اسبوعين مضت
اختبرت فيهم لمار
وخلصت وبدات اجازتها
مع ايه
بينما نبيل يزيد ضغطه على إيهاب
ايهاب ومراقبته لابو ايه
والشكوك بدأت تتحول إلى حقيقة
لكن يحتاج دليل اكبر
قمر وعلاقتها مع جارها
بدات تتطور الى صداقة وشعور غريب
لكنه جميل وينسيها همومها
تراكم العمل عليها
بس راتب نهاية الشهر يهون كل شيء
: اممم يعني تقولي انك تأكدت انه هو
إيهاب : اي هو الشخص المطلوب متاكد بس انتظر اللحظة الحاسمه
نبيل : استعجل ايهاب مابقي معك وقت
إيهاب : ان شاء الله النهاية بيكون معنا هو واللي وراه بس اصبر علي
سكر منه
وقام متوجه للباب اللي ينطق
فتح وابتسم لا شعوريًا
وهو يشوفها مبتسمه وبيدها بوكس بيتزا
ادمنوها هالفتره مع بعض
: تستقبل ضيوف مزعجين
: ادخلي انسه قمر بشوف اخرتها معك
وين لمار
: تعشت ونامت
صايرة تنام كثير
ايهاب : هذي علامات بدايات الشتاء
جالسين ياكلون ويتفرجون على فيلم ممل من وجهة نظر ايهاب لكن م بيده شيء لان هالمره الفيلم من اختيارها
ايهاب : ايوا كيف الشغل ؟
قمر : حلو م عليه بس شوية كرف
ايهاب : ليه م تتركينه وتدرسين افضل
قمر : والمارد يصرف علي ؟
ايهاب : انا
قمر لفت عليه بحده : وبصفتك وش تصرف علي ان شاء الله
ايهاب : اللحين مافي اسم لعلاقتنا بس اذا تزوجنا في
قمر : لحظة انت تعرض علي الزواج اللحين!!!!
ايهاب : اي انا ماحب اللف والدوران ولا انا بزر احب اطولها وهي قصيره صراحة انا معجب فيك ويمكن بهذي الفتره تطور هالاعجاب لشيء ثاني انتِ شايفته وتجاهلينه
ف ليه م نتزوج ومنها لمار يصير عندها اب متعوده عليه وتعرفه
وانا متقبلها يمكن غيري ماراح يرضى تعيش معه بنت مو بنته
وش قلتي ؟؟
قمر بتردد : مدري ايهاب انت صدمتني صراحة
اعطيني فرصة افكر
انا بالحقيقة برضو معجبه فيك بس م توقعت توصل للزواج يعني لسا م عرفنا بعض زين او بالاصح انا م اعرفك زين انت غامض
وانا صرت كتاب مفتوح لك بفتره قصيره وهذي مو عادتي
يمكن لانني ارتحت لك ووثقت فيك
ايهاب ابتسم بسعاده على مصارحتها كان خايف من ردة فعلها واللحين ارتاح
لكن اذا عرفت حقيقته ..
ايهاب : لا تخافي مني قمر انا مستحيل افكر اضرك
او استخدم اسرارك ضدك مستحيل
انا فعلاً ارتحت لك وابيك زوجتي
وانتِ اول بنت بحياتي
ف مابي نبدا وبينا اسرار
بس توعديني تتفهميني!
قمر : اسمعك
ايهاب بتوتر وهو يتذكر تحذيرات نبيل : بالحقيقة انا شغلي يفرض علي اكذب باسمي واخفي المعلومات الرسميه
كنت جاي عشان مهمة وقربت تخلص
اعتقد اني لقيت اللي جاي ادور عليه
اسمي الحقيقي مو رائد
اسمي ايهاب
انا اخفيت الاشياء الرسميه بس
قمر بصدمة وهي توقف بغضب : اها وكم عندك ولد ي ايهاب
ايهاب : احلف لك بالله م كذبت عليك من هالناحية
قمر : كيف قدرت تخدعني طول هالفتره كيف كذبت على طفله اصلاً انا ماعرف وشلون رضيت تجلس معك
كنت مكذب بابسط التفاصيل وهو اسمك !!!
اسمع استاذ ايهاب عرضك مرفوض والله يستر عليك انت ومهمتك
ليتني صدقت حدسي بس
ايهاب مسك يدها بهدوء : قمر انا قلت لك تفهميني
لا تحكمين علي
ارجوك كله لصالح الوطن انا مو رجل سيىء ولا عندي شيء خطير والله
انا رجل دولة وهذي مهمتي م يصير اخون الثقة اللي عطوني اياها
والدليل اني حبيتك قاعد اصارحك
ضميري يعذبني وانا قاعد معك واسمي الحقيقي حتى م تعرفينه
قمر بدموع : وانا احس نفسي اكبر مغفله لاني بديت احب شخص مو صريح معي من البداية
تصبح على خير
توقعت بتزعل يوم يومين لكن كملنا شهر وهي زعلانه مني
وبقي شهر واخلص المهمة وافارق وجها الجميل
لكن مستحيل اتخلى عنها بجيب اهلي واخطبها واثبت لها صدق نواياي
اما لمار حمد لله للحين م منعتها تجيني بس مو زي قبل
ومن اللحين بدات اشتاق لها ولهذي الطفله اللي سرقت قلبي
في هذا الشهر تقربت من ابو ايه وقدرت اكسب ثقته
وهذا اكثر شيء فرحني هالفتره
شكوكي مستحيل تخيب
هذا هو
هذا هو اللي بيوصلنا للخيط بس اني زعلان على بنته وزوجته م يستاهلون
صحيت متاخر وانا زعلان اليوم م شفتها وهي تطلع للدوام بسبب نومي
لاني م صرت اشوفها الا بطلعتها ودخلتها من الدوام
لبست بسرعة وطلعت
علقت عيوني عليها بصدمة
وانا اشوفها بسياره فخمه وشاب يفتح لها الباب ويضحك
وهي تبادله الابتسامه اللي م صرت اشوفها على وجها
احرمتني ابتسامتها ومع هالغريب كريمة وتبتسم !!!
شديت على يدي بقهر ونار الغيره والغضب تاكلني من داخل
لوحت له بيدها وانطلقت السياره من قدامي
———————
الاعتراف وعرض الزواج 🥺❤️❤️❤️❤️❤️
وقعوا الابطال ومحد سمى عليهم 🤣🤣🤣
وكالعاده لازم ابعص 😂
الله يستر من القادم 🏃🏻♀️🏃🏻♀️🏃🏻♀️🏃🏻♀️
توقعاتكم:
ايهاب ؟
قمر ؟
عائلة الخالة حصه ؟
نبيل ؟
ماعرف البارت الجاي متى بس ممكن برمضان يتغير الجدول
بارت واحد فقط بالاسبوع
وكل عام وانتم بخير ❤️🌙
أنت تقرأ
Love and war
Misterio / Suspensoرجل مباحث صارم ، لا يتساهل مع الخيانة ، ومهمة جديده تغير حياته رأساً على عقب بعد لقاء الحسناء الغامضة ..
