يوميات زوج صايم ( مكتملة)

مشروبات رمضان

سمية : اعملكم عصير ايه انهارده يا اخويا
محمد : اي حاجة يا سمية مش هتفرق
سمية : اعمل فراولة
محمد : لا مش مشروب رمضاني ده يتعمل كدة في سهرة حلوة قدام العيال كبرت
سمية : طب اعمل مانجة من الي مخزناها
محمد : لا لا المانجة تتاكل بقشرها اطعم واحلي
سمية : طب اعمل تفاح
محمد : لا هيعطشني لا
سمية : طب اعمل تمر هندي العيال بتحبه
محمد : تمر هندي ايه وبتاع ايه طعمه مش حلو اصلا وكله الوان
سميه : طب اعمل سوبيا
محمد : لا التمر باللبن احلي ومفيد اكتر
سميه : طب اعمل تمر ب لبن
محمد : الاذان خلاص خليه بكره بقي مش هتلحقي
سمية : يا محمد انا زهقت شوف عايز ايه انا قولت كل الي عندي
محمد : انت تعملي عرقسوس هو في زي العرقسوس ولا جمال العرقسوس
سمية : بس محدش بيحبه في البيت غيرك
محمد : عشان العيال مبيفهموش لا في الاكل ولا في الشرب انت تعمليلنا ٣٠ شفشق وتطلعيلنا واحد كل يوم