⏳කාල ⌛ ( Completed )

⏳8 වන කාල ගමන ⌛⌛

⏳⏳⏳⏳⏳⏳⏳⏳⏳⏳⏳⏳⏳⏳⏳⏳⏳

" ඒක වෙන්න විදියක් නෑ. ඒක බොරුවක්. ඒ බොරුවක්. මට ඒක විශ්වාස කරන්න බැහැ. "

" මම ඔයාට කිව්වා මේ දේ කරන්න එපා කියලා. "

.................................................
........

11.04. 2019.. at 9.30 pm

' එහෙනම් දැන් මම මගේ අරමුණ ඉෂ්ට කර ගන්න ඕන. '
වන්ග් යීබෝ යන්ත්‍රය ක්‍රියාත්මක කරන්නට විය. එහි සටහන් ව තිබුනේ 08.02.2009: 16:00
ලෙසයි.

සියල්ල නතර විය.

ඔහු දොරටුව විවෘත කරන්නට සූදානම් විය.

" ඕක කරන්න එපා. "
එක්වරම අර වයෝවෘද්ධ පුද්ගලයා ඔහු ළඟට පැමිණීයේය.

" ඔයා... ඔයා කොහොමද? මෙතනට ආවේ ? "

" ඔයා මේක කරන්න එපා. ඔයාට පසුතැවෙන්න වෙයි. "

" මාව නවත්වන්න එපා. මම යනවා. මම මේක හොයාගන්නවා "

" වන්ග් යීබෝ. තමුන්ට පේන්නේ නැද්ද මම කවුද කියලා ? "

" ඔයා කවුද? ඒක මට වැඩක් නෑ. මම යනවා "

" නවතිනවා. මම තමුන්මයි"

එවර නම් වන්ග් යීබෝ ගේ දෙපා ඉබේම නතර විය.

" මොකද්ද ?"

" බලනවා මගේ මුහුණ දිහා. තමුන්ට පේන්නේ නැද්ද මම තමුන්ගේ අනාගත කාලය කියලා"

" එතකොට එතකොට....... තමුන් මමමද ? ඒක වෙන්න බැහැ. "

" මේක කරන්න එපා. ඔයාට පසුතැවෙන්න වෙයි. ඔයාට එයාව බේරගන්න බැහැ. ඔයාව අසරණ වෙයි. "

" තමුන් දන්නවා ඒ මිනිමරුවා කවුද කියලා එහෙනම් ?? ඒ කවුද කියනවා? "

" ඒක දැනගන්න ඕන නෑ. මේවා අතැරලා සාමාන්‍ය ජීවිතයක් ගත කරන්න. මම ඔයාගෙන් ඉල්ලනවා"

" මට බැහැ. "
එක් සැනෙකින් වන්ග් යීබෝ දොරටුව විවර කර ඇතුළට ගියේය.

එවිට ඔහු සිටියේ යුනිවර්සිටි ය ළඟය.
වෙලාව හරියටම හවස හතර යි.

වන්ග් යීබෝ ෂැන්ග්හයි ස්ටේෂන් එක ළඟට කලබලයෙන් මෙන් දිව්වේය.

එවිටත් ෂියාඕ ජාන් ස්ටේෂන් එකේ බංකුවක් මත වාඩි වී සිටියේය.

ඔහු phone එක දෙස බලමින් සිටියේය.