بعد مرور اشهر
ملاك: سمانة لجاية لباك راني خايفة
ايوب: علاه تخافي ياخي قريتي وراكي واجدة
ملاك: ايه بصح خفت منجيبوش
ايوب: لالا نخاله جيبيه ونديرلك اي حاجة راكي حابتها
ملاك: اي حاجة
ايوب: ايه
ملاك: وعد
ايوب: وعد
ملاك: ايا اوكي ونتا راك واجد
ايوب: نورمالمون راني واجد
ملاك: نشاله نجيبوه كامل
ايوب: نشاله
خرجو ملمسيد وكل واحد راح لدارو ولحق وقت الصح ولي هوا اجتياز امتحان البكلوريا ( نشاله ينجحو كامل صحاب الباك)
Day of bac
لينا... الو ملاك وقتاش تروحي
ملاك.... ارواحي لعندي ودوك يجي ايوب وعبدو نروحو كامل كيف كيف
لينا.... اوكي دوك نجي
لحقو ايوب وعبدو عند ملاك ولينا وراحو رباعي باش يجوزو الباك في اجواء توتر مخلط معا فرحة
بعد ماكملو السمانة لي جوزو فيها لباك قررو يديرو خرجة باش ينساو كلش وينحو علاخاطرهم
ملاك: راني شابة هكا
لينا: تقوشي اول مرة راح تشوفي ايوب
ملاك: ماشي علاجال ايوب
لينا: ايه هاذيك هيا 😉
ملاك: لالا ولله صح راني شابة
لينا: راكي تهبلي كيما كل يوم بصح قولي صح تحبي ايوب
ملاك: معلاباليش
لينا: هيا اعترفي ياك انا صحبتك
ملاك حمارو خدودها: ايه
لينا: يخاه علا الحشامة حشمتي مني باش تقوليلي تحبيه ولوكان تقوليهالو ليه تسما تموتي
ملاك: مستحيل نقلو نحبك
لينا: ايه نشوفو كيما كنتي تقولي منحبش وراكي حبيتي
ملاك: صحا شاعرة هيا نروحو
من جهة ايوب
ايوب: واقيل نعترفلها ليوم
عبدو: ماشي قلت مور ميخرجو ريزيلتا تاع لباك
ايوب: مقدرتش نصبر
عبود: اصبر صاحبي حتى يخرجو وعترف
ايوب: زعما تكون تحبني
عبدو: انا تبانلي تحبك
ايوب: ولوكان متحبنيش
عبدو: اوه ايوب اعترفلها انبعد ساهل ومكاش كيفاش متحبكش طفلة باينة عليها تحبك
ايوب: ونتا تقعد هكا
عبدو: كيفاش
ايوب: متحب حتى وحدة
عبدو: نقلك صح
ايوب: قول
عبود نحب...
