للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا
∞
عدلت كعدتي ، وعيوني عالباب اول مشفتها انفتحت،
دخلت كوثر وخلت الصينيه كدامي ،
وكعدت يمي متجاهله الكل ومخليه كل تركيزها علي ،
- يلا اكلي ولو مراح يعجبج اكلنا ،
ضحكت نهاية كلامها وبدت تفتحلي علب الأكل وتحمي الخبز ،
اني طبعاً استحيت اكل كدامهم ،
وردت اشاور كوثر بس وكفني صوت اسراء
- احم
انتبهت كوثر عليها وحجت بصوت مسموع ورزن
- البنيه صارلها ٣ ايام مماكله شي خل تاكل شويه ترتاح وانوب خرطي كلشي ،
همهمت اسراء وضلت تباوعلي والكل جان منتظرني اخلص اكل ، ونظراتهم علي ،
عاد اني الموت ولا هذا المنظر ، اكل والأبتسامه شاكه حلكي من الأحراج ، وعود كوثر مسويه ستاره محد يشوفني وهيه لا ستاره ولا شي ،
خلصت اكل بعد مده خلت كوثر الصينيه على صفحه ،
حجتت كوثر جالبه الأنظار عليها - يلا ست سراء غردي ،
ابتسمت اسراء ابتسامه بارده وحجت ،
موجهه الكلام الي ، - ها شبعتي؟
هنا ماحسيت بإحراج ولا اي شي عاد حتا لو يكتلوني اني معبيه بطني ومرتاحه ، حجيت بتنهيده - ايي
هزت راسها وباوعت عالكاعدين
- اسمعي رمينه ، طول هالـ ٣ ايام جنا حازمين هالمره وكلنا بعد مانتراجّع ، هاهيه ! لازم نخلي غير اوسار و قوانينها الي معيشتنا كل سنه بجحيم ،
فكرت شوي ، هسه اوسار اميره لو شنو بالضبط ،
فهمتني اسراء بكلامها الصاعق وهي تطلع كتاب قوانين هوااي
، اني هنا انصدمت من القوانين وجان ببالي اعرف منو هالأوسار ! اسمع عنها ولا اشوفها
كعدت اگلب بالكتاب واقره القوانين وكل مالي انزعج من هالقوانين وشلون معقدات ،
سديت الكتاب ونظرت بوجه اسراء - ممكن تفهميني شلون حساعدكم؟
ابتسمت اسراء وعدلت كعدتها متقربه مني بس كوثر واضح كلش شكد ضاجت من قربنا ،
واني ما همني قربها ولا شي كل الي هامني هذوله الضباط شلون كاعدين وسكوتهم كلش معاجبني ،
حجت اسراء مقاطعه تفكيري - سهله ،خلي الأمير يحبج ،
تخيلوا هيج كالت...
فكرت ان قصدهآ ! انُ اخليه يحبني مثل الأصدقاء ، بس عدمت هالأحتماليه اول مكالت( مو مثل الأصدقاء شي ثاني )
أنت تقرأ
اوسار بِحُـبكِ انتـهيت
Teen Fictionتخوني العِبـره بوكت ملقـاج ، قصه بين عقليتين مختلفتين نهائياً عن قاموس الحب ، نحجي قصه حب دامت لين الحين قصة اوسار ورمينه . الأحداث هواي ولهذا التنزيل شبه يومي .
