للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا
Slowly please
♪ ♪ ♪
فززني صوت الباب وهوه ينسد بقوه ، نصيت صوت الأغاني ملتفه للدرج ،، شوي وتنزل كوثر متكسره وبالكوه تمشي ، مفلول شعرها وجاي على وجها،
اندارت علي واحسها مو مستوعبه هيه وين ؟
كمت من مكاني عايفه الأوراق والمستندات وكل شي عالكنبه ،
ومتقربه منها واكفه - صباح اليل
همهمت كوثر ، تدور الساعه بأرجاء الصاله ،
واني لساتني اباوع بعيونها ، ورا شوي حجيت - الساعه بـ ٩ ليل ،
تأفأفت كوثر - وين اغراضي ؟
ماخلتني احجي وصعدت فوك مره ثانيه، اني عفتها براحتها ودخلت للمطبخ ، اصبلها عِشه ،
رجعت نزلت من الدرج ،مديت راسي وسألتها بكل عفويه - تحبين معكرونه بالباشميل؟
باوعتلي شويه ،وحجت - ماريد اكل وخصوصاً من اكلج، اخاف تسمميني ،
انصدمت بكلامها ! - وهاي واني كاعده اصير ودوده وياج وهيج تحجين !
تقربت كوثر مني عيونها بعيوني - ماريدج تصيرين ودوده وياي حضل اشوفج ام صدر وراسج يابس
اوف ياربي صبرك ماريد اسوي جريمه هسه ،، - ماتردين ؟تمام ،،
اخذت الماعون رايده اّرّجع المعكرونه واضمها ،
شوي وتحجي من وراي - خليلي سفري اكله بالطريق ،
ماحجيت شي بس ضليت اضم الأكل ،اني ماحب احد يلاسني وخصوصاً من وحده جاهله (كوثر) وتريد سفري چماله ؟ والله لو مدري شنو ماصبلج سفري تاكلين هنا يعني هنا ،
انتبهت كوثر على عصبيتي الطفيفه وتقربت مني وكفت يمي ولزمت الماعون(صحن) - كتلج خليلي سفري ليش معصبه؟ مو ترديني اتسمم يلا حتسمم
وخرت ايدها وخزرتها برفعة حاجب - ماعندي سفري
كوثر- عجيب ! لعد شنو عندج ؟!
فاطمه - كوثر ! انتِ شبيج بس ادفهم ماعندج تفاهم ، كله كلامج مدري شونه !
كوثر- اي اي ! اني ماعندي تفاهم !
ضليت ساكته اباوعلها ،، واضح ماكوا فايده اجادلها اكثر ،،تنهدت تنهيده جبيره ورحت للكاونتر اطلع صحن سفري ( مدري تعرفون اسم اخر لهُ؟)، واني كاعده اصب استوعبت شي ؟
كوثر عندها لدغه بالفاء ؟ ابتسمت لا ارادياً وردت اسمع هالدغه مره ثانيه بس للتأكد اذا كاعده اتوهم لو لا - كوثر؟
رفعت راسها كوثر تهز راسها بمعنى ها ؟
خزرتها ونطيتها السفري - ماريد اشوف وجهج بعد !
يااا مو هذا الردت احجيه بس لساني الحجه والله ! ،، ماعرف بس حسيت مالها خلگ واني شلون.. ضجت من نظراتها وعدم الأهتمام ،، طلع الكلام الي ماردته يطلع ،
أنت تقرأ
اوسار بِحُـبكِ انتـهيت
Teen Fictionتخوني العِبـره بوكت ملقـاج ، قصه بين عقليتين مختلفتين نهائياً عن قاموس الحب ، نحجي قصه حب دامت لين الحين قصة اوسار ورمينه . الأحداث هواي ولهذا التنزيل شبه يومي .
