للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا
Slowly please
∞
ضليت ساكته طول ماهي موجوده وبس تفتر بأرجاء الغرفه وتباوعلي شويه وترجع تنطيني تعابير مال واحد دايفكر وتباوعلي من فوك لجوه بقرف،
تنرفزت شوي يعني بلا الى متى حنضل هيج ؟ - اوسار
غلست اوسار وراحت يم الشباك فاتحته ومرتكيه عليـه ،! ، شبيها هسه هاي؟؟
خرعتني لمن حجت بصوت عالي وتقربت يم الچربايه (سرير ) - شوفي تكوليله جايتني الدوره وتعبانه فهمتي؟
استغربت - ليش بلا ؟؟
نظرتلي بحده رافعه حاجبها؟- ليٓش ؟ عود ماجذبين انتي مٓو؟ بسيطه لعد روحيله خل يسوي الي يريده بيج وترتاحين مو ؟ بعد عاهره مو بيدج ،
انصدمت بكلامها ؟! - اولاً اني مو عاهره
قاطعتني اوسار وهي مأشره بأيدها عالبـاب - وثانياً طلعي برا كدامي لأن سعد ينتظرج ،
شبيها ياربي والله مشكله حتا متنطي مجال احجي تنرفز ؟ ضجت كلش من تعاملها هيه الوحيده التتعامل هيج وياي ماعرف شتريد مني يعني تخلي الواحد يطلع عن طوره ،
طلعت امشي كدامها وهيه وراي ، وكل ما ابطئ مشيتي لأن الكعب الابسته مو على قياسي اصلاً ! وبس اعرج احصل دفعه برجلها ، وهالشي يـنرفزز،
فـ كلتلها بكل ادب - ممكن لادفعين ؟
جاوبت بكل ادب - ماتعرف تسكت ماتعرفف !!
رُمينه - كافي اوسار ،شبيج وياي اني شسويتلج !
انداريت عليها وسط كلامي ،
جانت تباوعلي بنظرات تخوف بس ماتخوف ضلي🧢،
- لأنج المفروض ميته ولهذا اعتبـر رُمينه بنت التمـساح مالها وجٓـود ! ،
حاولت مافكر بكلامها واسوي نفسي مو مهتمه - وبعد؟
اوسار - امشي بدون كلام هواي تسولفين ، الله يساعد اخوي عليج ،
ضحكت بتشميته - اني الله يساعدني عليه ،
سكتت اوسار من سمعت كلامي وهالشي مُربك شوي ؟ليش كلما احجي عن اخوها تسكت !! معقوله تسحب كلام مني علمود بعدين تحجي كلشي لأخوها!؟؟ويكرهني وتخرب خطتي !
لا لازم اتغزل بأخوها شوي واسوي نفسي احبه ؟ اخيس شي اسويه بس يلا 🤷
كعدنا نمشي بالممر شوي شوي وعلى عمده خليتها تتنرفز والا امشي بطيئ
واخيراً وصلنا لنفس الغُرفه وكبل لزمت ايدي قبل مافتح الباب حتا ،
اوسار - اسمعي بت التمساح ، اني ماريد اشوف خلقتج مره ثانيه فهمتي؟ ولا تتقربين مني وطلعيلج اي حجه اذا اخوي رادج تجين يمي فهمتي!؟
اخخ تموتني تموتني بس والله ماخليها والا ارد عليها وانرفزها - من حورج امشي ولي يلا
بعدني ما خلصت كلامي ، والا وتعصر ايدي وتباوعلي بنظرات يعني سحبي كلامج ، واني مُصره اخليها تتنرفز بزايد ،
أنت تقرأ
اوسار بِحُـبكِ انتـهيت
Novela Juvenilتخوني العِبـره بوكت ملقـاج ، قصه بين عقليتين مختلفتين نهائياً عن قاموس الحب ، نحجي قصه حب دامت لين الحين قصة اوسار ورمينه . الأحداث هواي ولهذا التنزيل شبه يومي .
