إيهاب :
ابتسم بخبث وهو يقرا رسالة نبيل
: اوه معناتها تغارين انسه قمر
بس م ينفع معك الا هالشيء
والله ونفعت خطة لمار
ضرب جبهته اووووف اسمها بيريا
انا ليه عالق بالماضي
جابوا لي انفصام حسبي الله ونعم الوكيل
اذا طلعت توقعاتها صح وانها تحبني وتغار بعد
بسوي لي حفله
يارب استودعتك نفسي
رن الجرس وهو متوتر يعرف جنونها زين
فتحت الباب ببرود : اهلين بالعريس
خير ناسي شيء
ايهاب بتوتر : اممم اي نسيت اتناقش معك عن قضية مهمة بس انتِ صايره تطلعي بدري وما الحق
: انا اللي اطلع بدري ولا انت
: وهالشيء مو يريحك ؟ مو ذا طلب منك
: اي وشكرًا لانك نفذت لاني ارتحت من وجهك
واللحين النقاش بوقت العمل انا خارج اوقات العمل غير متاحه باي
: لا القضية مهمة وراح نتناقش اللحين
وسعي شوي
دخل بكل برود
وجلس بالصالة
قمر بغضب : يارب الصبر من عندك يارب
واقفه بالمطبخ تناظر مكينة القهوة بقهر
: يا حلو من حط فيها سم صدق
: ي متوحشه ناويه تسمميني!
لفت عليه بقهر : انا اقول الاحسن تنتظرني بالصاله
: لا مابي اموت متسمم
: ايهاب انت شتبي مني بالضبط ؟
: ما فهمت
: ليه تعلم اهلك قصة وهمية ، تلاحقني وتحاول معي واللحين بكل برود ترجع لخطيبتك وش تبي تثبت من هالتصرفات الغريبة ؟
قرب منها بهدوء
وبدورها بعدت بتوتر
:انتِ اللي وش تبين تبغين ارجع لها ؟
: كيفك
: همم ؟
: يعني كيفك ذي حياتك وانت حر انا قد قلت لك حنا انتهينا واصلاً م كان بينا شيء وعقب هالاحداث وانتقامك م اتوقع بيكون في ف انسى هالموضوع
: كذابه
:نعم
ايهاب بحده : كذابه اشوف الغيره بعيونك
اعرف هالشعور وقد جربته
ومادري اذا هذاك الوقت كنتي اسينات او زفت بس اللي كانت معي قمر
واللي حسيته بينا مستحيل يكون كذبه حتى لو انكرتي
انتِ حبيتيني مثل م حبيتك وللحين
بس تبين تعاقبيني
واعتقد انا وانتِ تعاقبنا بما فيه الكفايه
خلينا نعطي انفسنا فرصة
وننسى كل شيء
صدت عنه بانكار وهي تركز على القهوه : برايي انسى هالموضوع ولعاد تفتحه معي مره ثانيه
ايهاب بتعب : طيب ي قمر كابري لين تجيبين اخرتي
شهر مر وهو يقاوم قلبه
ويمثل رجعته مع لمى
قلبه يصرخ عليه يراضيها ويتقرب منها
عقله يقول خليها تعترف
بمشاعرها واخطائها بعد
علاقتهم رسمية واقل من رسمية حتى هالاسبوع م تعاملت معه
توصل اللي تبيه مع نبيل وهالشيء افقده م بقي من عقله
صحاه من ضيقته
رنين الجوال
وكانت آيه
: هلا ايه كيفك حبيبتي
: عمو مشتاقه لك ليه م جيتنا
اوعدتني ترجع لمار وتجون مره ثانيه
: ي روحي لمار مسافره بس مو اعطيتك رقمها ؟
انا بمرك هاليومين ان شاء الله وعد
: عمو تدري مين جانا امس
: مين
: خالتو قمر
:ايش !!
: والله عمو جت تودعني انا وماما
: كيف تودعكم وين رايحه !!!!
: قالت بتاخذ اجازه طويلة
وتسافر
الو
الو عمو !
: بعدين اكلمك آيه مع السلامة
قفل وهو يطيح على الكنبه بصدمة
ويفتح ازراره
يحس م يقدر يتنفس : مره ثانيه ي قمر مره ثانيه !!!!
اتصل على نبيل والغضب مسيطر عليه
اول م رد نبيل تفاجىء من صوته الغاضب
: ممكن اعرف ليه م علمتني انها اخذت اجازه
ويا ريت يكون عذرك مقنع لاني حالياً مابي اشوف رقعة وجهك
نبيل : اهدى ايهاب البنت كانت محتاجه هالاجازة
حياتها انقلبت فوق تحت واللحين تمثيليتك السخيفه
اللي نصحتك مليون مره تنهيها
يعني واضح قدامك وش كثر متضايقه وتهرب منك
قلت لك اكثر من مره البنت تحبك بس راسها صلب اكثر منك وهذي النتيجة
اتوقع بتطلب نقل بعد اجازتها الطويلة
ايهاب بصراخ : مو بكيفها راح ارجعها لو احبسها عندي
قلبي مو لعبه عند اللي خلفوها
والله هالمره ماراح تسلم مني
صعب عليها تجي تريح قلبي بعد هالسنين
تصارحني تصارخ علي
ماعندي مشكلة
بس الهروب عندها اسهل من اي شيء هالجبانه
بس بعلمها كيف
تهرب مني بعلمهاااااا
وانت مشاركها بهالجرح ي صديقي م قصرت
: ايهاب حاول تفهمها شوي ياخوي
امنتني م اقولك
وتوها سافرت م كملت ٢٤ ساعة
خليها تنفس شوي
وتفكر
تصفي ذهنها وبترجع
: حتى لو امنتك المفروض تقولي
: انت مو واثق فيها علمني ياخوي صارحني
فضفض
: لا مو واثق
ارتحت ؟
لمن قالت لي آيه رجعت
لهذاك اليوم
: اسف ايهاب سامحني م كنت اقصد والله
بس هالمره غير عطيها شوية وقت
سكر الجوال وغمض عيونه بتعب
: يارب هالمره م تخيبين ظني
يارب
*******
اعترف ايهاب كسر خاطري هالمره 💔
توقعون هربت للمره الثانيه ؟
ترقبوا البارت الجاي الاسبوع القادم
الاثنين او الخميس
اتمنى التفاعل يتحسن
أنت تقرأ
Love and war
Mystery / Thrillerرجل مباحث صارم ، لا يتساهل مع الخيانة ، ومهمة جديده تغير حياته رأساً على عقب بعد لقاء الحسناء الغامضة ..
