى رضاوتك تضحك وش يعني تبتسم ولا تناظري كذا وافقع عيونك يعني ابفهم ضحك رعد بدون ما يرد عليها والتفت لابوه الي يسأله ابو رعد : وش وضع الشركة يا ولدي رعد. : كله تمام يبا لا تخاف الامور عال العال تنهد ابو رعد براحة ونطق :زين يا بوي اي شيء تحتاجه لا تردد هز راسه بابتسامة ووقف باس راسه وهو يقول : الحمدلله، لا تشيل هم يالغالي باذن الله ما بحتاج شيء ولو احتجت اكيد بجيك ،يلا بالاذن انا تأخرت عندي اجتماع بعد نص ساعة ام رعد بحب : الله يسهل دربك يما انتبه لنفسك ولا تسوق بسرعة رعد بحب وهدوء :ابشري يالغلا وطلع ركب سيارته الرانج روڤر السودا وتوجه للشركة وصل وصف سيارته بمواقف الشركة نزل منها ودخل للشركة بهيبته المعهودة و كل الموظفين يصبحون عليه باحترام وهو يرد عليهم ببروده المعتاد بصباح النور فقط بين فترة وفترة وصل مكتبه وفتح الباب دخل وجلس على كرسيه ودخلت السكرتيرة وراه وهي تقول :صباح الخير استاذ رعد بهدو مغلفه ببرود : صباح النور هاتي الجدول وجيبي لي قهوة مدت الجدول باحترام وهي تقول :حاضر استاذ وطلعت برا اما رعد قرأ الجدول واخذ ملف المشروع الجديد وجلس يقراه قبل الاجتماع .
بشركة العدل،،،
(تعريف بسيط عن الشركة الي تشتغل فيها ورد) الشركة عبارة عن شركة محاماة تضم موظفين محاميين ومحاميات وكل قسم يختص بشيء معين الشركة والموظفين مالهم دور بالرواية الا بسيط . نرجع لورد ،، جالسة ورا مكتبها وبيدها اوراق تقراهم بتركيز وبيدها الثانية كوب قهوة قضيتها الاولى هي ترجيع حق ابوها الي انسرق تأففت بقهر من المعلومات الموجودة عندها كلها معلومات تقول ان ابو ورد تنازل عن الشركة برضاه بدون ذكر السبب ومن المعلومات الموجودة بالملف سرقة بضاعة الشركة ما ادى الى افلاسها قلبت غرفة والديها عن اي اوراق تخص الشركة لكن ما لاقت شيء غير الي بين يديها رفعت يدها لوجهها ومسحته عدة مرات رشفت من قهوتها وفتحت اخر ورقة من الملف كان مكتوب عليها اسم ابوها واسم اول مرة تشوفه او تسمع فيه فتحت اللاب قدامها وكتبت الاسم بالبحث وجلست تقرأ بتركيز لفت انتباهها عدة نقاط وسجلتهم على الورقة قدامها عشان تقدر تجمع المعلومات مع بعض وتحلل القضية
ملاحظة،، (الاغلب بيسأل ليه ما تسأل ابوها وكذا بس بقولكم هي سألته وقالها انه شركته افلست وتنازل عنها لشريكه لكن ما تدري مين هو شريكه او وش السبب وبكل مرة تسأل ابوها يرفض يجاوبها وهالشيء يخوفها ويأكد لها ان في سر بالموضوع )
وبعد مدة من القراءة وتسجيل المعلومات شافت الساعة ولقتها ١:٣٠ باقي على انتهاء دوامها نص ساعة رتبت اوراقها بشنطها واخذت اللاب واغراضها وطلعت من المكتب متوجهة لمواقف الشركة فتحت سيارتها وركبت وتحركت متوجهة للبيت بعد مدة من الوقت وصلت وركنت سيارتها جمب البيت واخذت اغراضها ونزلت دخلت وسلمت على امها بمرحها المعتاد :السلام عليكم مساء الخير يا وجه الخير ابتسمت امها بحب : وعليكم السلام هلا يمة مساء الورد حبيبتي تقدمت لامها وباستها وهي تسألها : وش طابخة حلوة اللبن تراني ميتة جوع ام ورد بابتسامة :يخسى الجوع يروحي اطلعي بدلي وتعالي مسوية لك كبسة و شوفي ابوك لو صاحي نزليه معك نتغدا سوا ورد باستغراب : ابوي هنا! متى رجع. وشلون؟ ام ورد : اي رجع من ساعتين وصله الي يشتغل بالبقالة مع ابوك تعب من جلسة الكرسي وجاء يريح شوي ورد : زين يما بشوفه اللحين وببدل واجيك وطلعت لغرفة والديها دقت الباب بخفة وفتحته بهدوء دخلت وشافته يقرأ قرآن تقدمت منه وباست راسه وهي تنطق : شلونك يبا امي قالت لي انك تعبت ورجعت ترتاح ابو ورد بابتسامة اطمئنان : لا تخافي حبيبتي انا بخير بس تدرين بي الجلسة الطويلة على الكرسي تتعبني وجيت اريح ظهري شوي ورد : اذا كذا بسيطة بس ما يكون تعبك شيء ثاني وتخبيه عني تراني بزعل ضحك ابو ورد : هههه الله يهديك يا بنتي ما فيني الا العافية شوفيني قدامك ورد :اجل ببدل ملابسي وبننزل نتغدا سوا ابو ورد : زين يا بنتي انا بنزل قبلك انتي بدلي والحقيني هزت راسها بهدوء وهي مو متطمنة لتعب ابوها وطلعت لغرفتها تبدل .
انتهى 💛 وش رأيكم بالبارت الاول 🤗 ووش توقعاتكم للأحداث الجاية 🤔 لا تنسوا التصويت يحلوين 🌟💛
