احببتك والله يعلم بالخفاء

بارت 45

وصلو الشباب الرياض الساعه 3 وهم داااايخين
خصوصاً بهاج ومطلق الي مارفت عينهم ولا نامو عكس سعود الي ماحس حتى بالطريق وكان طول الطريق نايم وقفو عند الفندق والتفت بهاج لمطلق الي كان يسوق : يلا نزلنا
مطلق نزل وهو فيه نووووووم : صح الغبي الي ورا من النوم
كان بهاج ماله حيل ابداً يصحي سعود واخذ علبة المويه وفتح الباب عليه وكبها كلها عليه فز سعود بشهقه والتفت بهاج له وقال : يلا وصلنا
مشا بهاج ومطلق داخلين للفندق واغراضهم بيدهم وسعود من وراهم : طيب يابهاج
بهاج مارد وكمل مشى مع مطلق دخلو الغرفه الي فيها ٣ اسره وكل واحد اتجه لسريره وعلى طووووووول نووووووومه ودخل سعود وراهم وشافهم نعسانين طف النور وارتمى هو بعد وعلى طول دخل بنومه عميقه
____________________
ومن بكره في الديره عند الشيخ عبد اللطيف دخل لام شهد الي كانت جالسه بالصاله وهو اخذ قراره خلاص بخصوص زواج بنته شهد من ضاري
الشيخ عبد اللطيف : وين شهد ؟
ام شهد : داخل
عبد اللطيف : ناديها
قامت ام شهد تنادي شهد وهي تشوف وجه عبد الطيف مايطمن ابداً
دخلت عند شهد الي كانت ماسكه خصلتها وتبحر في التفكييييييير : شهد
فزت شهد : هلا
ام شهد : قومي ابوك يبيك
شهد : مو من حب اكيد عنده مصيبه ثانيه
ام شهد : قومي ولا يسمعك !
طلعت ام شهد وهي تقول : انتظرك
تأففت شهد وهي ماودها تشوفه ابداً وقفت وطلعت له دخلت الصاله بس ماتكلمت ابداً رفع راسه عبد اللطيف : ليتك كل يوم ماسكه لسانك
اخذت شهد نفس وهي تناظر بالظبط في عيونه والي يشوفها يقول شجااااعه وماتخاف من شي ولا شي يهزها بس بالحقيقه انها مثل الريشه ادنى حاجه تكسرها بس ماتبين
عبد اللطيف : الملكه اجلناها بعد اسبوع مو بعد بكره وبتكون يوم خميس والملكه والزواج بنفس اليوم
ام شهد : وشلون يعني
عبد اللطيف : وش الي مافهمتوه اجلو الوقت عشان الملكه والزواج يكون بنفس الوقت ابدو تجهزو واستعدو
ورفع نظره لشهد الي كانت ساااااكنه وتراقب الي يصير قدامها بهدوء : ولا تخلوني استعمل يدي مره ثانيه
قام وطلع بدون ولا حرف زياده
التفتت ام شهد لشهد وهنا امتلت عيون شهد دموع وهي تشوف ضعف امها وقبل تتكلم وقفتها شهد وهي تأشر بأصبعها : لا تقولين لي ولاشي مابي اسمع منك شي
وقفت ودخلت غرفتها تمسك بكيتها
_____________________
وبجهه ثانيه بجناح رعد وساره دخل رعد بعد ماجا من الدوام كالعاده ببدلته العسكريه وهو يصوت بساره بس مافي رد وغريبه عليه هدوء الجناح تلفت يدورها هي وبهاج الصغير وفتح باب الغرفه وشافها نايمه وحاضنه بهاج الصغير الي نايم في حضنها بعد وابتسم وهو يتأمل المنظر الي قدامه وهو في نعييييييم تاااااام تقدم يغطيهم كويس وراح بدل ورجع يرتمي بجنبهم مع ان توهم العصر بس ماقدر يقاوم جمال المنظر وماينظم معهم
____________________
وبجهه ثانيه تحت عند البنات افنان ونوره والعنود وساره وتغريد الي كانو في جلستهم المغربيه بين قهوه وحلا واغراض البقاله وازعاج بهاج الصغير الي كان يمشي شوي شوي من مده الين ما انطلق وبكاء فِراس بحضن تغريد
دخلت العمه عواطف وجلست معهم : خيييير محد ينادي ولا شي ولا كبرنا خلاص ؟
ضحكو البنات
افنان : لا حشى انتي اصغرنا كلنا !
غمزت العمه عواطف : عاد انتي بالذات ماصدقتك
افنان : افاااا وهذا انا امدحك ؟
انتبهت العمه عواطف بقروشة تغريد وهي تحاول تسكت فِراس بحضنها ونزلت الحلا الي بيدها وقالت : عطيني عطيني انا اسكته الحين
وقامت تغريد تعطيه العمه عواطف بقل حيله : والله ما اقول لا
دخلت ام رعد وهي تضحك وجلست : عاد جدتكم يابنات تسولف تسولف من اليوم ماسكتت على جدة مطلق حبتها ماتت فيها
العنود : غررررريبه جدتي تسولف
افنان بطقطقه : خلاص صارو بست فريند
البنات كلهم بدون استثناء: هههههههههههههههههههههههه
___________________
بالرياض عند الشباب بالفندق الي كانت غرفتهم ملياااانه ظلاااااام قام مطلق وشغل الانوار وشاف العيال نايمين دخل الحمام يغسل ورجع يصحيهم
كان بهاج منزل ثوبه ونايم بالفنيله والسروال ومتمسك بالبطانيه ونايم بعمق وسعود الي حتى ماكان له حيل ينزل ثوبه نام وغرق بالنوم بثوبه شغل مطلق كل الانوار عليهم وهو ينادي بصوت عالي : يلا يلا ياولد قومو
انزعج سعود من سطوع الانوار وحط البطانيه بوجهه بس سحبها مطلق يبعدها عنه ورجع لبهاج يسحب البطانيه الي كان شبه حاضنها وقال وهو يصحيه : حتى البطانيه ماتركتها بحالها
قام سعود : وش فيك انت ابلشتنا مع صباح الله خير ؟
مطلق : ايييي صبااااح الله يصلحك الساعه سبع سبععع
اخذ سعود جواله بيشوف الساعه بس اتكشف انه طافي ومسح على وجهه بزهق
وبعد قروشة مطلق وازعاجه قام للحمام ( اكرمكم الله ) وهو متكاسل
ورجع مطلق يصحي بهاج بس انفجع من بهاج الي قام يصارخ وباين عليه شاف حلم
مطلق بفجعه مسك قلبه : وجع الله يوجعك
اخذ بهاج نفس بعمق وارتخى بعد ماشاف مطلق والغرفه وانه كل الي شافه كان حلم ؟ ايه الحمدالله حلم !
مطلق : وش فيك ؟
بهاج مسح على وجهه بقل حيله وهو كان من مده مايتحلم بأديم وكان يحاول ينساها معقوله حست انه جاي الرياض ؟ ليش بعد كل هالايام تجيني بالحلم الحين ؟ وبعد عنه البطانيه وقام من السرير : مافيني شي
طلع سعود من الحمام ودخل بهاج وراه على طول وهو يشوف وجه بهاج المكشر وغمز لمطلق : وش فيه ؟
مطلق : مدري
قعدو مطلق وسعود يحاولون يلملمون حوستهم واغراضهم الي على الارض
طلع بهاج من الحمام واخذ ثوبه ولبسه وقال : نطلب عشا ؟
مطلق : لا يرحم امك زهقت من هالغرفه خلونا نطلع نتعشى برا نشم هوا ونفكر وين ممكن اتوظف
سعود : صح صادق خلونا نطلع
____________________
وعند البنات الي طلعو الحوش بس مستغربين ساره للحين ماجاتهم
تغريد : غريبه ساره مانزلت ؟
العنود : لا مشافناها
افنان : يمكن راحت بيت اهلها
تغريد : وش يوديها الحين وهي امس جايه منهم لالا اكيد رعد مارضا يخليها تروح
نوره : اجل وينها ؟
سكتو على جية ساره وماسكه يد بهاج الصغير الي يمشي ويطيح
جلست وتربعت : سلام بنات
تغريد : عاد تونا نقول وينها
تكلمت ساره بصوت مبحوح واضح عليه التعب : يختي مدري نمت العصر بالغلط انا و السعنون ذا ويوم قمت مسكتني الحراره
تغريد : وين رعد ؟
ساره : كان نايم وطلعت وهو نايم والله ماجيته
افنان : يوووه عاد ابوي جايينه ضيوف والله لو يدري مطلق وماقام يعاونهم لياكلنا كلنا ويقلب البيت فووووق تحت
شهقت ساره : في ذمتك ؟
افنان : اي والله
قامت ساره بتقومه بس سكتت وصنمت على صوت رعد الي زلزل البيت وهو للحين مادرا ان بالمجلس ضيوف : ياااولد
تغريد : هلا يا رعد
رعد : فيه احد ؟
تغريد : ايه ايه فيه لا تجي
رعد الي كان بيسمع صوت ساره وبيتطمن هي عندهم ولالا لانه قام ومالقاها وقال : ساره وين ؟
فزت ساره بخوف : هلا هنا موجوده
رعد تطمن اول ماسمع صوتها وقال بهدوء : امي وين
ساره : داخل
دخل رعد بيروح يسلم على امه وهو صار له من جا من دوامه ماسلم عليها
وعاد رعد معرووووف اكثر واحد بار بأمه وابوه وياويل احد يمسهم بشعره بس ياويله
دخل الصاله وهو يصوت : ياولد
ام رعد : ادخل ادخل ياحبيبي
دخل رعد واتجه لامه يسلم عليها : كيف ام رعد ؟
ام رعد بأبتسامه رضا : بخيييير دام رعد ولدها
التفت للجده والعمه عواطف وسلم عليهم وشاف جدة مطلق جالسه معهم : مساك الله بالخير ياجدتي الثانيه
جدة مطلق برضا تاام من تعامل اهل هالبيت من عيال وبنات : بخييير وانا امك بخيررر عساك انت بخير ؟
مطلق : بخير بخير وجعلك بخير دايم ، يلا تبون شي
ام رعد : سلامتك
طلع رعد للمجالس الي ماتوقع ابداً بيلقى فيها رجال
وانصدم من نظره الجد حمد له الي باين عليها العصبيه ولف شاف سلطان واقف بنص المجلس ماسك الدله ويصبها على الضيوف الي واضح انكرف كرف من الجد حمد وابو رعد الي مايدرون وينه للحزه هاذي
وانطلق يسلم ويرحب بالضيوف واحد واحد ورجع ياخذ الدله من سلطان الي رفض بس اخذها غصب
______________________
وهناااااك بعيد في الرياض
عند اديم الي كانت جاهزه عشان تطلع مع سلمى للسوق وهي ماودها تطلع ابداً ابداً بس اصرت عليها
وطلعت من الباب بعد مادقت عليها تطلع
سلمى : هلاااا والله حي هالشوف
اديم ركبت مع سلمى ورا وقالت تجاملها : اهلين ياحبيبتي انتي
سلمى : ايه اخيراً اخيراً شفناك تطلعين
ابتسمت اديم وهي اصلاً ماودها تطلع ابداً بس عشان خاطر سلمى
_____________________
وبجهه ثانيه عند العيال الي نزلو للمطعم يتعشون فيه وهم ميتين من الجوع طلب سعود ورجع لجلسة العيال
رفع جواله بهاج الي جاه اتصال من تركي ورد : هلا تركي
تركي : اهلين بهاج اخبارك
بهاج : والله على ماتحب
تركي : وصلتو الرياض ؟
بهاج : ايه دوبنا اليوم صار شي عن الموضوع الي كلمتك فيه
تركي ابتسم : ابشرك كلمت لي صديق يشتغل بشركه وقلت لهم عن صديقك مطلق وراح كلم المدير وقال له خله يجي بكره للمقابله
ابتسم بهاج وبصوت بشوش قال : اسألك بالله ؟
تركي : ايه ايه والله يكتب له الخير في هالوظيفه واذا تبي شي وتحتاج شي يكفي منك اتصال بس وعلى راسي
بهاج : الله يوفقك ياتركي ماقصرت ، فمان الله
قفل بهاج ورجع للعيال : ابشركم ياعيال بكره ينتظرونك يامطلق للمقابله
انشرح صدر مطلق وقال : الحمدالله يالله يارب باقي بس الموافقه وادخل بوظيفه رسمي !
سعود بفرحه : ها شوي شوي ويصير الي تبيه وتاخذ شهد
ابتسم مطلق وهو من الفرحه الي فيه جاه فرط حركه وضرب سعود من رقبته من ورا وهو يقول : عقباااالك
ابتسم بهاج بخبث وقال : هذا موضوعه خله بعدين اعلمك فيه
سعود : يااااشينك وانت تلمح واصلاً ماعندك ماعند جدتي
مطلق : ليه وش عنده ؟
بهاج بلعانه : هاوي ( يحب )
مطلق ضحك : اسألك بالله من ؟
بهاج : الله يستر على البنت بس بعد مانزوجك بنشوف وش علته
سعود : والله علتي انكم اخوياي والا انا وش ابي بالوجيه النحسه
جا الطلب الي جا بوقته بالنسبه لسعود وبدو العيال ياكلون والكل بداخله امل حتى ولو كان صغير
بهاج : ايه وبعد لا ننسى عشان بعد مانخلص نطلع للسوق نشتري لك كم شي عشان بكره
مطلق : وليه تشتري خطا ثوبي وهذا شماغي
سعود صفق جبهته بغباء : وهاذي زنوبتي بروح فيها ؟
مطلق : ايه بروح فيها وش فيها ؟
بهاج : عشان يطردونك اول مايشوفونها عليك
مطلق : اف خلاص لا تغثوني بنروح
بهاج : ايه اسمع الكلام
_____________________
وبجهه ثانيه عند اديم وسلمى وطبعاً ماقصرت سلمى ونادت كل البنات الي انبسطو بشوفة اديم واديم بس تجامل وتحاول تفك على نفسها وتنسى بهاج على الاقل لو ساعه
وبعد جلسة البنات بالمول الكل تفرق وقامت اديم وسلمى الي يدهم مليانه اكياس وماخلت سلمى شي الا وشرته علشان توسع صدر اديم
سلمى : تعالي نشوف هالمحل
اديم بتعب : خلاص سلمى ارحميني شوفي كل هالاكياس اخذنا المول كله !
سلمى : الله يالدنيا وش صار على اديم الي كانت تقش المول قش والحين هالكم كيس قلتي اخذنا المول كله ؟ تعالي بس نشوف هالمحل
دخلت اديم معها بقلة حيله وهي ملاحظه ان سلمى تحاول توسع صدرها بس ساااكته ومخليتها على راحتها بس مهما سوت مارح تداوي جرح قلب اديم العميييييق
___________________
وبالديره تحديداً عند رعد الي بعد ماراحو الضيوف دخل داخل البيت وكل الجنون براسه وبصوت جمهوري : يااااولد
ام رعد بفزه : ادخل مافي احد
اما البنات الي كلهم تكهربو من الفجعه وصوته الي واضح منه معصببب وبالحيل
وساره الي خير شر باين عليها التعب من الحراره بس نست كل التعب وهمه وجاها هم ثاني وهي تدري ماجا رعد بهاذي الطريقه عبث
دخل رعد وهو يقول : سااره !
فزت ساره وبحضنها بهاج الصغير : سم ؟
رعد الي ماقدر يمسك نفسه قال بصوت عالي : انا وشو انا ؟؟؟ الضيوف برا وانا مكبر مخدتي ونايم ؟؟؟ وانتي تدرين وماقومتيني ؟
سكتت ساره محتاره ماتدري وش تقول بس فزت من صوت رعد الي قرب منها : تككلمييييي انطقيييي
لو ساره ماتكلمت كان رعد ضربها من كثر العصبيه وهو مايحس بنفسه
ساره برعب والبنات يراقبون بصمت : والله والله يارعد مادريت الا قبل تنزل بخمس دقايق بس
رعد بصوت اعلى : اذلفي فوق وشغلي معك بعدين مو الحين
قامت ساره وهي شوي وتبكي من الفشله ومن الراعه
قربت تغريد بصمت منها : ماعليك شوي ويهدا
هزت راسها ساره واخذت بهاج وطلعت فوق
والتفت رعد للي جالسين : ليه ماصحيتوني انتم بعد ولا مادريتو ؟
افنان : حسبنا انك صاحي
رعد بأصبعه: انتي اسكتي ومالك دخل ياام لسان
ام رعد : وش فيك يارعد على البنات فجعتنا وفجعتهم
رعد بقهر قال بصوت منخفض لانه مستحيل يتكلم مع امه بصوت عالي : الرجال برا وانا نايم بالعسل ولا احد فكر يقومني حتى زوجتي يايمه وابوي وجدي شوي ويذبحوني من نظراتهم
ام رعد : حصل خير ياامك والبنات نسو وها شوف قمت وضيفتهم
سكت رعد ياحاول ياخذ نفس
العمه عواطف : تعال تعال تقهو وروق تعال
رعد الي انسدت نفسه من كل شي وبعد هاوش ساره قدامهم كلهم التفت بيطلع : مابي مابي شي
طلع من الفله الا طلع من البيت كله مايدري وين يروح بس اهم شي مايدخل على ساره وهو معصب ولا وده يقابل احد ويرتكب فيه جريمه
اما ساره دخلت الجناح وهي متفشششششله وعيونها تتجمع فيها الدموع لا أرادي نزلت بهاج الي مره ينعس بينام ومره يبكي وتصيح معه هي بعد من زود القهر من رعد
_____________________
وعند شهد الي طلعت لغرفتها فوق وماتدري وش بتسوي جلست تفكر معقول بتزوج ؟ معقول انا بتزوج ظاري ؟؟ هالي ماعنده ادنى شي من الرجوله ؟
والاهم انه اكبر مني بسنوووووووووات غمضت تدمع بألم من حالها ومن ابوها وضعف امها ومن مصيرها المجهول ودها الحييين تموووت بمكانها قامت للشباك تفتحه وطاحت عينها على مكان مطلق الي كان يوقف فيه تحت الشجر ويطالع بغرفتها بس الحين مطلق مو موجود وماتدري وين اختفى صار له فتره مسكت قلبها بألم تحسه ماعاد قادر يتحمل اكثر من كذا عذاب
شهد : حتى انت يامطلق اختفيت وخليتني ضايعه بوسط ازدحامي
ماتدري ليه قالت عن مطلق كذا وماتدري ليه قامت تتفقد مكانه وماتدري ليه اصلاً فكرت فيه بعد ماكانت تخاف منه الحين تنتظره يطلعها من الحفره الي هي فيها مع ان عمر ظاري بنفس عمر مطلق بس كان مطلق غيييير بالنسبه لها غيييير حتى لو خيروها بين ظاري ومطلق بتركض لمطلق وهي ماتدري ليه
____________________
وبنجد العذيه
طلعو بهاج وسعود ومطلق من المحل الي بوسط المول وكل واحد بيده اكياس
مطلق : الحين وشهوله هالخرفات ذي كلها ؟
سعود : نعدل شوي من مظهرك ولا لو يشوفونك بالثوب هذا الي صار له سنين ماتغير بتخرعهم
مد مطلق يده وهي ماسكه كيس عشان يضربه : اسكت انت اسكت لا تسمعني صوتك
ابتعد سعود عشان مايقدر مطلق يضربه
بهاج : ياعيال شرايكم نطلع خلاص قضينا
مطلق : ايه ايه تكفون
سعود : عاد هذا يبي النحشه بس اول ناخذ قهوه بعد الفرفره مع ذا يبي لي قهوه اروق عليها
طلعو من المول متجهين للقهوه الي كانت بالمول بس كانت بالجهه الخارجيه
اخذو قهوتهم وطالعين من القهوه الي كانت ملياااااانه زحمه طلع مطلق من البدايه واقف عند الباب وهو اصلاً مايحب الزحمات اما سعود الي كانت بالنسبه له عادي ماتفرق وراح بهاج معه ومطلق ينتظرهم برا عند الباب
دق جوال بهاج ورفعه يرد وكان واحد من اهل الديره قعد يسولف معه وياخذ اخباره رغم الزحمه والكثافه السكانيه الي بالقهوه اخذ سعود قهوة مطلق وقهوته واخذ بهاج قهوته وبيده الثانيه جواله الي توه مسكره
سعود وبهاج وراه : انحاش انحاش من الزحمه
كان سعود يمشي و وراه بهاج مايقدرون يمشون جمب بعض من كثر الزحمه
طلع سعود وبهاج بيطلع وراه بس فجأة حس بكتف صفق كتفه وطاح جواله وطاحت اغراض اديم الي كانت شايلتها بالكيس
مارفع عينه بهاج ابداً ولا فكر يطالع بالبنت نزل يجيب جواله ونزلت اديم تجيب اغراضها وتلمها وقالت وهي ابداً ماطالعت فيه : أسفه !
تكهرب بهاج من الصوت الي صار له تقريباً شهرماسمعه ومشتااااااااق له
رفع عينه يثبتها بعين اديم ايه ايه هي والله هي ؟؟!
جمعت اغراضها اديم بس استغربت من هالرجال الي اخذ جواله بس ماقام عن الارض ؟ رفعت راسها وتجمدت اول ماشافته
عم الصمت بينهم والهدوء وهم بين ضجييييييج بس كانو بعالم ثاني ومافيه الا هم وهدوء
بهاج الي كان يحاول ينسى اديم ويطلعها من حياته ماكان يقدر والحين يوم بدا شوي شوي يتحمل فراقها شافها !!!
اما اديم الي كانت تشوفه ايه هو هذا بهاج بس كاان نحييييييف وواضح عليه التعب من عينه وواضح لها فراقهم ماسوا فيه خير تجمعت الدموع بعينها وهي تراقبه وبهاج الي مارف له له جفن يراقب عيونها
دخلت سلمى ورا اديم وقالت بعد ماشافتها بالارض وواضح فيه اشياء طايحه : اديم ؟
هناااا بهاااج ايقن انه مو في حلم كالعاده وان الي قدامه وبينهم بس مسافة ذراع هي اديم قامت اديم بفزه وجمعت اغراضها الباقيه بسرررررررعه وطلعت برا القهوه ولحقتها سلمى المصدومه ماتدري وش السالفه ووش فيها
وبهاج الي رمى القهوه على جمب وطلع وراها يدروها بس مالقى احد
تقدم مطلق : بهاج ؟
بهاج وهو يتلفت يمين ويسار وكأنه مسحور : وينها وينها وين راحت ؟؟؟!
سعود : من هي ؟
بهاج وهو يدور عليها بالهبل ومطلق وسعود بيمينه ويساره وهم مايدرون وش فيه
تقدم بهاج لسعود وكتفه وقال : اديم اديم ياسعود اديم والله انها اديم شفتتتها
سعود تغيرت ملامح وجه وش جاب طاري اديم بعد كل هالفتره : لا انت استخفيت رسمي
بهاج : والله والله بعد ماطلعت كنت وراك بس دخلت اديم وشفتها وشافتني !
مطلق : ولد امش اركب فضحتنا قدام الناس
كان بهاج وووااااثق انها اديم حتى لو كانت متنقبه كان يعرف عيونها ويعرفها زيييين بس هالمره شوفته لها كانت رساله ايه ايه رساله ورساله تنبه بهاج وانه لازم يرجع يحاول ويسوي الي يسويه عشان يرجع اديم لانه شاف الشوق والدموع بعيونها ونظرتها نظرة امل ناظرته وكأنها تقول " حاول مره ثانيه اكتشف الشي الي خلاني اطلب الطلاق " وهو يعرف عيون اديم اذا كانت مشتاقه زين
قدرو مطلق وسعود يسيطرون عليه ويركبونه السياره وركب معهم وهو جازم انه شاف اديم وكان هالمره راكب ورا وسعود يسوق ومطلق بجمبه
تبادلو مطلق وسعود النظرات وهم فكرة انه بخمس دقايق رجع نفس وضعه الي من شهر ونص وهالفكره كانت مخرعتهمممم لانه كان وضع بهاج مو طبيعي
اما عند اديم وسلمى الي كانو متخبين في مكان بهاج مايقدر يشوفهم فيه بس كانت اديم تقدر تشوفه والشين انها شافته وهو يقول لسعود كل شي وانه يدورها يمين ويسار وعنده امل يلقاها مسكت فمها وهي تبكي بس كانت ماتبي بهاج يسمع وبعد ماراحو طاحت بمكانها الي كان شوي معزول عن العالم وجلست معها سلمى بخوف وهي ماتعرف الا بهاج واديم تقابلو كانت اديم تنوح وتون وكل ماتذكرت شكله الهزيل بكت اكثر ودموعها اربع اربع
سلمى مسكت كتفها : اديم ياعمري لا تسوين بنفسك كذا ؟
كانت اديم ماتسمع الا اسمها بصوت بهاج وهو يدور عليها بجنون
سلمى لعنت الساعه الي قالت لها بتاخذ قهوه من هالمحل والساعه الي فكرت تطلعها اصلاً
_____________________
وبالديره عند رعد الي رجع البيت اخر الليل دخل وشاف افنان مانامت للحين
افنان : ها كيف ساره الحين خف تعبها ؟
قبض رعد حواجبه وقال : اي تعب وش فيها ؟
افنان الي كانت تحسب رعد جاي من عند ساره وانه يدري انها تعبانه وفيها حراره بس الحقيقه رعد من بعد الي صار توه يرجع البيت
رعد : انطقي ؟
فزت افنان : ليه انت ماتدري
رعد : عن ايش
افنان : ساره من نزلت عندنا وهي تعبانه وفيها حراره
غمض رعد بقهر يعني هو هاوشها رغم تعبها ؟
طلع رعد متجهه للجناح اما افنان خافت انها فضحت ساره
وفوق دخل رعد على ساره الي كانت مو نايمه ابداً بس تمثل النوم وبجمبها بهاج يلعب ويتقلب وتقدم رعد يشيله وهو عاااارف زييين انها صاحيه اخذ بهاج بحظنه يلعب معه وعينه على ساره وده يتطمن عليها اكثر بس مايقدر وقال يصحيها : ساره
ماردت ورجع يقول : ساره ادري انك صاحيه قومي سوي لي شاهي بليمون
كانت ساره تدري ان رعد مستحيل يصحيها من النوم عشان تسوي له اكل او شي ثاني واصلاً هو يعرف يسوي الشاهي وقالت وهي للحين مغمضه عيونها : تعرف مكان المطبخ
كان التعب والزعل واضح على صوتها ورجع يقول : قومي لا تغثيني
فتحت عيونها وشافت رعد واقف فوق راسها وودها لو تدعسه بس اخذت نفس وقامت ورعد للحين يراقبها
دخلت المطبخ وجهزت له الشاهي بكوب ورجعت تعطيه بس نزلته عند الطاوله الي قريبه منه
رعد : لا تنامين اجلسي
ساره : لا بنام فيني نوم
رفع رعد نظره لساره وقام من مكانه وهنا خلاااااص ساره شوي وتصيح من الخوف رفع كفه لجبتها وبيده الثانيه شايل بهاج
ساره بصدمه : وش فيك
حس رعد انها تعبااااانه ومره بعد ولعن الساعه الي هاوشها فيها
واعطاها الشاهي وقال : اشربيه قبل تنامين
ساره : ليه مو لك ؟
رعد جلس : لا لك
ساره : مابيه
رعد رفع نظره لها وهنا عرفت ساره غصب تشربه ولو ماشربته بيشربها غصب
اخذت الكوب وبدت تشرب ورجعت نزلته بعد ماخلص ورعد يراقب بصمت تقدمت تاخذ بهاج الي كان نعسان وبينام بس منعها رعد وقال : خليه انا بنومه روحي نامي انتي
خلته ساره وهي للحين ماسامحته على الي سواه ولاحتى اعتذر
____________________
وبجانبنا الثاني
دخلت اديم غرفتها وهي منهاااااااااره منهاره ودها تصارخ بأعلى صوت
رمت كل الاكياس على الارض تحس شايله بقلبها شي كبيييييير ودها تقول الحقيقه لبهاج وتفتك وترجع له ويرجع لها زي اول بس ماتقدر ماتقدر لانها تعرف بهاج مو معدي السالفه على خير واكيد بيتسبب بنايف مصيبه
فتحت الشباك تاخذ نفس عميق من هالحاله الي هي فيها اذا شوفة بهاج بس خمس دقايق سوت فيها كل هذا وش بتسوي لو فارقته طول السنين ؟؟
وعند العيال الي اول مانزلو الفندق كان بهاج هاذي نوعً ما وهو من داخل نااااار شابه ضلوعه بس يمثل عليهم دخلو الغرفه والكل التهى وبغمضة عين اخذ بهاج مفتاح السياره بسكات وطلع برا الغرفه
ركب السياره واتجه لمكان قلبه الي ضاااااع منه من اسابيع والحين وقت انه ياخذه
وقف بالظبط قدام البيت بس شوي بعيد يراقب بهدوء وبصمت يفكر وش بيسوي وش الطريقه الي بترجع اديم له لان فزت قلبه يوم شافها ابداً ماكانت اي فزه
وايقن انه بدون اديم ولا شي بخمس دقايق بس حس انه عايش بعد ماكان ميت في جفاء الغياب الطوووووويل
كانت اديم تروح وتجي وتدور بالغرفه للحين هي اسيرة الموقف
رفع نظره بهاج لستارة الغرفه الي واضح وراها احد يمشي ويروح ويجي
وشاف الشي الي هيض مشاعره شعر اديم الحرير الناعم الي كل ماتحركت تحرك معها مسك قلبه بألم وده يركض يدخل البيت ويسحبها مع يدها وياخذها
ولو الساعه ماكانت ماتأخر كان متأكددددد انه بيسويها
رفع جواله يشوف الساعه وكان صدق الوقت متأخر وهالمره تجرأ يسوي الشي الي ماسواه من شهر كااااامل وكان بالنسبه له سنه
دخل على المكالمات وعلى رقم اديم الي من زماااان مادق عليها
بدا يرن وهو مع كل رنه قلبه يطيح
وعند اديم الي وقفت عن الدوران وصنمت اول ماشافت الاسم الي على الشاشه الي من زماااان ماشافته ابتسمت بحزن وطاحت دمعتها وجلست بقل حيله والجوال للحين يرن ماتدري ترد ولا ماترد بس زفرت براحه بعد ماقفل بس ماتطمنت ابداً بعد مادق مره ثانيه وثالثه ورابعه ولا له نيه يوقف
وعند بهاج الي كان صامل انه يدق وعناده اقوا من عناد اديم
بس ماكان فيه استجابه مسك راسه بألم وقال : والله والله ما اخلي السالفه تعدي على خير وراك وراك يا اديم لين اطلع الحقيقه الي خلتك تتركيني والله
وهنا قفل الجوال وشغل السياره ومشا وهو ناوي يرجع بس طوووول طريقه بس يدق واديم تراقب اسمه بالشاشه وتبكي بصمت وبهاج ماوقف ابداً ليييين وصل لباب غرفة الفندق
قفل ودخل الجوال بجيبه ودخل الغرفه وفزو العيال بشوفته مفجوعين
مطلق : وينك من اليوم انت ؟؟؟
كان بهاج هادي وماله خلق يجادل احد ابداً جلس بتعب ومسح على وجهه
سعود : رحت صح ؟
رفع نظره بهاج لسعود الي كان فاهمه : ايه
مطلق لف لسعود : وين ؟
جلس سعود وهو ايقن ان بهاج رجع بهاج الي كان قبل شهر : بيت عمه او بالاصح عند اديم
مطلق لف على بهاج : وش ناوي عليه ؟
بهاج : ياعيال والله فيه إنا بالسالفه والله شعوري الي كان قبل شهر رجع من جديد وكأنه ينبهني مره ثانيه
سعود : بهاج انت مريض ؟ اي شعور واي خرابيط ترا حنا شفنا حالك حالك هذا مو مريحني مره كنت كذا قبل شهر ولا نسيت ؟
بهاج بهدوء : بس هالمره غير
سعود بقهر وهو ماوده يخلي بهاج يرجع ويتألم مره ثانيه : اي غير واي خرابيط
مطلق : طيب انطق وش ناوي عليه وش بتسوي خلاص تراك انت طلقت البنت
غمض بهاج وكشر من فكرت انه طلق اديم صدق بس قال : انا ماني مرتاح لين اطلع السبب الي خلاني اطلق
جلس مطلق وهو يشوف التعب والشووووق بعين بهاج اما سعود كان معصب ودخل يتروش وينام لانه لو جلس مع بهاج شوي صفقه
وارتمى بهاج على السرير ومطلق جالس جمبه بس تحت على الفرشه
ولا أرادي قال بهاج
سبة تصادم الأوادم دافع الاشتياق
‏يا أسفه كلنا في ذا المكان أسفين
‏
‏أما أعتبرها كذا صدفة بدون أتفاق
‏وحنا كذا شاكرين الوضع ومقدرين
‏
‏والا أعتبرني على جوالكم داق داق
‏تبغى المنبة على هزاز ولا .. رنين
اخذ نفس بهاج بصمت
مطلق : الله يكون بعون قلبك وانا اخوك
ارتمى مطلق بينام وقعد بهاج يهوجس في بحر افكاره وطلع سعود من دورة المياه وشاف بهاج ساهي وهز راسه بيأس وارتمى هو بعد وبنام وبعد نص ساعه الكل اعلن نوووووومه قويه ماعدا بهاج الي مارفت له عين
____________________
ومن بكره بالديره
عند افنان الي درعمت لغرفة ساره وشافتها نايمه وبهاج الصغير يلعب بجمبها
صحت ساره على صوت افنان : يوووه يافنان ياحبك للازعاج تراني تعبانه ومو رايقه لك
افنان وهي شايله بهاج بحضنها وتهز فيه يمين ويسار وتكلم ساره الي مرتميه ع السرير : ادري بس خلاص انتي طيبه رعد يقول بخير يلا قومي
ساره : اخوك ذا لو اموت يقول بخير ماعليها
ضحكت افنان : متعودين على رعد كذا تعودي انتي وترا نظرته ثاقبه دامه قال بخير خلاص بخير
رمت ساره المخده عليها وقالت : خلاص طيب لاتزنين فوق راسي انزلي وخذي بهاج معك وبلحقك
افنان : يلا ننتظرك
وبالرياض عند مطلق الي دخل الشركه وهو متوتر اكثر من سعود الي بجمبه
وقفو عند الرجال الي قال لهم : تفضلو من بغيتو ؟
مطلق : جايين عشان مقابلة التوظيف
الموظف : مطلق الفهد ؟
مطلق : ايه انا
الموظف ابتسم : استريحو وانا بناديكم
مطلق : مشكور
جلس مطلق وبجمبه سعود اما بهاج الي من صحو من النوم مالقوه
رجع الموظف بعد ربع ساعه وقال : اخوي مطلق تفضل المدير ينتظرك
قام مطلق ومعه سعود والتفت له : ادع لي
سعود ابتسم : بالتوفيق
دخل مطلق للمدير وسعود ينتظره برا وباله مشغول عليه وعلى بهاج الي مايدري وين راح مع صباح الله خير
اما بهاج الي كان واقف قدام بيت عمه نفس مكانه الي واقف فيه امس ويراقب البيت بصمتت مايدري ليه يراقبه بس اهم شي يراقب
ويكون قريب من اديم ويوصل لا ادنى شي يخليه يعرف سبب الطلاق