ايوب: تكتبيلي دروس
ملاك: علاه فارغة شغل
ايوب: مالا حوسي وين تقعدي
ملاك: شوف نبعتلك دروس ونتا كتبهم
ايوب: اوكي
راحو قعدو وبدا درس
ايوب: اي نتي
ملاك: وشنو
ايوب: مديلي انستا
ملاك: واقيل نتا مهبول
ايوب: نتي لي مهبولة مديلي انستا باش تبعتيلي دروس
ملاك: ايه خلاص مدلي تيليفون نكتبهولك
الاستاذ: ايوب وملاك اخرجو
ملاك: علاه استاذ مدرت والو
الاستاذ: مصبح ونتي تهدري معا زميلك تقوليلي مدرتي والو
ايوب: غير اخرجي هاذ شيخ سامط
رفدو روحهم وخرجو
ملاك: هاذا كامل علاجالك
ايوب: وين علاجالي ديجا مديلي انستا متنسينيش
هاكي تيليفون
كتبت ملاك انستا تعها ورجعت تيليفون الايوب
ايوب: انا نروح
ملاك: وين تروح تخليني ياخي تحاوزنا كيف كيف
ايوب: راني رايح تولات تحبي جي معايا ارواحي 😉
ملاك خدودها حمارو: لالا منجيش
ايوب: اوكي كيما تحبي
راح ايوب وملاك قعدت دور فلمسيد وحدها حتى صونات الساحة هبطو وتلاقت معا لينا
لينا: علاه حوازكم الشيخ نتي وايوب
ملاك: كنا نهدرو غير جيت نمدلو انستا حاوزنا
لينا: ياي خلاص وليتي معاه
ملاك: لالا وشبيك مديتلو انستا باش برك نبعتلو دروس علاخاطر هوا قالي تكتبيلي وانا قتلو نبعتلك ونتا كتبهم
لينا: مممم زعما 😏
ملاك:روحي تزمري
لينا: هههه نضحك معاك
ملاك: لينا نقلك حاجة بصح متتحمسيش
لينا: قولي تعرفيني منتحمسش
ملاك: هيه نعرفك مليح
لينا: قولي برك
ملاك: راني حاسة قلبي يخبط كي نكون معا ايوب
لينا: يويوييوييي
ملاك: يخاه بهدلتينا دوك يديرولنا استدعاء علاجالك
لينا: خلينا من الاستدعاء هاذي يسموها الحب
ملاك: وشمن حب
لينا: ايه يفوتو يمات وتعرفي واش راني نهدر
ملاك: ايه نشوفو
كملو يقراو حتى خرجلو وكل واحد راح لدارو
وصلت ملاك لدار
ملاك: ماما هاني جيت
باهية: مرحبا ابنتي راكي مليحة
ملاك: حمد لله ماما
باهية: واش كيفاش فلمسيد كلش راه مليح ياك
ملاك: وي ماما راني مليحة وزيد راني نقرا معا لينا تسما مكاش مشكل ( نتقلو لمسيد جديد هيا ولينا)
باهية : حمدلله نشاله دايمن توكني مليحة ونفرح بيك كي جيبي لباك
ملاك: نشاله انا راني رايحة نريح
باهية: متاكليش
ملاك: خلي لعشا وناكل
باهية اوكي
راحت ملاك لبيتها بدلت حوايجها وريحت جبدت تيليفونها لقات demande من عند ايوب اكسبتاتو وجات راح تبعت بصح تراجعت قالت خلي هوا يبعت لول ومعا كانت عيانة داتها عينها ورقدت حتى جات باهية نوضتها
باهية: نوضي ارواحي تتعشاي
ملاك: راني جاية
راحت صلات وراحت باش تاكل كملت ورجعت لبيتها وحكمت تيليفون ولقات ميساج من عند....
