كرونيك حب الثانوية

19

باهية:بوه يابنتي علاه واش صرا بيناتكم
ملاك: مصرا والو برك مرانيش حاباتو
باهية: لالا كاينة حاجة ياخي كنتي قابلة بيه ودرك محبيتيش
ملاك: ايه مرانيش حابة ننخطب ديجا مزالني صغيرة
باهية: يابنتي كيما حبيتي بصح ولا كشما كاين قوليلي انا يماك ونقدر نعاونك ونفهمك
ملاك: ايه صحا ماما
طلعت ملاك ابيتها وقعدت تبكي حتى عيطلها ايوب وكوبات وقعد يعيط وهيا تكوبي عليه
ابوب: يا***ولات متريبونديش عليا ثاني صحا ياملاك غدوة نتفاهمو
رقدو وكل واحد قلبو يتقطع على لوخر

نهار

راح ايوب لدار ملاك ودقدق حلتلو باهية
باهية:صباح لخير
ايوب: صباح لخير خالتي نقدر نهدر معا ملاك
باهية: ايه قاتلي لبارح بلي مراهيش قابلة جي تخطبها واش صرا
ايوب: معلاباليش كانت نورمال حتى تقلبت وحدها راني حاب نفهم علاه بطلت
باهية: معليش جوز لصالون درك نعيطلها
ايوب: اوكي صحا
باهية: ملاك نوضي ديري خيمارك وروحي لصالون
ملاك: علاه واش كاين
باهية: ديري واش قتلك كي تحبطي تعرفي
ملاك: اوكي
دارت ملاك خمارها وحبطت لصالون لقات ايوب تما جات رايحة حتى شدها من يدها
ملاك: اتلق يدي
ايوب: اصبري نهدرو
ملاك: معندي منهدر معاك خلاص كلش بيناتنا
ايوب: ريحي نهدرو متهبلينيش
ملاك: واش راك حاب تهدر راني قتلك خلاص
ايوب: ملاك للدوك راني شاد روحي ومرانيش حاب نتقلق هيا نهدرو ونتفاهمو
ملاك: ايه راني قعدت واش نتفاهمو
ايوب: قوليلي علاه بطلتي
ملاك: خممت بلي مزالني صغيرة ومزال نزيد نعيش حياتي خير منربط روحي بيك
ايوب: تسما هكا ملاك قوليها للمرة لخرة بلي متحبينيش ومتزيديش تشوفيني كامل
ملاك: منحبكش وجامي حبيتك
ناض ايوب بلا ميهدر وجا خارج مدار
باهية: ريح درك شوية نفطرو
ايوب: لالا صحا خالتي وهاذي اخر مرة نتلاقا معاك حبيت نقلك يعطيك صحة لي درتي فيا ثقة في بنتك ولله غالب مكتبتش بيناتنا
باهية: علاه راك تقول هكا بلاك راهي زعفانة برك
ايوب: لالا خلاص كلش بينتنا تبقاي على خير
خرج ايوب وهوا قلبو مكسر طفلة لي حبها صح من قلبو قاتلو بلي جامي حباتو