لوحت له بيدها وانطلقت السياره من قدامي
مرت من جنبي ببرود ولا كانها تشوفني
وهالشيء زاد من غضبي
لحقتها ومسكت يدها بغضب
: على فكره م توقعت منك هالحركات الطفولية
انتِ اكبر من كذا
هذي جزاتي لاني كنت صريح معك !!!
حتى لمار م صارت تجيني زي قبل
مخوفتها مني !
وبعدين مو معناتها متهاوشه معي تسوين هالحركات تراها تضرك اكثر مني
مو حلوه بحقك يوصلك لمكان سكنك
قمر : لو سمحت استاذ ايهاب مالك دخل في ولمار م منعتها هي م تبي تجيك خافت منك
اللي قدر يخبي هويته كل هالفتره اكيد وراه بلاوي
لاني مو مقتنعه باللي قلته لي ابد
واللحين ي ريت تبعد عني
ايهاب بغضب : انتِ غبيه ولا تستغبين على راسي
انا رجل مباحث افهمي مو مجرم لو مجرم ليه اصارحك
هاه
قمر : ورجل المباحث وش يسوي عندي
انت شايف وضعنا ولا الشقق اللي هنا حتى المجرم م يسكنها
ايهاب : مو لان المجرمين عارفين ان شكوكنا بتكون بعيده عن هالاماكن هم يتجهون لها
قمر بسخريه : ومين المطلوب ان شاء الله
ايهاب : م اقدر اقولك ذي اسرار عمل ي ليت تحترمينها
بس اللي اقدر اقوله اني م كذبت عليك بمشاعري ولا اعترافي وعرضي م زلت استنى جوابك عليه
وماراح احكم على جوابك يوم علمتك بحقيقتي
ارجوك افهميني وفهمي لمار
اول م تنتهي هالمهمة بتكونين زوجتي والله م كذبت عليك بشيء
انا احبك قمر لا تختبرين مشاعري اكثر ولا تجيبين مديرك مره ثانيه وقتها ماراح امسك اعصابي وما اوعدك يرجع على رجوله
شهقت قمر بخوف
ومشاعرها متلخبطه
م تدري تصدقه وتثق فيه او لا
هي تشوف الحب بعيونه وما تنكر سعادتها لمن شافت غيرته الواضحه
وما تنكر بعد مشاعرها وحبها له
اي
تعلقت فيه وانتهى
بس لمن اتذكر اني انخدعت لفتره وما اعرف فيها حتى اسمه ازعل كثير
لكن ليه م تعطيه فرصه !
هي فعلاً محتاجه رجال بحياتها وسند لها ولبنتها
ولمار تحبه كثير
حتى م زعلت بعد م علمتها حقيقته انا اللي احذرها واصر عليها م تقعد معه
صارت تنام كثير ولا تجلس معي بسبب تحذيراتي
يومين مضت بهدوء وايهاب بطل يحاول يصالحها
وهالشيء زعلها
معقول مل !!
رجع من مشواره وجسمه مكسر من التعب
ونبيل واه من نبيل
هو وقمر اشد من اعداءه هالفتره
بس بعده عنها هاليومين يمكن يرجعها لعقله
فتح الباب وحس بحركة في البيت
طلع سلاحه ومشى بحذر
توجه لمصدر الصوت
لكن مافي احد !!
يبدو الموضوع بدا يصير فيه غموض اكبر
لازم اخلص بسرعة والا بينقلب كل شيء
معقول ابو ايه كان موجود !
انا عرفت بعض المعلومات بشكل غير مباشر لانه غبي مو بالذكاء اللي يقولونه
لكن م وصلت لنقطة القبض عليه
فجاه جرس الباب رن
راح فتح بتعب من نفسه وتفكير بالقضية وقمر
افكار مشتته
م كانت الا قمر اللي طالعه اسم على مسمى
بفستان ناعم اسود
ومكياج ناعم
بلع ريقه وهو يتفحص وجها بشوق واعجاب
هو واصل مراحل متقدمه بالعشق وهي شاكه فيه
قمر بخجل من نظراته: لمار تقول تعال تعشى معنا
ايهاب بمكر : لمار ولا ام لمار
قمر :كلنا
ايهاب بسخريه :
يعني خلاص اقتنعتي اني مو مطلوب للعداله !!
قمر اومات باحراج
: لمار اقنعتني
ايهاب : اوه وكيف اقنعتك ؟
قمر : قالت لي انو المجرمين م يكونون مرا وسيمين مثلك وورتني قائمة بصورهم
ايهاب ناظرها بصدمة وهو يكتم ضحكته : يعني ذا اعتراف اني حلو ولا وش
قمر : العشاء بيبرد
انتهى العشاء باجواء مليانه ضحك وسعاده
ثلاث اشخاص بينهم ترابط وكانهم اسره
كل واحد يحس بانتماء للطرف الاخر وكانه يعرفه من سنين طويله
بالرغم من العوائق والفوارق بينهم
طلع متوجه لشقته
وابتسامته على وجهه : يارب اخلص هالمهمة على خير وتصير هالجلسة روتين بحياتي ي قمر
———————
اهلاً اهلاً
اشتقت لكم
كيف الصيام معكم ؟💕
لخبطة نوم واشياء بس احاول انزل لو بارت بالاسبوع لاني ما احب اذا الكاتبات اختفوا شهر مابي اسوي مثلهم 🏃🏻♀️🤣
البارت الجاي الاثنين القادم ان شاء الله
توقعاتكم ؟
ايهاب ؟
قمر ؟
لمار ؟
عائلة الخالة حصة ؟
القادم 🔥🔥🔥
أنت تقرأ
Love and war
Mystery / Thrillerرجل مباحث صارم ، لا يتساهل مع الخيانة ، ومهمة جديده تغير حياته رأساً على عقب بعد لقاء الحسناء الغامضة ..
