يوميات زوج صايم ( مكتملة)

تراب يا مالك

مالك : يعني انت بتعيطي ليه دلوقتي
سارة : عشان انت راجل مفتري
بص مالك ل ايدك الي مليانه عض  : والمفتري عملك ايه طيب اهدي وبطلي عياط هتتعبي
سارة : ايوه ما انت خايف علي ابنك انما أنا ولا افرق معاك
مالك : لا يا حبيبتي تفرقي معايا طبعا وصحتك انت والولد مهمة عندي
سارة : قولتلك بنت ولا انت بقي مش عايز بنات مزعلاك خلفة البنات
مالك : ولد وبنت كل الي يجيبه ربنا كويس دي نعمة ممكن تهدي وافهم في ايه
سارة : مش عايز تأكلني تراب ليه
مالك : بالله عليك انت مقتنعة بالجملة
سارة : أنا بتوحم علي تراب وعلي اني اعضك
مالك : وسايبك تعضيني وبحط مراهم وبحط في قلبي وساكت وبس بقي بدل والله ما هطفش وما هتعرفيلي طريق جره
سارة : وأنت كمان عايز تشتكي أنت السبب في الي انا فيه كنت وردة مفتحة وبعدها تطفش ايه مش لازم تتحمل مسؤلية عملتك وتصلح غلطك
مالك : وأنا كنت غصبتك يعني وبعدها غلط ايه الي اصلحه اكتر من اني اتنيلت علي عيني واتجوزتك ده تلاقيني كنت شارب
سارة : ايوه انت خدرتني يا نهار اسود وكمان مدمن
مالك : لا حول ولا قوة الا بالله معلش انا راجل مش محترم وبس بقي بدل ما ارميلك نفسي من البلكونة دي وبالمناسبة يعني خبر مش مهم   احنا متجوزين اقسم بالله متجوزين
سارة بعياط : طب انا عايزة اكل تراب
مالك بعياط : اقسم بالله ما ينفع ارحميني
سارة : متزعقليش بقي هعيط اكتر طب هشمه بس
مالك :  اجبلك سجارة وتروليه يا حبيبتي  ولا اجبلك طبق وشميه ويبقي ادمان جديد اعقلي بقي يا سارة
سارة : قصدك اني مجنونة
مالك : لا والله انا الي مجنون وابن ستين في سبعين اني اتجوزت اصلا
سارة : ما هو الي مغري الله
مالك : يعني ايه مغري هو طبق كبدة اسكندراني
سارة : كبدة الله واحط عليها رنجة واقطع عليهم مانجا ومايونيز واغمسهم في شيكولاته سايحة
مالك : ايه القرف ده بطني اتقلبت
سارة : قرف ايه بس ده قمر وارش عليهم تراب هيح تراب انا عايزه تراب يا مالك
مالك : يعيني علي الحلو لما تبهدله الأيام
سارة وهي بتعض كتف مالك :هاتلي تراب
مالك : يا لهووووووووي يا بنت العضاااضة كفايا عض حاضر هتهبب اجيب زفت تراب
سارة : أنت حبيبي
مالك : وانا مش طايقك