جازت سمانة وخرج ايوب من سبيطار
ايوب....الو
ملاك....وي
ايوب....سمانة لجاية نجو
ملاك....لالا ياك مزالك مريض
ايوب....راني مليح نقدر نجي
ملاك...ايه
ايوب...ونتي راكي مليحة
ملاك...ايه
ايوب...وشبيك تهدري هكا
ملاك...مبيا والو
ايوب...مراكيش حابة تهدري قوليلي نكوبي
ملاك...مرانيش حابة اصلا جي تخطبني
ايوب تخلع...علاه واش صرا
ملاك....مصرا والو برك مرانيش حابة نكون معاك انا منحبكش (تبكي)
ايوب...ملاك واش راكي تهدري واش صرالك ياخي كنتي مليحة وقابلة
ملاك: لالا انا منقدرش نكون معاك
ايوب كوبا كان زعفان ومافاهم والو
قبل سمانة
كريم: نتي ملاك
ملاك: وي علاه
كريم: راني نحذرك من درك اخطي ايوب وكون تبقاي معاه راح نقتلو
ملاك: علاه تقتلو وشكون نتا
كريم: انا باباه ومتحوسيش تفهمي كثر ديري واش قتلك ولا راح تشوفيه يموت ويتعذب قدامك
ملاك مخلوعة: بصح هاذا وليدك كيفاش تقد تقتلو
كريم: تهدري بزاف اخطيه وبلعي
قالها هكاك وراح وخلاها حايرة وخايفة راح تخسر ايوب كون تبقى معاه بصح صعيبة عليها باش تخليه وكيفاش باباه يقدر يقتلو زعما كون نقول ايوب عليه بصح لالا نخاف يروح ليه ويقتلو كيفاش ندير ياربي
هاذا كامل كان يدور فراس ملاك ملقاتش حل من غير انها دير راش قالها كريم ولي هيا تبعد على ايوب وتخليه يكرها باش ميرجعلهاش وميموتش
نرجعو وين قالك ملاك الايوب بلي متحبوش وراح ايوب عند عبدو
ايوب: ولله مفهمتها كانت نورمال درك قاتلي مجيش تخطبني ومنحبكش
عبدو: او كيفاه هاذي طفلة باينة تحبك كي كنت مريض كانت كل يوم جي وخايفة عليك باينة بلي كاين حاجة خلاتها تقول هكا
ايوب: زعما واش تكون
عبدو: معلاباليش شوف نتا اتلاقا بيها وقولها تفهمك واش كاين راني متأكد بلي تحبك وكاينا حاجة راهي مخبيتها
ايوب: ايه صح نتلاقاها ونشوف
