للدخول بالجوا
ادخل للAa واختار لون الصفحه اسود
واستمتع
اهم شي اذا عجبتك الروايه ادعمني
علمود استمر 🫀🫂
بسم الله نبدا
∞
توسعت عيوني من الألم !
اوسار - كومي صار الصبح
لزمت بطني وكعدت اون بمكاني من الألم، شلون هيج دمها بارد ، ضربتني ضربه ، اوف الله لا يوفقها على هالضربه
تأفأفت اوسار ولزمت ايدي مكومتني ومعصبه - طبي بسرعه غسلي وجهج ،
دفعتني بقوه على باب الحمام ودخلت وراي ،
وتأشرلي براسها ان اغسل،
خزرتها بقوه وتعمدت اغسل عالبطيئ علمود اغيضها وهي كل مالها تعصب اكثر واكثر ،
اوسار - شنو وين نحنا اكوا واحد هيج يغسل؟
تقربت وبدت تغسلي وجهي ، واني احس بالأنتصار
اول موخرت كُبل حجيت ومجنت منتبهه لكلامي - ،
طـركاعه (مصيبه)
صار بيني Error وكُبل باوعت بعيونها وهيه تباوعلي ، ووحده صافنه عالثانيه اني احاول استوعب شنو حجيت وهيه تفكر شلون تتعامل وياي وتعدمني من الحياة ،
اشرت بأيدها اطلع قبلها، مغمضه عيونها ،واضح نفذ صبرها وبعد متكدر تتحملني اكثر
اول مردت امشي لزمت بطني احس بألم لساتها الدفره توجع، تقربت منها اريد اعبر وصار تلامس صغير كلش ،وهالتلامس قشعرني الصراحه وضجت كلش ،
اول مطلعت سدت باب الحمام بقوه وغلقته، خلتني وحدي بالغرفه باب الغرفه مسدوده وباب الحمام همين ،
غميتها من ورا الباب ، وكعدت عالسرير متناسيه كل شي وافكر شنو صار البارحه ؟ ،
ماكدرت اتذكر اي شي غير كلمة " ركصيلي "
اركصلها ؟ لا ولله ؟اشـايفتني بلا؟ علمود اركصلها بنت الخس ،
طلعت اوسار من الحمام ، رفعت راسها تباوعلي
اوسار - خلصت الأماكن على فراشي تكعدين ؟ماريده يتوصخ
تفاجئت بس كمت بسرعه وحجيت بصوت ناصي - شكد عمرها هاي؟ عاقله؟
اوسار وبكل ثقه رايحه لدولابها وفاتحته - ٣٢
التفتت عليها بصدمه - شنو هااي ! عجزتي!
تجاهلتني وكملت تبحوش بالكنتور (خزانه )
التفتت علي مستغربه - شعندج هنا؟ ما طلعين ؟ لو عاجبتج الكعده؟
باوعتلها بنظرات وكمت ، بس قلقت شوي وحجيت - وين اروح ، يعني متأكده مراح تسويلي شي؟
تنهدت اوسار وكامت متقربه الي وجانت كلما تتقرب كلما احسب بگلبي شكد باقيلي واموت
اوسار - رُمّينه صح؟
هزيت راسي ،
تحمحمت ورجعت تحجي - انّي مايهمني شنو حتسوين ووين ترحين ، فهمتي؟ اني ردت اتخلص منج بس الواضح اكوا خونه وانتي مراح تحجين ، فـ ليش اتعب نفسي وياج ، امشي ، طلعي برا ،
أنت تقرأ
اوسار بِحُـبكِ انتـهيت
Teen Fictionتخوني العِبـره بوكت ملقـاج ، قصه بين عقليتين مختلفتين نهائياً عن قاموس الحب ، نحجي قصه حب دامت لين الحين قصة اوسار ورمينه . الأحداث هواي ولهذا التنزيل شبه يومي .
