Walathuru ✅

Chapter 14

"ආහ් රිදෙනවා.... අංකල් හිමීට..... "

තූර්ය බිමට අත ඇරපු පාර දැන් අභින්ස ගේ කොන්දත් ඇමැට්ටි වෙලා.......ඉතිං විශ්ව දැන් ඇදේ මුනින් අතට දිගැරිලා ඉන්න අභින්ස ගේ කොන්දේ බෙහෙත් තෙල් ගනානවා...... අභින්ස බොරුවටත් එක්ක සැරින් සැරේ මේසේ උඩ ඉන්න හැම්ස්ටර් පැටියා ව හුරතල් කරන තූර්ය දිහා බලාගෙන බෙරිහන් දෙනවා....

"සුදු පුතා මොනවා වුණත් මේ ලමයාව බිම දැම්ම එකනම් වැරදි...... නරක තැනක් එහෙම වැදුනානම් එහෙම දරුවෝ..... "

"අන්න ඒකනේ තූර්ය ලා ගේ තාත්තේ මාත් කියන්නේ...... තව ඩිංගෙන් මේ රටට වටිනා සම්පත් ක් නැති වෙනවා..... ආහ් රිදෙනවා අංකල්..... "

තාත්තයි අභින්ස යි මොනවා කිව්වත් ඉතිං ඒවා ඇහුන්නා වගේ තාමත් තූර්ය මී හුරතලේ .....

" ආහ් මේ සුදු පුතා මේ මට තව ඩිංගෙන් අමතක වෙනවා දරුවෝ..... හෙට අර හයේ බෝඩිම අස් කරන්න උදව්වට යන්න ඔය දෙන්නා ... ඒ ලමයි හෙට බෝඩිමේ ඉන්නවා  ලු...."

" උදේම නම් බැරි වෙයි තාත්තේ හෙට ඉරිදා නෙ පල්ලියට යන්න ඕන නේ... "

තූර්ය හැම්ස්ටර් පැටියා දිහා බලාගෙන කියද්දී විශ්ව නම් නලලත් රැලි කරගත්තේ නිකං එයාට අමතක වෙච්ච දෙයක් මතක් වුණා වගේ....

" මට හෙට ෆාර්දව හම්බවෙන්න ත් ඕන පල්ලියේ මංගල්ලෙත් කිට්ටු යිනේ.... ඒකට වෙන්න ඕන දේවල් කතා කරන්න ත් එපැයි...... මේ පාර තොරණ ගහන්නේ  වෙනස් විදිහකට ලු...... මේ එහෙනං පූජාව ඉවර වෙලා එහේ යන්න පුතේ පල්ලියේ ඉදලා වැඩි දුරක් නෑ නේ හයේ බෝඩිමට...... එතකොට අභින්ස පුතා මොකද කරන්නේ..... අපි එක්ක අකමැත්තක් නැත්තං පල්ලිය ට යං.... "

අභින්ස ගේ කට කණේ දැන් නම් මිනිහා මොනා වුණත් ආසයි අලුත් අලුත් තැන් වල රෝන්දේ ගහන්න.... කොහොම ත් අවුරුදු 19 කට කිට්ටු වෙන්න මේ ගමේ ජීවත් වුණා ට අභින්ස ඉතිං කවදාවත් පල්ලියට ගිහිං නෑ......... මේ ගමේ පන්සලෙන් එහා ගොඩක් හිටියේ බෞද්ධ අය වුණාට පන්සලෙන් මෙහා පැත්තට වෙන්න කතෝලික මිනිසුන් තමා හිටියේ...... ගමේ පන්සලට යි පල්ලිය ට යි අමතරව ඉතිං පොඩි කෝවිලක් තිබ්බා.......මුස්ලිම් අය වැඩිය මේ හරියේ නැති නිසා මුස්ලිම් පල්ලිය ක් විතරයි මේ ගමට අඩු...... අභින්ස ඉතිං දත් තිස් දෙකම එලියට දාලා හිනා වෙලා ගමන යන්න එකග වුණා...