اوسار بِحُـبكِ انتـهيت

٧ تـغير ، ادعَمُ علاقتـكِ

للدخول بالجوا
ادخل للAa واختار لون الصفحه اسود

واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا

Slowly please

∞

،

،قاطعت كلامه بـ هاه ؟ ، ردة فعل لا اراديه ، هوه باوعلي شويه وضحك ،

ورجع حجه - شبيج خايفه ؟. هاي شكد طلعتي تحبيني حتا ماسمعتي شراح احجي وهيج خايفه علي اوف على الحب اوف ، ( ابتسم وغمزلي نهاية كلامه )

اني عقلي صار بي Error وميلت راسي عالكيف واني سرحانه احاول استوعب شدايمضرط ،

شبك يدينه سعد وعدل كعدته - سمعي رُمينه ، قبل اسبوع اجه قرار بأن ابتعث لدورة تدريب سنه كامله خارج الدوله ، وجان لازم اختار يا اما اني ويا اما اوسار ،

بالعاده دائماً اخلي اوسّار تروح بدالي وجنت كسوٓل ،وواحد حركي وبس يطلع، جنت مخلي كل شي على اختي ، ،( تنهد تنهيده جبيره وكمل ) لمن كلت لأختي عن الخبر البارحه باليل ، ،

كالتلي اني حروح بدالك كالعاده نفس الكلام والأمور طبيعيه بّس حسيت اني مزودها شوي ، ومكدرت اتحمل تأنيب الضمير ، وقررت اني اروح هالمره بدالها، ،

كعدت مُنى الجانت واكفه ورا سعد وسمعت كل كلامه ، بس ماحجت اي شي وكعدت تباوعلي ،

رّجعت نظري لسعد ، جان منزل راسه وحسيته مو على بعضه، يعني بالعاده يتحرش بي ويتغزل وهسه ساكت ماله حس ،

صح ضجت شويه بس لازم اسوي متأثره ، حمدلله مانكشفت عالأقل وطلعت السالفه غير واني تفكيري غير ,

تقربت منه وحضنت ايده، كدام مُنى ،الي كامت همين واجت كعدت يم سعد تطبطب على ظهره ،
مُنى - حبيبي سعد كبر وصار كد المسؤليه ،
ابتسم سعد وهز راسه عالكيف ،

رجعت اني حجيت وكملت مدحها - فديت حبيبي وسندي ، ان شاء الله تروح وترجع بالسلامه ،

هز راسه مره ثانيه وسكت ،
هنا عقلي انلحس معرفت شسوي بالضبط ،بس انتظرت اي شي يساعدني. والحمدلله تحركت الحجيه

مُنى - يلا لعد ليش كاعد ؟ اليوم راس السنه يعني هسه لازم نطلع ونفتر فره ونتونس ،

تنهد سعد وكام بأبتسامه - لا بيبي اني اجيت اودعكم لأن هسه حروح ، علي برا ينتظرني ،

تفاجئت مُنى وصاحت يااا ! وحسيتها رادت تبجي بس لزمت نفسها وحضنت سعد كوداع اخير ،
اول موخرت باوعتلي وحجت - وين اوسار ختجي تودعه؟ ، رمرم حبيبتي روحي صيحيلها ،

انتهزت الفرصه وكعدت احمد بمناوي على كلامها، اول مردت اروح استوقفتني تعابير سعد وهدوئه الغريب ،
شلون منزل راسه وما يباوع لأي شي وسرحان ،