احببتك والله يعلم بالخفاء

48

" نهاية البارت فيه كلام جداً مهم اتمنى الكل يشوفه "

بالرياض مع شروق الشمس بهاج وسعود بالوبي الفندق ينتظرون مشاري يجي وكل شوي سعود يهدي بهاج وبهاج رايح جاي ماجلس ابداً
سعود : ياخي انت بتجلس ولا كيف ؟
بهاج : سعود اكرمنا بسكوتك
مسح على وجهه سعود بزهق والتفت على صوت مشاري الي دخل مع الباب ونزل نظارته الشمسيه : سلااااام عليكم
سعود وبهاج : وعليكم السلام
قام سعود يسلم على مشاري : هلا والله كيفك من زمان عنك بشرني عن امورك
مشاري : أموري تسرك وانا اخوك
وتقدم بهاج يسلم عليه وهو مليان قلق
مشاري : هلا والله ببهاج كيفك وانا خوك
بهاج وهو يتصنع الابتسامه : الله يسلمك حياك حياك اجلس
وجلسو الشباب وبهاج وده يدخل بالموضوع على طول
مشاري : آمروني وش بغيتو
التفت سعود لبهاج وقال بهاج : مايأمر عليك عدو أنا ياخوك محتاج لمساعدتك ومالي غير الله ثم انت
تلبك مشاري وقال : ابشر بس عسى ماشر ؟
بدأ بهاج يختصر له كللللل السالفه من إلى ومن اديم انها طليقته وبنت عمه وكلللل شي صار معه وانتهى بـ : وانا ابيك تدلني على شي امسك فيه الخسيس الي مايخالف الله وانا ماقلت هالامور كلها لك إلا انك اخو وعزيز وغالي والكلام مايطلع منك ويعلم الله ان محد يدري إلا انت وسعود وكلكم اخواني انت بتساعدني مرحبا بك ماتقصر واذا ماتقدر الله يرحم والديك ويوفقك وأمانه هالكلام يروح معك لقبرك ومحد يدري عنه
اخذ نفس مشاري وقال : بأذن الله اننا جايبينه وماسكينه اما عن موضوعك وانا اخوك والله مايطلع لاحد دام راسي يشم الهوا تطمن وريح قلبك
ابتسم سعود وقال : والحين كيف نقدر نتصرف
بهاج : يامشاري والله ودي اشرب من دمه
ضحك مشاري بخفه وقال : لالا تشرب من دمه ولا شي القانون والحق بيشربون من دمه لين يقول امين وانت انتبه لا تتدخل خلوه علي بس يمكن احتاج لمساعدتكم لأشياء ‏بسيطة جداً
بهاج بفزه : بس اشر
سعود : اركد اركد انت شوي خل الرجال يتكلم
مشاري ضحك وقال : احتمال كبير إذا بلغنا عليه الان مارح نمسكه واكيد انه هرب من زمان من اول ما ابو البنت شافه زي ماقلت يابهاج لكن فيه طريقه ثانيه تجيبه لنا برجوله
بهاج : كيف !
مشاري : ابي منك جوال البنت بس تقدر تاخذه ؟
قعد يفكر بهاج بهدوء ولف وقال : ايه ماعليه نروح بيت عمي ونطلب الجوال
مشاري : زين
بهاج قام من الجلسه : يلا بسم الله
مشاري : لالا يابهاج مو الحين
بهاج رجع يجلس : متى ؟ وليه مو الحين ؟
مشاري : الافضل ننتظر شوي عشان الأمور تهدا ويقدر يجي إذا كلمناه لان لو نكلمه الان بيخاف وبيعرف انه في خطر ومارح يجي نعطي وقت لين الأمور تهدا يوم يومين كذا
بهاج : وانا كيف بقعد انتظر يوم يومين يا مشاري ؟؟!
سعود : ترا هذا مو صاحي يمكن يروح له الحين خلنا نخلص الأمور بسرعه قبل لا يرتكب ذا جريمه
مشاري : طيب بنجرب بس لو ماجا هذا غلطكم على الاقل انتظرو الناس تصحى من نومها
ضحك سعود : اي والله انت الصادق الناس نايمه
تلفت بهاج وشاف فعلاً الوقت جداً بدري والساعه 6 الصباح !
سعود التفت لمشاري : أفطرت ؟
مشاري بأبتسامه: لا والله
قام سعود : اجل قومو نفطر
قامو يتجهون لصالة الاكل وبهاج معهم وقلقااااااان
____________________
وبالديره تحديداً بفندق شهد وضاري
صحت شهد من النوم وهي مو مستوعبه الي امس صار واصلاً شبه ناسيه جت تقوم بس بسرعه ثبتت بعد ماجاها الم راسها وصداع مسكت راسها وهي ناسيه كل شي : اااه
التفتت يمين يسار ماشافت احد بدت تفتح عينها وتذكرت شوي شوي الي صار امس واخر شي صار لها شي وشافت نفسها بالسرير مسكت فمها بصدمه وقامت بسرعه للمرايه وانصدمت اول ما شافت الجروح والخياطه الي على وجهاا وكدمات بيدها ورجلها كثير ؟ امتلت عيونها دموع ومسكت فمها بألم جلست مصدومه من شكلها وكل تفكيرها : كيييف كيييف يمد يده علي الواطي الي مايخاف من الله وبسرعه قامت تدور على جوالها بس مالقته
انفتح باب الغرفه ودخل ضاري وبيده كيسة علاجات وادويه
ضاري : صحيتي زين عشان تأكلين علاجك هذا هو
نزل العلاج ودخل دورة المياه ولا كأن شي صار ؟ وقعدت شهد مصدومه منه وخايفه بنفس الوقت لان الي كان امس مو ضاري كان مجرم بس رغم خوفها شجاعتها تغلبت عليه واول ما طلع من دورة المياه اخذت كيسة العلاج ورمته على وجهه : تحسبني بنسى الي صار ؟؟؟ تحسب مافي احد وراي ؟ اقسم بالله لا أخليك تندم واكسر يدك الي انمدت علي بسسسسسرعه طلع جوالي الي مآخذه احسن لك !
ابتسمت ضاري بخفه وقال : وش صار امس ؟
تفتحت عيون شهد بغضب وقالت : لالا انت مو صاحي يامجنون يامختل عقلياً إذا ما دخلتك مستشفى المجانين أنا مو شهد
وبصوت اعلى : ويييييين جووووالي ؟؟؟؟
تقدم ضاري الي بينت عليه ملامح الغضب ومسكها مع رقبتها وثبتها بالجدار : صوووووووتك لااا يعلى علي مره ثانيه ياحبيتي ولا ناسيه حنا بشهر العسل ؟؟
كانت شهد تحاول تفك نفسها منه وهي تشوفه فعلاً مو صااااحي بس كانت يد ضاري مثبتتها بقوه : فكني يا مرررريض والله لا اعلم ابوي بكل شي يا النجس يا الوسخ
ضحك ضاري وقال : مين ابوك الي باعك لي؟ مقابل اراضي وأملاك ؟ انتي ميين بيدافع عنك بس قولي لي مالك إلا تنطقين عند زوجك وانتي عاقله والا اقسم بالله لا اكمل عليك الي وقفته امس
أنعمت عين شهد بالدموع وهي فعلاً حست نفسها بضاعه وانباعت ومافي احد ورا ظهرها يحميها او يسندها بس مستحيييييل تسكت له
شال يده ضاري وراح يجلس يشغل التلفزيون وشهد ثابته على الجدار للحين ومصدومه وبسرعه دخلت تقفل على نفسها دورة المياه تبكيييي من كثر حرقتها الي بقلبها
____________________
وبالرياض الظهر
فتح الباب ابو سياف ودخل بهاج ومعه سعود ومشاري
ابو سياف : مرحبا حياكم
بهاج : الله يحييك ياعمي جينا نكلمك بموضوع
عرف ابو سياف السالفه ونزل راسه وقال بخجل : حياكم حياكم ادخلو المجلس
دخلو الشباب مع بهاج الي يدل ويعرف المكان ودخل ابو سياف بعد ماجاب القهوه وجلس معهم
بهاج : ياعمي حنا سوينا خطه عشان نقدر نمسك الكلب نايف ومشاري من مركز الشرطه وبيساعدنا
ابو سياف بتردد : بس حنا قلنا مانبي اسمنا يطلع ولا بأي مكان
مشاري : لا تشيل هم ياعمي اسمك واسم بنتك وعايلتك مو طالع في اي مكان والموضوع كله سري لا تشيل هم
بهاج : ابي جوال أديم إذا ماعليك امر
قام ابو سياف وقال : اكيد تعال تعال معي
وطلع بهاج مع ابو سياف ودخلو البيت
التفت ابو سياف على بهاج : يابهاج يا ولدي انت واثق من هالي جايبه ؟؟
بهاج : ياعمي لو ماني واثق فيه ماكان جبته ماعليك بنحل الموضوع سكاتي ومحد يدري عنه لا تخاف
هز راسه ابو سياف بتردد وناد : يا ام سياف
جت ام سياف من داخل وهي لابسه جلال الصلاه : هلا
شافت بهاج : هلا بهاج ياحبيبي
بهاج : اهلين ياعمتي
ابو سياف : جيبي جوال البنت بسرعه
هزت راسها برضا وهي متضايقه وكان بهاج ساااااكت
راحت ام سياف لغرفة اديم الي مانامت من امس ولا غفل لها جفن دخلت وشافت اديم جالسه بهدوء ودموعها مره تنزل ومره تجف ولا أكلت لقمه وحالتها حاله رحمتها امها بس ماقدرت تقول لها إلا
ام سياف : بهاج يبي جوالك تحت
التفتت بحزن وقامت تفتح جوالها وتسلمه لا امها ولا فتحت فمها بكلمه وراااااضيه بأي شي يسوونه ماتدري تستأنس عشان انكشف كل شي لبهاج ولا ثقتها الي انعدمت بينها وبين ابوها ولا كسرة عيون امها
ام سياف اخذت الجوال وهي تقول : لا حول ولا قوة إلا بالله
نزلت تحت عند بهاج وابو سياف ومدت الجوال لا بهاج اخذ بهاج الجوال وهو مجرد ما مسك الجوال تنهد طلع ابو سياف من الباب ومشا بيطلع وراه بس بسرعه وقف وجمد بمكانه اول ماشاف صورته على خلفيه جوال اديم من داخل القفل تنهد بضييييييق واخذ نفس عميق وقال بداخله : اه يا اديم اه يايابوي وكمل يدخل عند الشباب
مشاري : جبته ؟
اشر بهاج : هذا هو
مشاري : زين تعال اجلس جمبي
جلس بهاج وهو متضايق وفتح على محادثة نايف ومافيها ولا رساله وواضح انها ممسوحه
مشاري : اكتب له كأنك اديم تراسله
التفت بهاج بسرعه له : تبي تذبحني انت؟
سعود : ياخي بالنهايه انت الي تراسله مو البنت
هز راسه بهاج بغضب وبدا يكتب الي يقوله مشاري ( السلام عليكم كيفك نايف عسى ماتعورت من ابوي ابشرك الأمور هدت وابوي نسى كل شي طمني عليك )
ونزل الجوال وهو مو متحمل يكتب للخسيس هالكلام
مشاري : ارسلت
بهاج وهو شاد على اسنانه : ايييييه
ورجع يقول بعصبيه : ومتى بيرد هالكلب ؟
مشاري : أنا قلت لكم احتمال يخاف ومايرد او انه يصدق ويرد
___________________
وعند اهل جده
كانو متجمعين بالصاله يسولفون ويتقهوون
العنود : ماتحسون اشتقنا للديره ؟
تنهدت نوره : اي والله ولهت عليهم مره
التفتت تغريد على حمد : شرايك تودينا لهم يومين ؟
ابتسم حمد : ابشري
العمه عواطف : وش فيكم يابنات مستعجلين مابقى على الاجازه شي انتظرو الاجازه ونروح كلنا ونطول عندهم مو يومين وثلاث
تغريد : اي والله وانتي صادقه ياعمه
العنود : وش الي مابقى عليها شي مطولين
نوره ضربتها بخفه : يابقره الاجازه بتبدأ الاسبوع الجاي
مسكت راسها العنود بألم : صدق ؟ أنا ويني عن الناس
ابو حمد : من هالجوال الي مايطيح من يدك
العنود بصوت خفيف حق البنات : كل ماقلت شي قالو من الجوال شدخل الحين ؟
قامت العمه عواطف : تعالو يابنات ساعدوني بالغدا يلا
قامت نوره و تغريد ونزلت فِراس بحضن العنود : امسكي ولدي شوي بدال السوالف الزايده
اخذت العنود فِراس بحضنها : روحي روحي
_________________
تجهزو شهد وضاري عشان يطلعون من الفندق ويرحون للبيت الي كان بجنب بيت اهل ضاري بيت مصغر كان ضاري يفكر " نروح لبيتنا وتحبني شهد وتنسى كل شي ونبدا صفحه جديده "
اما شهد الي كانت تلم الاغراض وتفكر " خل نقرب بس من بيت اهلي والله لا اركض ولا عاد ارجع معك يا حقير يا واطي ولو تموووووت ماصير لك زوجه "
وكل واحد وبعقله خطه
كملو اغراضهم وطلعو من الفندق وشهد مافتحت فمها بكلمه مع ضاري عكس ضاري الي يبتسم كل شوي " بتشوفين بيتنا وصدقيني بيعجبك
شهد وهي ساكته وتتذمر من داخلها : بيتك هذا يا سافل مو بيتي ولا راح يصير بيتي