للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا
Slowly please
∞
سعد وحضنه المُفاجئ اثر بي كُلش
بس مابادلته الحضن واكتفيت اعصر بلوزه الكاعد بحضني ،
ابتعد سعد وكعد يباوعلي فتره - اخوانج عتبة الباب
يگيسوها ، اخلي اختي تأدبهم بكتبها ،
استغربت بكلامه المكسر ، ونطقت بردة فعل لا اراديه - شداي تحجي؟
ابتسم ورجع ضحك - لا بس ردت اغير مزاجج ،
يلا كومي كملي ريوكج ، بيبيتي تسأل عليج تكول شبيها كامت خو مابيها شي
هوه صدك غيرلي مزاجي لمن جاب طاريها ،
كمت من مكاني واني شايله لوزه ،
وسعد جان واكف قريب عالباب بس كعد يباوع عالمرايه ويعدل بشاربه ،
طلعت قبله من الغُرفه بس استحيت اروح وحدي انتظرت سعد يجي نروح سويه ، ونزلت لوزه ،
- لوزه روح كدامي ،
كعد يباوعلي لوزه وحسيته صار اثول وكام ميستوعب الحجي ، وبس يرفع ايده يعني عود شيليني ،
اوف غيرت رأيي لوزه مو كيوت ،
رجعت شلته ومشينا اني وسعد ،
اني تخيلت منظرنا عبالك عائله متكامله اني وسعد
وضجت شويي ،
اول مدخلنا ، شفت رجال ؟! ، جان رجولي كلش حسيته ارجل من الرجل الي بداخلي وبداخل سعد ،
بس بنفس الوقت لابس فانيله ومدمره حمره شوي ،
هالشي خرب رجولته وخلاه كيوت 🤏 ،
سلم عليه سعد ورجع كعد بمكانه ، واني عيوني اترصدت مكان الرجال وشلون قريب على اوسار ،
نادت علي مُنى ارجع اكعد بمكاني وبدت تسألني اذا اني بخير او احتاج شي ،
واني بس ابتسم واجاوب بـ لا ،
فجأه ومُنى تسحب قميصي لفوك وتخزرني
مُنى بهمس - هاي شنو صدرج طالع ، غير تعدلين لبسج ياعمري ،
باوعت لصدري ورجعت نظرتلها - ياا نسيت ، والله من كعد لوزه انصل قميصي ونسيت اعدله ،
[انصل - انسحب او انجر ]
همهمت مُنى ورجعت عدلت كعدتها وتحجي ويا الرجال - هاي خطيبة سعد ، رُمينه ،
هاه !؟ يمته عرفت يمته ؟, اها يمكن البارحه كللها باليل ، بس اني مو خطيبته حتا عالورق ،
أنت تقرأ
اوسار بِحُـبكِ انتـهيت
Novela Juvenilتخوني العِبـره بوكت ملقـاج ، قصه بين عقليتين مختلفتين نهائياً عن قاموس الحب ، نحجي قصه حب دامت لين الحين قصة اوسار ورمينه . الأحداث هواي ولهذا التنزيل شبه يومي .
