راحت ملاك وقدمت شكوا ضد كريم ومدتلهم هدرتو لي سجلتها وحكوه فلحبس
لينا: ضرك مدام دخل لحبس لحق لوقت باش تقوليلو
ملاك: خفت يكون كرهني وميقبلش نولو كيف كيف
لينا: لالا اهدري معاه وفهميه كلش
ملاك: ايه لازم نهدر معاه
راحت ملاك لوين يسكن ايوب ولقاتو قاعد وحدو راحت ليه وريحت قدامو هوا شافها ناض
ملاك: ريح ايوب راني حابة نهدر معاك
ايوب: خلاص هدرنا وعلابالي متحبينيش وخليتك نتي لي حبيتي
ملاك: لالا ولله نحبك بصح كان لازم نقلك هكاك خفت عليك
ايوب: ماشي وقت نهدرو هنا نروحو لكاش بلاصة ونهدرو
ملاك: اوكي نروحو لبحر
راحو لبحر وقعدو مقابلينو
ايوب: ايه قلتيلي خفتي عليا من واش
ملاك: من باباك
ايوب: كيفاش
ملاك: كان يهدد فيا بلي كون منبعدش عليك يقتلك
ايوب: ايه كون جيتي قلتيلي ماشي تقوليلي منحبكش وروح خطيني
ملاك تبكي:ولله غير خفت عليك امني مكنتش حابة نأديك
ايوب: خلاص متبكيش هوا دخل للحبس درك
ملاك : ايه انا لي دخلتو
ايوب: وشنو
ملاك حكاتلو كامل لحكاية وواش دارت
ايوب: طلعتي ماشي ساهلة
ملاك: هاذا كامل علاجالك
ايوب: ملاك هاذ لخطرة جاوبيني صح متكذبيش
ملاك: وي
ايوب: تحبيني ؟
ملاك: نن منحبكش
جا نايض ايوب
ملاك تعيط ايوووووب نعشق فيك
دار عنقها ورفدها وناس تشوف فيهم
ايوب: تسما تقلبي نجي نخطب
ملاك: نقبل نتزوجو ماشي غير تخطب خلاص منقدرش نزيد نكون بعيدة عليك توحشتك بزاف
ايوب: مام انا مام واش درتي قاع ومزالني نحبك لازم منخبو والو على بعضانا باش حبنا ينجح
ملاك: اوكي
جازو يمات وجازت لخطبة تاع ملاك وايوب وفرحو
ولحق نهار العرس
