يوميات زوج صايم ( مكتملة)

كوباية قهوة

أسر : انا عايز كوبايه قهوة
لبنى : الاذان لسه باقي عليه ٥ دقايق
أسر : مش قادر يا لبنى هموت عايز قهوة حاسس اني هتجنن
لبنى: قولتلك أنت اقوي من القهوة ولازم تتعالج عشانا وانت الي بتوصل نفسك لمراحل خطرة
أسر : القهوة دي عشق لا ينتهي انا عايز كوباية قهوة بقي
لبنى: أنت بتحلم صح انت متخيل اني هقف دلوقتي اعمل قهوة مع الأكل الي انا عاملاه والشوربة والعصاير  والصهد والخلق الضيق وعايز فنجان قهوة وبوش لا ده طلب تعجيزي
أسر : بس انا مش عايز فنجان انا عايز كوباية
لبنى : كمان  وبتقولها كدة في وشي عادي طب يا اخي راعي الموده والرحمة والعشرة الي بينا  وان العيال قاعدة
أسر : بمعني
لبني : يعني خلص العصير اللذيذ ده يا لذيذ
أسر : ايوه كوباية القهوة عايزها عايز افطر عليها
لبنى : أنت عارف ان شراينك وخلايا جسمك متفقة معايا القهوة علي الريق غلط انا خايفة علي صحتك
كل بس والقهوة هتتعمل ان شاء الله
أسر : طب بعد الفطار علي طول اعمليهالي
لبنى : انا بعد الفطار هطفش ومش هتعرفولي طريق جرة