وصلوا للفندق بعد ساعات طويلة قضوها بالطياره
تنهدت نور بتعب وهي ترمي شوزها : ماني حاسه بظهري يا حمد
حمد :قايل لك بلا هالسفره السنه ذي
نور: وانا قايله مابي افوت هالاجازة
الوقت مناسب وما صدقت ايهاب يوافق يجي معنا
ي عمري بنتي من الفرحة بتنام بغرفته
حمد :اخوك نفسيه مع الكل الا معها صرت اغار منه على بنتي
نور: حدك عاد الا ايهاب
تنهدت بحسره على اخوها الكبير : مسكين شاف كثير م الومه يكون بهذا المزاج
الله يشرح صدره ويفرح قلبي فيه يارب
حمد ابتسم بجديه : قاعد امزح معك بالعكس انا احترم ايهاب واحبه
وانبسطت اكثر لانه معنا
بس مو عاجبني السوداويه اللي هو فيها
ليه مسوي روميو اذا جولييت تركته بنصف الطريق !!
نور بحقد : امحق جولييت ذي عقربه حسبي الله عليها دمرت حياة اخوي وحولته من انسان قوي وعملي لكئيب ومنعزل
ومافي شيء يبسطه
كان اللحين اشوف عياله ومبسوطه فيه بس هي السبب بكل شيء ..
...
: يمه شفتي اسراء
: لا ما شفتها فكرتها عندك من اليوم
: وانا مفكرها عندكم
: ي ويلي وين راحت بنت اختك !!!
مسكت جوالها بتتصل على نور
ايهاب : لا لا تتصلي تخوفينها
بروح ادورها
طلع من الجناح بتوتر
مدينة سياحية
اوتيل راقي على البحر
هادي
مافي زوار كثير
ولا ازعاج
:اسراء وينك !!!
قربت الطفله البريئة البالغه عامين ونصف
من طفل يكبرها بعدة اعوام بسيطة
: واو ايلا شوفي
داعب شعرها وهو يضحك بطفوله
قربت ايلا وهي تسحب لعبتها المفضله من يد اسراء
وترجع تكمل لعبها بهدوء عكس اخوها المبهور في جمال الطفله
:اسراء !!
قرب منها بحذر وحملها
:شلون طلعتي بسم الله على قلبك ؟؟
ناظر في كنان باستغراب اطفال يلعبون برا وبهذا الوقت
لكن ما ينكر استلطف مظهرهم البريء
ابتسم بهدوء وانسحب مع بنت اخته
يحب الاطفال ويبدو مصيره يلعب معهم من بعيد !!
بنفس الوقت وصلت قمر الغاضبه
: كيان ايلا انتم معاقبين على لعبكم لهذا الوقت
الساعة ١٢ !!!
يلا قدامي وبكرا مافي خروج بالليل ابدًا
ايلا : بس ماما ..
: بدون نقاش
كنان : ماما شفنا بنت مرا حلوه بس صغيره ما تعرف تلعب معنا
: وانت رايق تكون علاقات بهذا البرد والليل يارب صبرني
اليوم الاخر ..
صحت قمر بنشاط
سوت روتينها الصباحي
استعدت لدوامها
واتصلت على المساعده المنزلية
تجي قبل تطلع
انشغلت بالمطبخ لدرجة نست نفسها
جون : هناك شكوى من احدى الزبائن سيدتي
قمر :لقد قلت لك لا تناديني بهذه الرسمية جون ماذا بك
: اعتذر
تركت اللي بيدها وتنهدت بتعب : اين الزبون
:طاولة رقم 5 قال احد الاطباق لم يعجبه
: انا اليوم تركيزي مدري شفيه
توجهت للطاولة
المقصوده
كان يجلس عليها ثنائي ملفتين بجمالهم العربي
مع طفله قابله للاكل
يبدو انهم خليجيين
عائلة خليجية !
ابتسمت بحنين
حمد لله على كل حال
بس كارهه الغربة بكل ثانيه تمر من عمري والله
: مرحبا اخبروني لديكم شكوى على طبق من الاطباق
كيف استطيع مساعدتكم
حمد اشار على الطبق : هذا الطبق بارد ولا يوجد به المكونات التي طلبناها
هذا غريب ! لقد اتينا
بسبب التقييم العالي على مطعمكم في قوقل !!
قمر باحراج : اعتذر بشده سيدي سوف اقوم باعداد طبق اخر من اجلكم هل لديكم شكاوى اخر على اي طبق اخر
نور : بقية الاطباق لذيذه جدًا شكراً لكِ
حمد وهو يخز نور :اخر مره اسمع كلامك وكلام قوقل
في مطاعم احلى تبالغين
قمر استفزها كلامه يتكلم معها انقلش بهدوء واحترام وبلهجته اللي هي لهجتها اصلاً يقلل من شغلها !!
تكلمت ببرود ونظراتها موجهه عليه : العفو ، راح يوصلكم الطبق بعد ثواني واتمنى تقبلون اعتذاري مره ثانيه
انسحبت بهدوء وهي كاتمه ضحكتها على اشكالهم المصدومه
: سعودية !!!!!!!!
نور : ي فضحيييي ما تعرف تمسك لسانك
: غريبه جمالها ايطالي !!
: هاه
حمد بلع ريقه بخوف : مو قصدي شيء ي بنت الحلال بس شكلها مو خليجي مرا بس
نور بغيره : امداك تقزها وتحفظ ملامحها انا يالله ابلع واقيم الاكل
وانت مشغول تقيم صاحبة المطعم !!
: يوه نور قلت لك مو قصدي والله
خلاص لا تخربين الطلعه
لفت عنه وهي تاكل بغضب
المصيبه ان كلامه صح
جمييله وصدمتها انها تكلمت خليجي
لو يشوفها اخوها ويتزوجها بدال العقرب اللي ما نساها للحين مهما كذب
شكلها خيره يوم جاء معنا
يمكن نصيبه هنا ...
ابتسمت بخبث
هين ي ايهاب م اطلع نور اذا ما لقيت لك العروس قبل نرجع حتى لو اجنبيه
**********
هلووووو
كيف حالكم اصدقائي
بارت اخر طويل
اعتقد الاسبوع الجاي يكون الختام بهذي الرواية
استمتعوا بالقراءه
أنت تقرأ
Love and war
Bí ẩn / Giật gânرجل مباحث صارم ، لا يتساهل مع الخيانة ، ومهمة جديده تغير حياته رأساً على عقب بعد لقاء الحسناء الغامضة ..
