Love and war

Part:34

وصلت للفندق
بعد تعب رحلة دامت ١٢ ساعة

رمت نفسها بتعب على السرير

: كذا افضل ي ايهاب
لي ولك
انا تدنست من زمان
مو لاقيه قمر داخلي
عمري م كنت قمر
انا اسينات
اسينات عايشه داخلي
ماني قادره اتخطى شيء

مسكت جوالها وارسلت فويس نوت  على بيريا : اذا فتحتي هالرسالة ترى انا موجوده في مسقط راسي
احتاج منك معلومات ضروريه
اخدميني واعتبريها مقابل هالكم سنه اللي قضيناها سوا
باي ي بنتي

سكرت وابتسمت باستهزاء : بنتي مو لايق والله
هذي تعلمني
حتى بعد م اعتزلت

لقت رسالة من نبيل : قمر صفي ذهنك وارجعي قوية مثل م عرفتك خلال هالفتره القصيره انتِ اقوى بنت عرفتها جد
وترى الخبل يموت فيك
ولا رجع لمى
هو بس يحاول يثير غيرتك
اسف اني دخلت نفسي وضايقتك

ابتسمت بهدوء وردت عليه كتابه : ادري
نبيل
انا بعدت لاني م لقيت قمر اللي يبحث عنها
مو لاني مصدقه فيلمه
انا تعبت وهو مو قادر يفهم
بس يمكن يفهم يوماً ما
حتى لو احبه
صعب صعب
وما اتوقع لي رجعه
ولا شغل المحققه يناسبني
انا ضايعه نبيل
افهمني
و ي ريت م تلومني
ولا هو يلومني بعد
اشوفك على خير اذا حصلت لي فرصة

قرا رسالتها بحزن وقهر توقعها رحلة قصيره لكن يبدو ايهاب معه حق في شكه
: هذي والله الطامة الكبرى
ماراح يتجاوز ابد هالمره

شهر تحول الى عدة شهور
فقد نبيل تواصله الكامل في قمر
او يرجع يسميها اسينات !

تأنيب ضميره ياكله وهو يشوف صديقه شاحب
عيونه خاليه من الحياة
نسى شكل اسنانه

صح هالحالة من سبع سنوات
لكن لمن جت
رجعت معها شوي من صديقه القديم
اللحين
ولا شيء يشبهه

يخلص شغله بهدوء ويطلع
كلامه معه نادر للضروره
ما يسأل عنها ولا يجيب سيرتها
لكن اليوم ضروري يتكلم معه لان اللي عرفه خطير
تنهد بهم : اه ي ايهاب الكل  صار يتحاشى المشاكل معك 
لان يدرون النتيجة كدمة تبقى تزين وجوههم الى شهر

دخل ايهاب ببروده اللي تعود عليه

:قالوا طلبتني

: اقعد ياخوي الله يهديك ليه تحط الرسميات بينا

: حنا بالشغل

: على اساس اني اشوفك برا الشغل مو تتهرب مني؟

: ممكن اعرف وش هالموضوع اللي م يتأجل لبكرا

عدل جلسته ايهاب بهدوء
مصطنع
والتوتر واضح على وجهه : اليوم تسرب لي خبر
خطير جدًا

: اللي هو

: رئيس هذيك المنظمة هرب قبل كم شهر من السجن م علمتك عشان ما توتر
لكن اليوم وصلني خبر
هو وعصابته كامله تمت ابادتهم
معاد في شيء من اثرهم تفحموا

ايهاب بصدمة : ومين يقدر يقتل هالافه ذا بعدين ادري عن هروبه
ذا م يسمى هروب حكومته طلعته واخفته
بس يبقى السؤال مين الفاعل !! ودي اشكره

نبيل: لا وقبله بيومين تم قتل خاطف قمر بطريقة وحشيه بالسجن
مين الفاعل بعد ؟؟

ايهاب : تفكر باللي افكر فيه

: مافي احد غيرها
قمر محققه شاطره وعميلة سابقًا للي  يدعون انهم دولتها اللي سوت كذا او سوا كذا عندهم سلطة الدخول للسجن
وبرضو يعرفون معلومات عن رئيس هالمنظمة ووين متخبي مثل م ادعت حكومته
بعدين شمعنى الرئيس اللي سبب هالبلاوي
وخاطف قمر
وتحديدًا بالوقت ذا
مافي تفسير ثاني

ايهاب : يعني خلاص !!! دمرت نفسهاً تماماً
اذا مسكوها برا ف الله يرحمها
واذا جت هنا وهذا مشكوك فيه لان اللي اعرفه مستحيل ترجع
اكيد بتعرض لتحقيق وليه اجازة شهر تحولت اشهر وفقدنا تواصلنا معها

: هي تدري لو رجعت يمكن نكون شاكين حتى في مصداقيتها لنا وقالت لي م لقت نفسها بالشغل

: كيفففف وكل حياتها شغلها كذا !

: لا قمر طير حر تحب المهام اللي م تخليها تلتزم لفتره محدده بمكان واحد وتكره الروتين
يعني شغلها عندهم مناسبها
تخيل يجيك اشخاص  بعد كل هالسنين ويقولون اسمك مو ايهاب وانت مخطوف
ويلا تأقلم
ترى اللي صار معها صعب جدًا
وصراحة م اشوفها قتلت اشخاص ابرياء يستاهلون كلهم الاثنين
حتى عبد الوهاب يستاهل خاين

: ادري ادري صعب بس م يعطيها الحق تطعني للمره الثانيه وهالمره طعنه اقوى

: م تدري يمكن ترجع

: حتى لو رجعت النفس طابت منها ومن كل شيء
يلعن ابو الحب ي شيخ وهالعذاب
ويا حلو العزوبية

نبيل بضحكة : عين خير ي رجال

*****

بارت جديد وطويل
واحداث جديده

توقعاتكم ؟

قمر الفاعلة ؟
هل راح ترجع ؟
ايهاب هل بيقدر ينساها ؟