يوميات زوج صايم ( مكتملة)

خروجة الوقفة

مراد : يعني يرضي ربنا نخرج في الوقفة كدة بدل ما اروح احلق
مليكة : يا حبيبي ده عيد طبيعي نخرج فيه
مراد : هو مش المفروض بتقلبي الشقة وتنضفي وتنقعي الترمس وتحمصي السوداني ولا طقوس العيد مش جاية معاك سكة
مليكة : تنضيف العيد ده للستات التوتو اسمها خروجة العيد وهدوم العيد وصواريخ العيد والعدية بتاعة العيد واسكين كير العيد يا روح قلبي
مراد : يعني جو الاهتمام العائلي مش في قاموسك
مليكة : بص يا مارو دلوقتي انا ليه منضفش براحتي حاجة في حاجة بدل ما اقلب الشقة مرة واحدة واهبد صحتي هو انا لاقياها في كيس تايجر
ثانيا وده الاهم الكحك والبسكوت والبتيفور عملتهم انا وانت بالفعل والترمس نقعته وانا بعمل الفطار اما السوداني فتشتريلنا من المقلة واحنا ماشين
مراد : بس معملناش غريبة
مليكة : غريبة يعني سبت كل الي اتعمل ومسكت في دي اعملهالك بكرة ان شاء الله
مراد : اشطا اتفقنا
مليكة : طموح انت والله يا مراد
مليكة : مراد مراد
مراد : في ايه
مليكة : هو ده محل حلاقة ولا مظاهرة ولا في أي و مين اللي خارج حاطط جبنه علي وشه ده مين دول
مراد وهو بيضحك : جبنة فكريني معملش الماسك ده وده يا حبيبتي طقوس العيد عند الرجالة كل سنة واحنا سوا