~¡~ ချစ်ငြိုးမာန်တင်း ပြင်းလွန်းသည် ~¡~
အပိုင်း(၈)
သူနေချင်တဲ့အိမ်လေးမှာ နေရပြီဆိုတော့
သံသံလေး ပျော်နေလေသည်။ ဆူး အိမ်အသစ်မှာ ပစ္စည်းတွေကို နေရာချပြီး သမီးလေး
ဆော့ကစားနေတာကို ကြည့်နေလိုက်သည်။သမီးလေး နေချင်လည်းနေချင်စရာဘဲ.....ဘယ်လိုစိတ်ကူးကောင်းကောင်းနဲ့များ
ဒီအိမ်လေးကို ဆောက်ထားပါလိမ့်....အိမ်လေးကို အဖြူနဲ့ပန်းရောင်တစ်ဝက်စီဆေးသုတ်ထားပြီး နံရံပေါ်မှာ
နှင်းဆီပန်းပွင့်ပုံလေးတွေ ရေးဆွဲထားသည်။ အိမ်ထဲက ပရိဘောဂပစ္စည်းတွေကလည်း လုံးဝအဖြူ....ခုတင်သေးသေးလေးတွေကလည်း
သမီးလေးကြည့်နေကျဘာဘီကာတွန်းကားထဲကလို ပုံစံမျိုးလေးတွေ.....အဝတ်ဗီဒို...... မှန်တင်ခုံ.... အစရှိသောအရာဝတ္ထုလေးတွေကလည်း နှစ်လိုဖွယ်ကောင်းအောင် ပြင်ဆင်ထားသည်။
ယောကျ်ားသားတစ်ယောက်ဖြစ်ပါရက်နှင့် ဒီလိုအနုအရွလေးတွေကြိုက်တတ်သလားဟု
တွေးမိကာ ဆူးရယ်လိုက်မိသည်။ ပြီးမှ ပြန်စဉ်းစားကြည့်မိတော့ သူဟာ အရင်ကတည်းက စိတ်သဘောထားနူးညံ့တဲ့သူတစ်ယောက်ပါ။
ကိုယ့်ကြောင့်သာမဟုတ်ရင် သူဟာအခုလိုနာကျည်းစိတ်တွေဖြင့် ပြည့်နှက်နေမည့်လူတစ်ယောက်ဖြစ်လာမှာမဟုတ်ပေ။သူ့အပေါ်အပြစ်ရှိခဲ့မိ၍ နောင်တရပြီးသူ့ကို
ချစ်တာမဟုတ်....ချစ်လို့ချစ်မိမှန်းမသိလိုက်ခင်မှာဘဲ သူ့ကိုချစ်မိသွားခဲ့သည်။ဟိုအရင်ကလို သူ့အပေါ်မှာအချစ်မရှိခင်ကအတိုင်းဆို သူရင့်သီးစွာပြောနေတဲ့စကားတွေကို ခံစားနေမိမှာမဟုတ်......အခု သူ့ကိုမှချစ်မိနေတော့ သူခက်ထန်စွာ ပြောလိုက်သည့်စကားလုံးတိုင်းက ကိုယ့်ရင်ဘတ်ကိုနာကျင်စေသည်။
ကိုယ်ကိုထိရင် ဆတ်ဆတ်ထိမခံခဲ့တဲ့ ဆူးပန်းခွေက အခုတော့ သူနာကျည်းစွာဆက်ဆံသမျှကို စိတ်မဆိုးနိုင်ပါ......
ဒါဟာအချစ်ဆိုတဲ့ အပြစ်မယူမှုကြောင့်လား......
~~~~~
"CEO...... အမျိုးသမီးတစ်ယောက်က တွေ့ခွင့်တောင်းနေပါတယ်....."
သူ လက်ပ်တော့ဖြင့်အလုပ်ရှုပ်နေတုန်း သူရဲ့ကိုယ်ရေးအရာရှိရောက်လာလေသည်။
YOU ARE READING
~ချစ်ငြိုးမာန်တင်း ပြင်းလွန်းသည်~
Romanceဒီယုဇနပန်းတွေကိုမုန်းသလိုမျိုး ကျွန်မကိုလည်း မုန်းလိုက်ပါလား မြေအနှစ်ရယ်.... မင်းမုန်းခိုင်းတိုင်း ငါမမုန်းနိုင်လို့ခက်တယ်.... >လူတစ်ယောက်ကို မုန်းတယ်ဆိုတာ လွယ်ပါတယ်.....ဒါပေမယ့် ချစ်လွန်းအားကြီးပြီး အချစ်ငြိုးတွေဖြစ်ပေါ်လာရင် အဲ့အငြိုးတွေလက်ထဲကနေ...