جازت سمانة وملاك قاعدة غير فدار ومكتئبة
باهية: يخاه علاه راكي ديري في روحك هكا نوضي تاكلي
ملاك: مرانيش جيعانة
سمعت باهية دقديق راحت تحل لقاتها لينا
باهية: جوزي يابنتي اهدري معاها مراهيش مليحة
لينا: علاه واش صرا
باهية: راهي في حالة ملي راح ايوب
لينا مصدومة: كيفاش راح مفهمتش
باهية: هيا لي محبتش يجي يخطبها وقاتلو اخطيني
لينا: علاه وشبيها هادي هبلت
باهية : روحي لهدري معاها بلاك تقلك واش كاين
لينا: اوكي
(لينا كانت مسافرة علابيها مسمعتش بلحكاية)
دخلت لينا عند ملاك
لينا: ايه يالالة راهم قالولي بلي حبستي معا ايوب
ملاك: ايه
لينا: علاه واش صرا احكيلي
ملاك: مكان والو
لينا:وليتي تخبي عليا علابالي كاين حاجة قوليلي
طرطقت ملاك بلبكا وعنقتها لينا
لينا: خلاص متبكيش راني هنا احكيلي فرغي قلبك ونشاله نلقاو حل
ملاك: انا كنت قابلة وعلابلك بلي نحبو بصح جا ليا باباه وقالي لوكان تكملي معاه نقتلو وكي جا باش يهدر معايا ايوب قتلو بلي خلاص كلش بيناتنا وبلي جامي حبيتك
لينا: علاه عليك وزيد تجرحي فيه وتقوليلو جامي حبيتك لوكان قلتيلو باباك لي هددني
ملاك: منقدرش نخاف يروح ليه ويقتلو
لينا: روحي لابوليس وقوليلهم بلي راهو يهدد فيا
ملاك: ايه انبعد واش يديرو
لينا: روحي وشوفي
لينا: وانا نقول الايوب لحكاية
ملاك: لالا بلاكي تقوليلي ولله وتقوليلو منزيدش نهدر معاك
لينا: اوكي لمهم تولو كيما كنتو
ملاك: ايه غدوة نروح
نهار
ناضت ملاك لبست حوايجها
ملاك: ماما راني خارجة
باهية: وين راكي رايحة
ملاك: نروح نشم شويا هوا كرهت فدار
باهية: حمدلله ياربي لي راح تخرجي راكي غملتي فدار روحي يابنتي وبلاكي علا روحك
ملاك: صحا ماما باي
راحت ملاك لابوليس وفي طريقها شافها ايوب وتبعها
حتى جا واحد جان
جان: بسس زين
ملاك:....
جان: ياو اهدري معايا
ملاك: .....
جان: متهدريش
راح ليها وشدها من يدها وهيا بدات تعيط حتى جاتو ضربة من حيت لايعلم ودخل عليه بضرب ايوب
ملاك: ايوب حبس حبس
جاو ناس تسلك بيناتهم هاذاك هرب وايوب وقف يشوف فملاك
ملاك: وشبيك هبلت
ايوب: نتي لي هبلتي علاه جايزة منا
ملاك: واش تكون باش دخل روحك فيا
ايوب: عندك لحق انا لي جيت سلكتك نستاهل
راح ايوب وملاك حست بلي ضلماتو بزاف راحت تجري موراه
ملاك تعيط: ايوب ايوب
دار ايوب
ايوب: حبسي متعيطي برا
ملاك: ايه احبس نهدر معاك
ايوب: معندك متهدري معايا ختي متعرفينيش
ملاك: حبس جياحة صح مني
راح ايوب وخلاها تهدر وحدها
ملاك: سامط راح وخلاني نهدر
كملت طريقها باش تروح لابوليس
وكان ايوب مزالو يتبع فيها بلا ماتفيق
دخلت قاتلهم وقالولها بلي لازم يحوسو عليه ويديرو اجرأت معاه
وخرجت وهيا مطمنة شوية
ملاك: لازم نحكم عليه كاش حاجة لي تخليه يدخل للحبس مدام يقدر يقتل وليدو باينة راهو داير عفايس لي يخلون للحبس وتقدر تولي معا ايوب
