~¡~ ချစ်ငြိုးမာန်တင်း ပြင်းလွန်းသည် ~¡~
အပိုင်း(၁၄)
"ကျုပ်သားရဲ့တဇွတ်ထိုးနိုင်မှုကြောင့် ဒီဘက်ကသမီးရှင်တွေကို တောင်းပန်ပါတယ်ဗျာ....အဓိကကတော့ မောင်မြေအနှစ်ကို
အန််ကယ်တောင်းပန်ပါတယ်....""ဖြစ်ပြီးတာက ဖြစ်ပြီးသွားပြီဘဲ.....ပြန်ပြင်လို့မှမရတာ....ကျွန်တော့်ညီမလေးကို တကယ်မေတ္တာရှိတယ်ဆိုရင်ဘဲ လက်ခံပါတယ်......ကျွန်တော့်ညီမလေးစိတ်ချမ်းသာရင် ကျွန်တော်ပျော်ရတာနဲ့အတူတူပါဘဲ......"
"ဒီလို အေးအေးချမ်းချမ်းလေးဘဲ ကျေအေးပေးလို့ အန်ကယ်တကယ်ကျေးဇူးတင်ပါတယ်....မင်္ဂလာပွဲကိုလည်း ခမ်းခမ်းနားနားကျင်းပပေးမယ့်အပြင်...အခုသမီးတာဝန်ကျတဲ့ဆေးရုံမှာလည်း အဆောင်အသစ်တစ်ခု ဆောက်လုပ်လှူဒါန်းဦးမှာပါ..."
မြေအနှစ် ခေါင်းတစ်ချက်ငြိမ့်ပြလိုက်သည်။
ရင်ထဲမှာတော့ အကြာကြီးခွဲခွာခဲ့ရပြီးမှ
ပြန်တွေ့တာမကြာသေးသည့် ညီမလေးက အခုတော့ သူတစ်ပါးလက်ထဲ ထည့်ပေးရတော့မည်။ အတောင်စုံရင် သွားမှာသိသော်လည်း အခုလိုထိပ်တိုက်ရင်ဆိုင်ရတော့...."ပကာသနတွေမလိုပါဘူးအန်ကယ်....ကျွန်တော့်ညီမလေးတစ်သက်လုံးစိတ်ချမ်းသာရမယ်ဆိုရင် ကျေနပ်ပါတယ်..... မင်္ဂလာကိစ္စကတော့ အဆင်ပြေသလိုဘဲစီစဥ်လိုက်ပါ....."
~~~~~~~~
သမီးလေးနဲ့ဖုန်းပြောအပြီး ခြံထဲကဒန်းစီးပေါ်ထိုင်နေသည့်သူ့ကိုတွေ့ရ၍ ဆူး အိမ်ထဲကထွက်လာခဲ့လိုက်သည်။
"ရွှေအနှစ်ဆိုတာ ရှင့်ညီမလား...."
"အင်း...ဟုတ်တယ် ငါ့ညီမဘဲ..."
"စိတ်မကောင်းဖြစ်နေတာလား....မြေအနှစ်..."
"ဖြစ်တာပေါ့......ငါ့မှာ မိခင်တစ်ယောက်လုံးဆုံးရှုံးသွားပြီးကတည်းက သံယောဇဥ်တွယ်စရာ ငါ့ညီမလေးဘဲရှိတာ.......အခု ငါ့ရင်ထဲကနေထွက်သွားတော့မယ်ဆိုတော့ ဝမ်းနည်းမိတယ်..."
"ရှင်ကိုယ်တိုင် မထုတ်သ၍ ဘယ်သူမှရှင့်ရင်ထဲကနေ ထွက်သွားလို့မရပါဘူး...."
သူမပြောလိုက်သည့်နှစ်သိမ့်စကားကြောင့်
မြေအနှစ် သူမအား ငေးကြည့်နေမိသည်။ သူမပြောသည့်စကား သိပ်မှန်ပါသည်။
သူမနဲ့နှစ်တာကာလရှည်အောင်သာ ဝေးကွာခဲ့ရတာ သူ့ရင်ထဲကမထုတ်နိုင်ခဲ့တာကြောင့် ဝေးသွားသည်ဟု မခံစားခဲ့ရပါ။
YOU ARE READING
~ချစ်ငြိုးမာန်တင်း ပြင်းလွန်းသည်~
Romanceဒီယုဇနပန်းတွေကိုမုန်းသလိုမျိုး ကျွန်မကိုလည်း မုန်းလိုက်ပါလား မြေအနှစ်ရယ်.... မင်းမုန်းခိုင်းတိုင်း ငါမမုန်းနိုင်လို့ခက်တယ်.... >လူတစ်ယောက်ကို မုန်းတယ်ဆိုတာ လွယ်ပါတယ်.....ဒါပေမယ့် ချစ်လွန်းအားကြီးပြီး အချစ်ငြိုးတွေဖြစ်ပေါ်လာရင် အဲ့အငြိုးတွေလက်ထဲကနေ...