Love and war

Part:28

يومين اخرين مرت وهي بحزن ثقيل على قلبها
معاد يفرق معها شيء
الحقيقة قاسية جدًا عليها
حتى الدوله اللي ضحت عشانها تخلت عنها وطلعت مو دولتها
معاد عندها شيء تخسره فعلًا
هذا اللي قالته لنفسها
وهي متوجهه لسيارته
يوصلها لشقتها
ماعندها احد تعرفه الا هو
ونبيل
جت هنا عشان تحل مشكلة ودخلت في مشكلة اكبر منها

فتحت الباب وركبت بهدوء

: كيفك اللحين
لا رد
: للحين شايله علي ؟
قلت لك الحقيقة لمصلحتك
والله مو في بالي انتقم خلاص نسيت الانتقام وايامه
يا بنت الناس

: وش بقي عشان تنتقم ؟ كل شيء اخذته
حتى الهوية اللي ظنيتها هويتي طلعت كذبه
قلت لي عشان اتعذب وادور في حلقة فارغه
واللحين وش بيصير هاه
راح تسجنوني ؟
ولا وش

ايهاب المه قلبه على  كلامها : ماراح تنسجنين انا ونبيل نفكر في حل
بعدين المفروض تفرحين انك عرفتي الحقيقة تخيلي لو عرفتيها بعد م تكبرين وحتى تتزوجين في هالدوله الكذابين

: بس انا ابي انسجن

ايهاب بغضب : وش تخربطين انتِ انهبلتي ؟؟

قمر : لا واعيه للكلام اللي اقوله
ابي اتحاسب
السجن تهذيب
وانا ابي اعيد حساباتي
واختلي بنفسي

: ولازم سجن !! وش هالقرار المجنون
احمدي ربك على العافيه واسكتي
واللحين بوديك سكن جديد
تقعدين فيه وترتاحي
وتعيدين حساباتك

: ابي شقتي وتبعد عني

: للاسف مقدر احقق لك هالشيء
الشقة معروف مكانها  بالنسبة للاعداء وذا خطر عليك
وانا مصيرك صار مرتبط معي ي بنت بلادي صعب اتركك

: اكرهك ي معتوه ارجع لخطيبتك وفكني

ايهاب بخبث : يعني راح تقنعيني انك مو مبسوطه على فسخ الخطبة

قمر بارتباك : هه وافرح ليه ان شاء الله
وش تعني لي

: هالسؤال وجهيه لنفسك ي حلوه
وبعد كشف الحقايق ماراح اتركك ابد ولا اسمح لك تبعدين
المؤمن لا يلدغ مرتين

: انت صاحي ؟ ياخي افهم موضوعنا انتهى قبل يبدا بالماضي وحاضرنا مستحيل بعد اللي سويته فاهم

: ماضينا صح
بس حاضرنا ماراح ينتهي بهالطريقه قمر
صح غلطت بس بعد تأذيت كثير

: هذا مو دافع ولا مبرر

:طيب انسه قمر خل اوصلك بسلام النقاش بالذات عن الماضي مو لصالحنا

لفت عنه بعد م اعطته نظره م يحبها وكلها عتب وكره

تنهد بهم م يدري وش يسوي معها
طول هاليومين يده على قلبه يخاف اسوي بنفسها شيء او تهرب

واللحين تناقشه وتقول تبي السجن
انهبلت ؟
مستحيل يسمح لها تضر نفسها او قلبه مره ثانيه