لينا: ايه تسما وليتي قريبة الايوب
ملاك: وي وهوا حكالي عليه
لينا: واش حكالك
ملاك: قالي سر منقدرش نقول
لينا: هكا وليتي تخبي على صحبتك
ملاك: لالا ولله مهكا برك هوا ميحبش ناس تعرف على حياتو
لينا: نورمال لمهم نتي تكوني مليحة معاه
ملاك: بصح مرانيش حابة نحبو تعرفيني خاطيني لحب
لينا: ملاك علاه راكي تمنعي روحك من الحب هاذا شعور شباب وراح تكوني سعيدة اذا خترتي الانسان الصح
ملاك: وكون ميكونش الانسان الصح
لينا: تما يولي شعور ماشي مليح شوفي نتي جربي خلي قلبك يحب ونشاله يكون ايوب شخص مناسب وحتى كون ميكونش نعرفك قوية وتقدري تتخطايه
ملاك: صحا لينا نتي افضل صديقة
لينا: بلا مزية نتي ختي لي مجابتهاش يما ( لينا عندها خوها صغير برك)
وتعانقو لينا و ملاك 💖
من جيهة اخرى (ايوب)
ايوب: راني نقلك بديت نحبها
عبدو: ايوب انا جامي شفتك حبيت وڨاع لبنات لي جازو عليك كنت دايرهم تمسخيرة
ايوب: ايه علابالي بصح ملاك ماشي كيف كيف ملاك مرانيش حاب نستغلها ولا نأديها راني حابها تحبني وتفهمني
عبدو: يا صاحبي راك طايح على راسك 😂
ايوب: بلع انا نحكي صح ونتا تتمسخر بيا
عبدو: هههه ولله واعرة طفلة هاذي غير هيا لي قدرتلك وخرجت جانب ايوب لحنين
ايوب: تنوض تقود عليا ولا متنوضش 😐
عبدو: هههه راني نايض
راح عبدو لدارو علاخاطر كان في دار ايوب
وايوب قعد وحدو يخمم في ملاك
بعد مرور اسبوع
Lycée
ملاك: ايوب بديت توجد للباك
ايوب: نن
ملاك: واش راك تسنا
ايوب: راني نسنا فواحد طفلة شابة تقريني ونسات
ملاك: شكون هاذي
ايوب: شوفي نتي
ملاك: ايوب متقلقنيش قتلك شكون ( غارة)
ايوب: نتي يالفاهمة
ملاك: كنت عليا
ايوب: وي علاه كاين طفلة شابة تقريني من غيرك
ملاك: (حشمت) ايه خلاص وقتاش تحب نقراو كيف كيف ونفهمك
ايوب: كيما تحبي
ملاك: واش رايك غدوة نروحو لمكتبة ونقراو
ايوب: اوكي نروحو غدوة
ملاك: ايه واسمع غدوة نقراو متقعدش تتمسخر وتلعب مراحش نقري ولد صغير
ايوب يشوف فيها ويتبسم كيفاش راهي تهدر ومراهوش يسمع ڨاع واش راهي تقول ( اواه واقيل هبل 😂)
ملاك: فهمت
ايوب: ايه فهمت
جاز نهار وكانو يقراو (لينا مجاتش تقرا ليوم)
لحقت 5:30باش يخرجو
ملاك: باي
ايوب: مجاتش لينا معامن تروحي
ملاك: وحدي
ايوب: نجي معاك متروحيش وحدك
ملاك: اوكي
راحو يتمشاو باش يوصل ايوب ملاك لدار ويروح لدارو فطريق
ايوب: لينا جامي حكيتيلي عليك
ملاك: واش نحكيلك
ايوب: على عائلتك
ملاك: انا عايشة معا ماما معنديش خاوة وبابا ميت
ايوب تشوكا كي سمع باباها ميت
ايوب: لله يرحمو ويخليلك يماك
ملاك: امين
