يوميات زوج صايم ( مكتملة)

مساعدة الفطار

عبد الله : ها الاكل خلص
أميرة : والله أنت منورني بس وجودك في المطبخ يعني هنا لا هيسرع الاكل ولا الاذان هيأذن دلوقتي ولا الاكل هيستوي أحسن فأخرج يا عبدالله وخلي اليوم يعدي
عبد الله : لا أنا داخل اشوف يعني عملتي الملوخية زي ما قولتلك
أميرة : والله اقترحاتك في التسبيك والطشة والشهقة علي عيني بس لو شهقتي مش عاجباك اشهق أنت وكمل واسبلكم انا الفطار عادي أنا عايزة اخد اجازة أصلا
عبدالله : وايه يعني لما تسمعي كلامي أنا عارف بقولك ايه علي فكرة
أميرة : هو الحوار شيق والله لكن الاذان خلاص باقي عليه ١٠ دقايق وانا من صهد البوتجاز والسوبيا المشبرة هناك دي ممكن اخدك علي محكمة الاسرة عادشي
عبد الله : علي فكرة بقي أنا كنت بساعد أمي في الاكل فأنا عارف بقولك ايه
أميرة : علي فكرة دي نميمة واحنا صايمين ومعرفش ايه جاب سيرة مامتك حاليا فلو سمحت خد العيش واقعد علي السفرة وشوربتك وملوخيتك ورزك هياجولك لحد عندك
عبدالله : علي فكرة أنا وقفت أساعدك وعشان كدة الاكل هيطلع حلو.
أميرة وهي بتحط الطبق من اديها : يعني مش عشان انا واقفة اعمل طب عموما والله الجواز حلو والخلفة حلوة وانا جربت الحمدلله ف فين الباب بقي عشان انا مش هكمل في التجربة دي انا ناقصة حد يجلطني اكتر من كدة