وقفت متصنمه: حفيد !!
انا حامل ! بس م سويت التحليل كيف كذا
ايهاب بروقان وهو يصفر : شفيك واقفه كذا
قمر بحده : وش قايل لامك؟
ايهاب : تقابلتوا؟
: ايهااااب
: اوه لا تصرخين للحين بمواقف السيارات شفيك
احم اوك السالفة ومافيها اني انجنيت افكر كيف الم شمل العايلة واقنع فيهم ف مافي الا هالطريقة
قمر : تقولهم حامل!
: بس اكيد م ذكرت التفاصيل بيبي
: ولا كلمة ي وقح .صدق انك تجاوزت حدودك بكل شيء خلاص معاد اتحملك اكثر
شلون تقول كذا شلون
اهلك يكرهوني واللحين اكيد يفكرون في بطريقة غلط مع ان كل هالاشياء م صارت برضاي
ليه تنتقم مني ليه !!
حل عن سماي ايهاب
صدقني م راح اوافق ابد
ابد
انسى هوسك المريض
اتركني
والا راح اترك الشغل واطلع اعيش بأي مكان
بكل الاحوال كنت متغربه طول عمري م يفرق عندي
ايهاب :
طول هالفتره مريت بضغط كبير وانا احاول اخذ حقها وافتح قضية اكل فيها الزمن
حصه ما تعبتني ووافقت بسهوله
لانها تحبها ومتأكد تبغى تشوفها بعد هالفتره الطويلة
فرحة كبيره بداخلي
بعد م شفت المسافة بدات تقل بينا كل المعرقلات تلاشت او انا فكرت كذا
لانها عنيده ولا اتوقع تسامحني بسهوله
ومعها كل الحق
قررت اروح لها واتكلم معها لعل اوصل لحل
لكن شوفة بيريا بعد هالفتره فتحت دفتر الماضي
ايوا اشتقت لها اعترف
بس صعب يرجع كل شيء مثل اول صعب
احتمالية حملها فرحت قلبي
مجرد تفكيري في طفل يحمل شبه منها
اسعدني كيف لو حقيقه ؟
بعد اعترافها بعدم الحمل
احبطني
لدرجة اني سويت شيء ندمت كثير عليه ..
رجعت من الشغل وكل همي اشوف امي واتناقش معها على اللي صار
لان كلامها كان ثقيل على قلبي
كل م حاولت افهمها بسوء الفهم اكثر بينا
علاقتنا شبه مستحيله
توجهت للصاله
ولقيت اختي
والبيت هدوء !
: وين الوالده
نوره وتركيزها على التلفزيون وبدون نفس : مدري يمكن بغرفتها
ايهاب : وانتِ شفيك علي بعد
اخوك الكبير مو اصغر عيالك
لمن اسالك تناظري في ترحبي
تسوي شيء
وش فيكم انهبلتوا ؟
نوره بزعل : لاني زعلانه عليك
: وليه ان شاء الله!
نوره : خطيبتك الاولى ماشي وقلنا نعرفها بس فركشت بدون م تقول لاحد واللحين بتزوج بدون م تقولي ياخوي اختك الصغيره دلوعتك انا
ايهاب : نوره ذي سوالف كبار مو لازم تعرفين كل شيء
بعدين للحين م صار شيء م شاء الله على الوالده م بقت احد م قالت له
نوره : ايوا بس ..
ايهاب : خلاص نوره اعصابي تالفه والله
سكري الموضوع وركزي على دراستك بدال هالتلفزيون
ولد الناس ينتظرك تخرجين المسكين
طلعتي له شيب
: تفضل
هذا صوت امه اللي وصله بعد م صعد لغرفتها وهو يجاهد نفسه عشان م يعصب
مهما كان م يبي يزعلها
: مساء الخير يمه
: هلا ب وليدي
تعال كيف يومك
: مش ولابد
: افا وش صاير بعد
انا صرت اشوفك مكشر لدرجة نسيت اسنانك الله حسيب اللي كان السبب
: اي اي انا جاي اتكلم عن هالموضوع
: عسى خير
: يمه الله يهديك انتِ ليه جيتي مقر الشغل
وش قلتي لها
ليه ضايقتيها !!!
ام ايهاب ببرود : ابد قلت لها الحقيقة
الحمل هو السبب في قبولي زواجكم ولا انا م اطيقها
ايهاب : يمه الله يطول عمرك انا فهمتك كل شيء صح ؟ ليه للحين حاقده عليها
وبخصوص الحمل انتِ الوحيده اللي تعرف
وعشان اقنعك بزواجنا قلت لك عنه مع انه شيء شخصي
وحتى تم غصب عنها
ولدك غلطان
انا غلطان مو لازم تحطين عليها الحق
ولا تغثينها
: انت مهبول واقف تحاسبني
عشان الجنيه الحمراء حقتك ذي
بعدين مهما سويت فيها قليل على اللي سوته فيك
صح اني ضد هالشيء بس خيره على الاقل بشوف عيالك قبل اموت
حتى ابوك يأس من وضعك
: هه ابوي يأس لدرجة اني م اشوف وجهه كل يوم مسافر
: ايهاب !
: نعم يمه ، تكفين ي الغاليه انا م ابي تدخلات بحياتي
انا عانيت بما فيه الكفايه وهي بعد
اللي بقوله انها عانت بعد
واللي صار كثير علي وعليها
ابي بداية حلوه معها
ممكن ؟
واقولك شيء يريحك
صح صار اللي قلت لك لاني حمار
ماشي ورى انتقام
بس هي مو حامل
شكل مو مكتوبه لي
بس بحاول اكسبها مره ومرتين وثلاث
و يا ريت محد يتدخل
عن اذنك
ام ايهاب ضربت يد بيد : لاحول ولا قوة الا بالله حتى الحفيد طلع كذب !!!
لا لا ذي ساحرته
الله يعيني على الجاي من وراك انت وياها
يارب عفوك
دخل الغرفة وهو يرسل لها
ورمى جواله بتعب
: الله يعيني على الجاي ي قمر
شكلي بتعب اكثر واكثر
*********
توقعاتكم ؟
ايهاب ؟
قمر ؟
ام ايهاب ؟
نبيل ؟
بيريا
كسر خاطركم ؟🤣
احس كلكم صرتوا مع قمر 🏃🏻♀️🏃🏻♀️
أنت تقرأ
Love and war
Bí ẩn / Giật gânرجل مباحث صارم ، لا يتساهل مع الخيانة ، ومهمة جديده تغير حياته رأساً على عقب بعد لقاء الحسناء الغامضة ..
