اوسار بِحُـبكِ انتـهيت

اصبع مُنتفخ ، قبلة تأسف ،٩

للدخول بالجوا
ادخل للAa واختار لون الصفحه اسود

واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا

Slowly please

∞

دخلنا لجوه وجان البيت هدوء كلش ،

تقربت حجيه واضح لساتها مُزهره ،
تباوعلي برفعة حاجب وتحجي ويا اوسار

شويه وتتغير نظراتها لنظرات طبيعيه وتتقرب مني رايده تسلم ، اني سلكتلها وسلمت شلون ماجان ،

مُنى - اني بيبية سعد ، اصير مثل اُمه ،مُنى
ابتسمت ببرود - هلا بيج بيبي اني اخت رُمينه فاطمه،
ضحكت مُنى - ادري كالتلي اوسار عنج، تفضلي هسه اصيحلها ،

حجت اوسار بسرعه وبصوت واثق- لا بيبي اني اصيحلها ارتاحي ،

استغربت من تصرفها، وردت اروح وراها احس گلبي ممرتاحلها ابداً ،طولها ، ونظراتها ،ولبسها الرسمي
لزمت كتفي كوثر ومشت بسرعه رايحه ورا الحجيه - حضلين واكفه يعني؟

عصبت من حركتها رايده ادفعها بس شدت ايدها اكثر وسحبتني ماشيه صاروخ - ام صدر اكعدي راحه ،
تقشعر جسمي من كلامها ! - شنو؟
حكرتني وكملت مشي

دخلنا للصاله والجانت واكفه جدة اوسار تنتظرنا نكعد.،
كوثر بهمس - كعدي
فلتت ايدها ووخرت عنها كاعده على كنبه منفصله ، وابتسم لبيبيتهم ،
مُنى - صيحي لندى خل تجي تسلم ،

راحت وحده لابسه لبس خدم ، بعد ما هزت راسها اخذت مُنحنى وراحت عن انظارنا ,

انداريت عـ الجهه الثاني ، جانت الحجيه تسولف ويا كوثر ، وترجع تباوعلي ، وكوثر تنطيني نظرات الله اليعلم شضامه بيهن،

اووف ! دِر الله عليج الا بهالصخام تعوفينيي !! ،

،،هالمعقم لو مااجان موجود ، جان رحت بستين داهيه ، الألم مرات يخليني من صدك احس بنفسي ،
تنهدت بتعب ، وكمت من البانيوا ، اريد اطلع من الحمام ،

بس نسيت اخذ الأنجيري ، نسيته بالكاع جوه ،
بس ادمر دم ؟ ، ماعرف شلون اغسله من الدم  ، ماعرف حشوفلي حل ، لأن هالانجيري عشق لا ينتهي ،

جنت واكفه يم باب الحمام واحجي ويا نفسي وعيوني عالانجيري ،

التفتت اريد اطلع...
، مشيت كم خطوه ، رايحه للباب اريد اسده ومستغربه.... ليش مفتوحه الباب ؟ بس عيوني من وحدهن التفتت للباب اوسار جانت واكفه يم الباب  عزاا !, من الصدمه كعدت اباوع لأوسار واوسار تباوع لجسمي ، ،

فجأه وصوت ندى ينادي اوسار من بعيد ،
انتبهت اوسار ودخلت للغرفه ساده الباب بقوه ، بس انسدت على صبعيي !
صحت آهه بصوت عالي ، من الوجع والله ،
واوسار ساكته ومبينه شامته شوي ، واضح تفاجئت من صراخي