احببتك والله يعلم بالخفاء

بارت 50

وفي الرياض تحديداً بفندق بهاج وسعود
قام سعود من قوة أشعة الشمس الي انفكت على وجهه وقال بصوت مليان نووووم : سكر الاستاره !
بهاج بصوت ثقيل : قم يلا مافي نوم تأخر الوقت وجلس على الكرسي الي مقابل الشمس وشباك القزاز الكبييير
فتح سعود جواله يشوف الساعه : الساعه 10 وش الي تأخر الوقت ؟
بهاج شرب من الشاهي الي بيده وهو هااااادي
سعود قام ولاحظ على وجه بهاج انه مصحصح من زماااان : متى قمت ؟
بهاج : من الشروق
سعود : نعم ! مانمت ؟
بهاج : إلا بس ماغمضت لي عين
سعود : ليه حيه انت تنام وعينك مفتحه ؟
التفت بهاج على سعود بصمت وعطاه نظره ورجع يلتفت للشباك
سعود الي كان شاك انه مانام : لالا صدق بهاج رقدت انت ولا شف محاجر عيونك متنفخه ومسوده من قل النوم !
بهاج : انام ساعه واقوم ساعتين وارجع انام وارجع اقوم
هز راسه سعود بيأس
بهاج : يلا قم صحصح بنروح مركز الشرطه
قام سعود ودخل دورة المياه
وطلع وهو يقول : مايحتاج نروح بدق على مشاري يعلمنا وش صار
ورفع جواله سعود يتصل على مشاري
: هلا والله سعود
سعود : صباح الخير وشلونك
مشاري : صباح النور ابد على ما تركت إلا انتم كيفكم وش اخبار بهاج عساه ركد !
سعود وهو يناظر بهاج وبهاج يبادله النظر : الناس كلها تركد إلا بهاج
المهم انت علمنا وش صار قام الكلب ولا وش قصته ؟
مشاري : لالا قام وصحصح واخذو أقواله ودخلت عليه أنا خصوصاً عشان اعلمه مايمديه يحجد عندنا كل الدلائل وابشرك ماقدر يحجد واثبتو عليه التهمه بس باقي نحوله للنيابه ويتم الحكم عليه
ابتسم سعود : الله يبشرك بالخير
قام بهاج من الفضول
سعود : اهم شي ماجاب طاري بهاج ؟
اخذ بهاج الجوال من سعود وكمل وقال : مايهم يجيب طاريي ولا لا انت الحين علمني كم بياخذ ؟؟ لا تجلطني يامشاري وتقول لي سنتين ثلاث !!!
مشاري ابتسم : لالا ماعليك اقل شي بياخذ 8 سنوات هذا تهديد بالصور وإجبار بالطلاق واعتداء على المنزل ماضني بيطلع منها سالم
بهاج وهو للحين ماخف قهره ووده لو يذبحه بيده يحس مهما اخذ عقوبه ماتكفيه : انت بس لا تأكد الحكم عليه دق علي على طول
مشاري : ابشر
بهاج : تبشر بالجنه ماقصرت وانا اخوك
مشاري : ابد اخو وغالي يابو عبدالله
وسكر الجوال ونزله على السرير
سعود وهو يشرب مويه : شفت قلت لك بتنحل الأمور انت بس هدها
بهاج جلس يفكر الحين وش بيسوي وكيف حال اديم ووضعها الحين
_____________
وبجهه ثانيه في بيت ابو سياف طلع سياف من الغرفه وهو يشوف الشنط المحطوطه عند الباب ومستغرب وطلعت من المطبخ ام سياف وركض عندها : ماما وين بنروح ؟
ام سياف : بنروح الديره
سياف بفرحة : اللللله عند بهاج وسلطان وجده ؟
ام سياف بأبتسامه حزينه هزت راسها ب ( ايه )
طلع ابو سياف وشاف الشنط : تجهزو بعد العصر بنمشي وطلع وهو ضايق
لفت ام سياف وماشافت شنطة اديم من ضمن الشنط وتنهدت وقامت متجهه لغرفتها
دخلت وشافت شنطة اديم الي مجهزتها ومخليتها على طرف وهي متغطيه كلها بالبطانيه ونايمه
طاحت دمعة ام سياف وهي تشوف حالة اديم وحزنها الي تدفنه بداخلها او بالاخص بداخل مخدتها
وطلعت وسكرت الباب ومسحت دمعتها
_________________
وفي الديره تحديداً في بيت الشيخ عبد الـلطيف والدنيا قايمه قاعده من ضاري وابو ضاري ومن الشرطه
الشيخ عبد اللطيف : يا ابو ضاري شهد ماهي عندنا ولا جتنا أنا مأمن بنتي عندك وعند ولدك بنتي وييييين ؟؟
ضاري تقدم : بنتك الي ماتستحي ولا متربيه مخاويه لها ادشر الدشير بالديره تعرف من ؟
سكت الشيخ عبد اللطيف وهو يقول بداخله ( يارب وش ذا المصيبه )
ضاري بعصبيه وهو ماسك راسه الي ملفوف بشاش ابيض وجروحه واضحه على وجهه ويده فيها مشد يمتد لرقبته وبصوت جمهوري وعصبي :مطلق الداشر اييييه دخل بيتي امس وتلفض علي واعتدى علي واخذ بنتك الماصون وطلعو وانا خلوني بين الموت والحين أنا باخذ حقي منك ومن بنتك
قعد الشيخ عبد اللطيف منصدم وفي دواااااامه كبيره كل ذا صار بليله وشهد ومطلق ؟؟
تقدم ابو ضاري : طلع بنتك يا عبد اللطيف طلعها وطلع ذاك الردي الي مخبيه عندك الشرطه ماهم ماشيين من هنا لين ما يجرونه للمركز طلعهم وانهي الموضوع حق ولدي ماني مخليه
تقدم واحد من الشرطه الي موجودين : يا ابو ضاري البيت مافيه احد لا مطلق الي تقولونه ولا زوجة ولدك وحنا لحد الان ماعندنا علم إذا الي تقولونه هو صحيح ولا لا حنا بنرجع واذا لقيتم مطلق يكفي انكم ترفعون الجوال وتبلغون على المكان الي هو فيه مع السلامه
ضاري وابوه : وين وين بتروحون ؟؟
ركبو الشرطه ومشو
ضاري لف على الشيخ عبد اللطيف : والله والله ما اخلي حقي
ومشا ضاري بعصبيه تفووووور في دمه
تقدم ابو ضاري للشيخ عبد اللطيف وبصوت خافت قال له : الاتفاق الي بينا انتهى ولدي بيطلق بنتك وانت بترجع لي حلالي
ومشى وخلى الشيخ عبد اللطيف في مكانه وكأنها غيمه سودا حلت على راسه من ذا المصبيه ؟ شهد تسوي كذا ولا مطلق مطلق الداشر ؟؟؟
ولا انه خسر الأراضي الي كان كاسبها من تحت يدين ابو ضاري
دخل داخل وهو مسود وجهه ومايدري وش يقول تقدمت ام شهد وهي تبكي : صح صح ياعبد اللطيف الي سمعته صح ؟؟؟
قام عبد اللطيف بعصبيه : بننننتك الماصون المتربيه بنت الشيخ عبد اللطيف ابو الحسب والنسب والي كل اهل الديره يشهدون له مو عليه اليوم تجيب الكلام والعيب علي ؟؟؟؟؟ علي اناااا
مسكت راسها ام شهد تبكي وتون : ااااخ بنتي بنتي ووووين أنا مادري وين ارض بنتي من سماها حسبي اللله ونعم الوكيل حسبي الله ونعم الوكيل
قامت بكل عصبيه : أنا بطلع بطلع أدورها شبر شبر وشارع شارع ماني مخليه بنتي بالشارع
مسكها الشيخ عبد اللطيف : اقوووول اجلسي بمكانك تبين تعرفين بنتك وين ؟؟؟؟ بنتك مع الداشر داشر الكلاب مطلق الي ماتستحي على وجهها والله والله ماعاد تطب من عتبة بابي ولا تدخل بيتي ابد الي مايحفظها
سكتت ام شهد وتفتحت عيونها من الصدمه ومن الي قاعده تسمعه وفي شي بداخلها مو مصدق عليها الكلام اببببداً
سكت اخذ نفس ورجع تكلم بعصبيه :واذا مو عاجبك الكلام وها واذا تبين بنتك انقلعي معها بالي ما يحفظك
طلع وضرب الباب بقوه وجلست ام شهد منصدمه تمسك راسها وتون بحرررررقه على بنتها وهي ماتدري وينها
طلع الشيخ عبد اللطيف من باب البيت معصب ولا يدري وين يروح بس اهم شي انه يطلع من ذا البيت الي ضاق عليه
__________________
وبجهه ثانيه بالرياض
وقف بهاج سيارته عند باب بيت العم ابو سياف واستغرب من الشنط الي قاعده تنحط بالسياره وتجهيزات ابو سياف
نزل من السياره وتقدم لابو سياف : مساء الخير يا عمي
لف عليه ابو سياف وهو ماله وجه يحط عينه بعين بهاج بعد الي صار : هلا
استغرب بهاج من ردة الفعل البارده ومن الي قاعد يصير
طلعت الخدامه بشنط واخذها ابو سياف وركبها شنطة السياره
بهاج : على وين ياعمي
لف عليه ابو سياف : ضاق علي البيت وضاقت علي الرياض يا بهاج
نزل راسه بهاج وهو حتى كل شي حوالينه ضاااااق عليه : و وين بتروح وش بيصير بالموضوع ومين بيروح معك اصلاً
ابو سياف : كلنا كلنا بنروح للديره ماعاد لي جلسه بالرياض
بهاج : ايه بس ياعمي ماهو وقته إذا رحت الحين مارح يخلونكم بحالكم الكل بيسأل والكل بيتلقف خصوصاً اني أنا و ( سكت بهاج ماعرف ينطقها واخذ نفس ورجع قال ) خصوصاً اني أنا واديم منفصلين
الله يرضى لي عليك خل الأوضاع تهدا والنفوس تهدا بعدها اكتب كتابي على اديم ونطلع الديره ونعلم العالم بهدوء
رفع نظره ابو سياف على بهاج وقال : اسمع يا ولدي غلط ا
( نزل راسه ابو سياف وهو حالف ماينطق اسم اديم مره ثانيه )
نزل راسه بهاج وهو عرف المقصد وجلس ساكت
ورجع قال ابو سياف : غلطها ماهو محسوب عليك وانت مانك مغصوب انك ترجعها او ترجع تكتب كتابك عليها ولا تندم بعدين وتضيع حياتك وحياتها و
تفتحت عيون بهاج وتسرعت انفاسه ووقفه وقال : لا ياعمي لا تكمل حشى اني اكون مغصوب على اديم وحشى اني اندم أنا من البدايه ما ندمت تبيني اندم الحين ؟ أنا ياعمي مابي اسم ينكتب جمب اسمي إلا اسم اديم ولا ابي غيرها ومطلبي فالدنيا هي
سكت ابو سياف وهو يشوف حب بهاج وولاءه لها كيف وفعلاً بهاج هو كان السند لا اديم رغم كل الضرووف هز راسه يمين ويسار وبيأس ورجع قال : الي تشوفه بس اهم شي أنا اليوم أطلع من الرياض
مسح وجه بهاج ورجع قال : اجل كلنا نطلع منها
ابو سياف ابتسم بحزن وراحت الابتسامه لما قال : وش صار على *** عساه تحاكم ؟
رق جوال بهاج وشاف اسم ( الضابط مشاري ) وعلى طول فز وفتحه : هلا يامشاري بشر
مشاري : ابشرك يابو عبدالله الخسيس أنحكم عليه 10 سنوات وغرامه ماليه من التهديد والابتزاز بالصور واقتحام بيت واعتدائه على رجل الأمن
ابتسم بهاج : الله يبشرك بالخير مع ان حتى 10 سنوات ماتكفي عشان تبرد النار الي بداخلي دقيقه يامشاري خلك معي
ورجع التفت لابو سياف : تو جاني خبر أنحكم عليه 10 سنوات وغرامه ماليه
ابو سياف : جعله مايطلع
بهاج : عن أذنك يا عمي
ابتعدت بهاج عن مسامع ابو سياف ورجع قال لمشاري : مشاري في امل اني ارجع اديم على ذمتي ؟
سأل بهاج هذا السؤال وهو ثقيييييل على لسانه وخااايف خااايف من الاجابه شد على يده وتفتحت مسامعه للجواب الي نطقه مشاري وقال : شف يا بهاج هنا لازم انت ترفع دعوى للمحكمه وتشرح للقاضي كل الي صار معك ووقتها القاضي بيتحقق من وجود تهديد حقيقي موجه لزوجتك ومن عندم رضاك بالطلاق واهم شي بيطلب منك شهود على الي صار وعشان كذا بيوم المحكمه لازم تاخذ معك دلائل من التهديد و شهود شاهدين على الحادثه واهم شي زوجتك تكون معك وهي تشرح الي صار لها والقرار بيبقى على القاضي
نزل راسه بهاج وقال : مانقدر بدون ما اديم تكون حاضره ؟ ماودي انها تتأثر اكثر الي جاها مكفيها
مشاري : للاسف لا الشيخ بيطلب انه يسمعك ويسمعها
بهاج : وكم ياخذ وقت ؟
مشاري : الله واعلم بس اهم شي الان ترفع طلب للمحكمه وهم بيردون عليك ويعطونك اقرب موعد وانا برسل لك الأوراق الي تحتاجها من المركز اوراق تأكد وتشهد على التهديد المتجهه لزوجتك
بهاج : مشكور يا مشاري ماقصرت مدري كيف ارد لك جميلك
ضحك مشاري : ماسويت شي وانا اخوك وبالخدمه
سكر بهاج الاتصال واخذ نفس بضيق خااايف انه مايقدر يرجع اديم مثل خوف طفل يفقد امه
ولف على ابو سياف وقال : ياعمي أنا بروح اخذ أغراضي وسعود من الفندق ونطلع للطريق
هز راسه ابو سياف برضى
ركب بهاج سيارته ورفع الجوال يتصل على سعود ورد سعود عليه وهو ياكل : الو سعود
سعود : هلا
بهاج : وش تقول تكلم زين
بلع لقمته سعود وقال : اكل اكل يا ولد وش تبي
بهاج : اي ماهي غريبه عليك البلعه في كل وقت
سعود : خلصني يابهاج وش تبي واصلاً انت وين رحت بدون ما تعلمني
بهاج : جهز الاغراض بنرجع للديره
سعود وقف : وش انتهى شغلنا الي هنا ؟
بهاج : اي حكمو على ابن ** سجن 10 سنين وغرامه ماليه
سعود فز بفرحه : احسسسسن جعله مايقوم ولا يطلع منها ورجع قال وانت وش بتسوي الحين ؟
بهاج : جهز الاغراض جايك إذا طلعنا الطريق بقولك
سعود : يلا
بهاج قبل يقفل : ماتدري عن مطلق شي ؟
سعود : لا والله ادق عليه مايرد
بهاج اخذ نفس بضيق هو يلقاها من اديم ولا مشكلة نايف ولا من مطلق الي زعلان عليه مسح وجهه وقال : يلا جايك أنا
________________
وداخل بيت ابو سياف
ابو سياف وهو يصوت : يا ام سياف
جت ام سياف : هلا
ابو سياف : تجهزو بننتظر بهاج يجي ونطلع للديره
ام سياف نزلت راسها : طيب على خير ان شاءالله
دخل ابو سياف الغرفه اما ام سياف خذت صحن الساندوتش الي بيدها متوجهه لغرفة اديم دخلت بهدو رفعت نظرها اديم لا امها نظرة الحزن والقلب المكسور نظرة الرجاء بالمسامحة
وقبل ما تدمع ام سياف وهي تشوف عيون اديم المكتئبه والحزينه والندماااااانه جداً نزلت الصحن الي بيدها على الطاوله وقالت ونظرها تحت : اكلي وتجهزي ساعه بالكثير وحنا ماشيين
لفت بتطلع بس وقفت على صوت اديم المبحوح : يمه وين بنروح
مسكت دمعتها من صوتها المجروح ومهما كان هي تبقى ام فالنهايه وماتقدر تكون قاسيه على بنتها وقالت : بنروح للديره
تفتحت عيون اديم بصدمه ووقفت وقالت بصوت خايف : لا مستحيل مستحيل اروح ! وش بقول كيف بطالع في عيون الناس لالا تكفين يمه سوي اي شي ولا تخليني اروح للديره تكفين اقنعي ابوي خلينا جالسين هنا أنا مايناظر بوجهي حتى ولا لي وجه اتكلم معه
لفت ام سياف وهي قلبها مكسوووور على بنتها وقالت بصوت مرتفع : ابوك ؟ ليه ماتقدرين انتي تقولين له ؟ وش صار لحبك لأبوك وحب ابوك لك وش صار لا اديم دلوعة ابوها والي تبيه سمي وامري ولبيه ؟ الحين لسانك استثقل على ابوك ؟ عشان مين علميني بس عشان ميييين
وهنا ماقدرت ام سياف تمسك دمعتها ونزلت الدمعه الاولى والثانيه ومع كل كلمه تنزل دمعه وبعتااااااب كان بقلب ام سياف والحين طلعته واديم تبكي معها وعيونها بالارض : ليه يا اديم ليه وش سويتي بنفسك وبهاج
وبصوت اعلى قالت : وش سويتي بأبوك يا اديم ؟؟؟ كسرتي ظهره وعينه
اديم بصوت مبحوح ماتبي تسمع اكثر : خلاص يمه تكفين
ارتفع صوت ام سياف : مااااافي خلاص انتي الي خلاص يا اديم انتي
ابوك ماعاد يسعه هالبيت ماعاد تاسعه الرياض وبنروح للديره وانتي اولنا
لفت ام سياف تطلع بس وقفت على انهيار اديم الي جلست على السرير منهاره بكى غمضت عيونها ام سياف ومسحت دمعتها وقالت : لا تخافين محد من اهل الديره يعرف الي صار
سكتت اديم و رفعت راسها على امها
ام سياف : الصحن ابي اشوفه فاضي
وطلعت امها من الباب وكملت اديم بكيها بأنهيار وهي تشوف امها مهمها حاولت تقسى عليها ماتقدر
___________________
وفي الديره تحديداً في بيت الشيخ حمد
بالمقلط الي كان فيه الجده وام رعد وساره وافنان وشهد بنت الشيخ عبد اللطيف وبهاج الصغير يعلب حوالينهم كالعاده
لفت افنان عليهم وهي تشوفهم كلهم هاجدين والوضع ملل زمرت شفايفها وهي تفكر ورجعت تناظر بشهد وغمزت لها يطلعون برا
شهد وهي تشوفها ومافهمت عليها او انها للحين ماتعودت ولا تعرفت على حركات افنان المفاجأة
غمضت افنان منغبنه من كمية غباء شهد ولفت على ساره الي كانت بجنبها تغمز لها وتفهمها يطلعون برا بتقول لهم شي بدون مايحسون الجده وام رعد وفهمت عليها ساره وقالت لشهد الي بجبها وهنا شهد فهمت عليها
وقامت ساره وبعد ثواني لحقتها شهد بتوصيه من افنان وبعد دقيقتين قامت افنان وراهم
وفي السيب لفت ساره على افنان : بنت شفيك ؟
شهد بأبتسامه : مافهمت عليك وش تقولين
افنان : توك للحين ببداية المنهج يومين بالكثير وتتعلمين
لفت على ساره : بنات ماتحسون بطفش ؟؟ والله مو طبيعي الفراغ الي قاعدين نعيشه اهل جده ماجو وأهل الرياض اصلاً مارح يجون والهنوف كملها ماشفناها والناس هاجدين وجدتي فقعت كبدي من ذا الراديو !!!
ساره : يعني وش بنسوي ؟ تعرفين مانقدر نسوي شي ولا أديم فيه هنا عشان تضبطنا
افنان الي حزنت فجأة: اي والله آخ يا اديم اااخ مكانها خالي
ولفت على شهد وهزتها بكتفها : وانتي عطينا افكار
شهد وهي متلبكه : والله مدري
لفت افنان على ساره وكلهم بنفس اللحظه ضحكو عليها
افنان بضحك : اهخ مره محترمه !
ساره : هه هه يومين ونخليها قليلة أدب
كملو البنات بضحك وضحكت معهم شهد الي لو لحظة حست نفسها بين خواتها ونست المشاكل الي كانت فيها
ساره : بس صدق بدون مزح على الاقل ليت لو نوره وتغريد والعنود يجون
نوره الي دخلت عليهم فجاءه وصارخت : تررررراااا
وفزو البنات بخوف مسكت قلبها افنان وصارخت : بسم الله الرحمن الرحيم قول اعوذ برب الفلق
ساره بصراخ : كذاااااابه
دخلو العنود وتغريد : لا حقيقييين والله
فزو البنات يسلمون على بعض بحب ووله وكلهم مشتاقين لبعض
ودخل وراهم فِراس الي معه كيسة بقاله ويمشي بشويش
صارخت افنان وهي تشيله : حبيببب خالتو صار يركضضض ؟؟؟
تغريد : شفتي كيف ولدي عين السيح
دخلت العمه عواطف : سلاااام صبايا
تقدمو البنات يسلمون عليها وهم مبسوطين
وشهد تسلم معهم بهدو وبأبتسامه عذبه
وانتبهوا العنود ونوره لها بس ماقالو شي وهم مستغربين وجودها
العمه عواطف بعد ما خلصت تسليم : وين امي ويييين مشتاقه لها
ضحكت افنان : داخل داخل هي وامي بالمقلط
اتجهو الكل المقلط وفزت ام رعد والجده بشوفة العمه عواطف والبنات
قامت ام رعد : يا هلا ياهلا
تقدمت العمه عواطف تسلم وببعدها اتجهت للجده الي جالسه انحنت تسلم عليها احتراماً
الجده وهي مبسوووطه بشوفتهم : قرت عيني قرت عيني ببنيتي وبناتها
العمه عواطف : اشتقتو لنا بس اهم شي
تقدمو البنات يسلمون على ام رعد والجده بفرحه
ام رعد وهي تحضن تغريد : ياوييييلي بنيتي نحفااااانه
ضحكو البنات
العمه عواطف بضحك : ماصدقتي إلا انها سمنانه عندي
ضحكو البنات وقالت تغريد بمزح : وانتم مين قال لكم ابي اسمن خلوني كذا يالله بعدو بعدو عني
مسكت تغريد ولدها فِراس وشالته يسلم على ام رعد
أخذته ام رعد بحضنها بوله وشوق : هلا هلا بحفيدددي هلا بحبيب جدته
اما فِراس مره يبتسم ومره يضحك مايدري وش السالفه
جلست العمه عواطف وخلو البنات اغراضهم برا عند الباب والتهو بالسوالف كلهم بنفس الجلسه الي مشتاااقين لها كلهم بوجود الجده فوقهم
والبنات والعمه عواطف وام رعد جالسين يتقهوون ويسولفون وهم في قمممة السعاده وانضمت لهذي الجلسه الحنونه الي مافيها نفس ثقيله ( شهد )
وهي جااالسه بالزاووويه تطالع فيهم بأبتسامه وهي فاقده هذي الجمعه الحلوه تذكرت الي صاير لها والورطه الي هي فيها والي متسبب فيها اهلها كسر عمرها مارح تنساه من ابوها وهو سبب كل الي صاير لها لمعت عيونها وبسرعه تداركت الوضع اول ماوصلها صوت العمه عواطف : وانتي كيفك يا شهد اخبار امك عساها بخير
شهد : بخير الحمدالله كلنا تمام
العمه عواطف بأبتسامه : الله يجعله
ولفت على افنان وساره : لقيتم بديل عن البنات هاه
افنان بضحك : ايي خلاص طاح سوقكم
ضحكو البنات
العمه عواطف : الله يعينك يا شهد كانك دخلتي هالشله عز الله مانيب قايله
ضحكو الكل
ضحكت شهد : إلا والله ياحضي إذا دخلوني بينهم
نوره : احلااا وأطلق وحده تدخل شلتنا يا شيخه
تغريد : بس هاه ترا احياناً نفصل على بعض تحملينا
الجده : شهد ان شاءالله بتقعد عندنا كم يوم لين يرجعون اهلها من العمره
ام رعد : الله يحيها في بيتها وبين اهلها
شهد بأبتسامه : مشكوره ياخاله
العنود : الله يعني بنقعد كل يوم نسوي مصيبه جديده صح ؟
ضربتها الجده من راسها : وجعع يالي مانيب قايل
العنود وهي ماسكه راسها بألم وضحك : اااه ياجده امزح والله !
قربت افنان من نوره وبضحك قالت : شوفي العنود كيف تفشلت ههههههه
نوره : مسكيييينه !
العمه عواطف : التهينا بالسوالف ونسينا الشنط يابنات قومو حطوها بالغرف
قامو البنات وجت شهد بتقوم وجلستها نوره : والله ماتقومين ارتاحي
شهد بأحراج : بنات بساعدكم !
تغريد : ياروحي انتي اليوم بس وبكره صدقيني حنا اول من يكرفك
ضحكت شهد وجلست : الي تبون
واتجهو بنات كلهم يشيلون الاغراض
دخلو الغرفه وسكرت العنود الباب وراها نزلو البنات الاغراض
العنود : بنات صدق الي قالته جدتي اهلها مسافرين العمره ؟
هزت راسها ساره : ايه هذا الي سمعناه
افنان : بس بنات اقول لكم الصدق ؟
البنات بفضول : قولي !!
افنان : مانيب مرتاحه لهذي القصه يعني ما اقتنعت ان اهلها راحو العمره وخلوها !
نوره : هي قالت كذا ؟
ساره : هي قالت انها آخر مره اعتمرت قريب وهالمره جلست
تغريد : أنا صراحه لو علي اعتمر كل اسبوع
ضربت يدها افنان : اي هذا الي اقوله يعني سبب مو مقنع
نوره : الله يستر بس حنا ماعلينا البنت معنا عسل
ساره : اي والله انها عسل ومتوااااضعه ماكأنها بنت شيخ معروف بالديره
تغريد : عاد تدرون ؟ أنا قبل اعرفها واسولف معها كنت اشوفها شايفه نفسها مدري هو كذا اسلوبها مع الغريبين ولا أنا كذا تخيلت
افنان : لالا البنت كذا طبعها وانتي ماتعرفينها تحسينها شايفه نفسها اما إذا عرفتيها وجلستي معها تهبل تهبببل
ضربت الباب العمه عواطف ودخلت بسرعه وفزو البنات بخوف وصراخ
العمه عواطف : ايييه وش فيكم ؟؟؟ تتسايرون خلف البيبان ولا بدت شياطينكم تجتمع
افنان بمزح : الله يهديك يا عمه طيحتي قلبي
العمه عواطف : انتتتي يطيح قلبك ؟؟؟ والله خسيتي
تغريد بضحك : عشانك جدة ولدي ماني قايله شي
ضحكو البنات كلهم وطلعو من الغرفه متجهين للمقلط

لاتنسون النجمه 🌟