يوميات زوج صايم ( مكتملة)

المخلل فين

معتز : المخلل فين
سماء : سفرة طويلة عريضة قدامك وانت ماسك في المخلل
معتز : أنت عارفة اني مش بعرف اكل من غيره
سماء : هحطه يا معتز وانا بغرف متقلقش اغرف بس الشوربة كدة
معتز : لا تعبان ومصدع مش مركز
سماء : معلش عشان تاخد حسنات خليك راجل جدع وساعدني
معتز : حاضر بس هو لسان العصفور ليه اللسان فيه كتير
سماء : يعني أنت تعبان ومش مركز بس اللهم بارك ركزت  في عدد اللسان وهو كتير ولا لا،  لا يا معتز مش كتير يا حبيبي
معتز : والله انت الي حبيبتي بس متنسيش المخلل
سماء : مش لاقيه غير مخلل جزر وخيار الفجل خلص
معتز : بس انا بحب الفجل اكتر يعني مش هاكل كدة
سماء : يعني سفرة طويلة عريضة ومحشي وبط وعصير ولسان عصفور وانت هتسيب كل ده عشان مخلل فجل يا معتز
معتز : معلش مش بعرفاكل من غير الفجل أنا
سماء : لو الجملة دي هتحمسني يعني عشان اجيب فجل مخلل من تحت الارض الزراعية بتاعتنا الي تحت سريرنا  فمع الاسف احنا لا عندنا ارض زراعية تحت السرير ولا عندنا فجل محتاج يتخلل ولا في فجل مخلل بيطلع من الارض اصلا
معتز : يعني ايه مش هاكل مخلل لا انا هنزل اشتري
سماء : يا معتز الشوربة استني اغرفها طيب يا معتز