ملاك...الو
ايوب...وي
ملاك...راني قلت لماما باش جي
ايوب....ايه واش قاتلك
ملاك....قبلت وقاتلي ارواحي نهار لخميس
ايوب....ايه نشاله ضيق
ملاك...حقا انا منعرفش يماك
ايوب...نهار لخطبة تشوفيها
ملاك...حشمت ونخاف منعجبهاش
ايوب...هههه واش يهمك في تعجبيها ولالا لمهم نتي راكي عاجبنتي انا وانا لي راح نتزوج بيك ماشي هيا وزيد علابالي بلي راح تعجبيها
ملاك...ايه نشاله انا درك نروح نرقد
ايوب...ترقدي وتخليني
ملاك...ايه عيت
ايوب... معليش ارقدي مبقاش بزاف على على لخطبة تاعنا
ملاك.... تصبح بخير
ايوب...تصحبي بخير ازين
كوبات ملاك وهيا فرحانة واخيرا راح تتخطب مع لي حباتو وكان اول حب ليها في حياتها
رقدت وكي ناضت عيطت لينا باش يخرجو يشرو حوايج للخطبة
لينا: ايه بنتي كبرت وراح يخطبوها
ملاك: حبسي جياحة لينا
لينا:ملاك
ملاك: وي
لينا: يعجبني صاحب ايوب
ملاك: شكون عبدو ؟
لينا: ايه عبدو شكون زعما
ملاك: هيه ونتي تعجبيه
لينا: وين علابالي سقسي ايوب
ملاك: منيتك نسقسيه على صحبو ولا يحب صحبتي
لينا: خلاص خلينا منهم هيا نروحو نشرو واش نسحقو توحشت ندير شوبينغ
ملاك: اوكي
خرجو ودارو دنيا كامل وشراو واش سحقو
وراحت لينا تبات مع ملاك وبداو تحضيرات الخطبة
