اوسار بِحُـبكِ انتـهيت

٥ نومـة حـب مُريعه

للدخول بالجوا
ادخل للAa واختار لون الصفحه اسود

واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا

Slowly please

∞
،

، الخادم كالي تفضلي منا ،

رديت بـ تفضلت ،

كعد يمشي ويوكف فتره ويعرفني عالمكان واني بالي ولا يمّه ،
وسط مدا نمشي لمحت طفل يركض ومصلخ( عاري) ، صيح عليه الخادم وكام يركض وراه ،

وكفت بمكاني اباوعلهم واضحك عالمنظر ، الولد يجره بزيج ويرجع يركض ، ههه وين اكوا هيج طفل يا !

الخادم عافه ورجع صاحلي نكمل مشي ، اني هنا عجبني الطفل ،وكلما اباوع عالخادم اتذكر الزيج ، واضحك بگلبي ،

وكفنا كدام باب جبيره ، الخادم دك الباب ، ورا شويه انفتحت الباب...
وجان سعد الفتحها ، ماصدك سعد اني كدامه راد يلزم ايدي بس وكف وابتسموكالي، دخلي،

دخلت وياه ، حسيت بشعور غريب بهاي الغُرفه ، رفعت راسي شوي الا... وبعيون تخزرني ، تشبه عيونها ،

تقدم سعد وخلا ايده على خصري ،
اني شوي توترت ووخرت ايده وكلتله - الجو حار هنا

استغرب سعد وبدا يحجي للخادم اذا اكوا عطل بالتدفئه
اني استغليت الفرصه وابتعدت عنه شوي ، لمحت هذيج العجوز تأشرلي بأيدها اجي ،

عاد ماصدكت اخلص من سعد مشيت بسرعه ووكفت كدامها ،وتأشرلي مره ثانيه اكعد يمها،
كعدت بأبتسامه ،

اجه سعد ومن شافني كاعده يمها صفن شوي وبعدها كعد عالكنبه ثانيه ،
والله حفاظاً على عذريتي ماريد اتقرب من سعد ، واضح حياخذ راحته هواي هنانه وشلون بي اذا ضليت وحدي ويا؟ ،

كال سعد -بيبي هيه هاي الكتلج عليها (باوعلي بضحكه وكمل كلامه) ، رُمينه هاي بيبتي مُنى ،

باوعتلي بيبته والي من اول مادخلت وهيه تخزرلي والله جنها اوسار وحتا تشبهها كلش...

حجت مُنى بصوت حنون - وين اهلج بنيتي؟
رديت بكل هدوء- ابوي شهيد وامي ماعرف وينها ،
لزمت ايديّه وبدت تمسح عليهم وحجت - شلون متدرين وينها؟

نزلت راسي بحركة لا اراديه اول محسيت بضيق ، اني مدا اكذب امي ماعرف وينها ماعرف عنها شي ، اصلاً ماعرف شلون صاير حنان الأم كل شي شفته هوه ابوي واخواني ،
لو مانقذتني فاطمه جان هسه اني ولد حالي حالهم ،

ردت مُنى بعد مشافت صمتي طال - لعد ماعندج عمات خالات؟ كرايبج وينهم؟

سعد شكايللها بالضبط عني؟ - اي عندي بس بغير دوله
ابتسمت مُنى - حبيبتي لعد شلون نخطبج لأبنه ؟ منين نطلب ايدج؟