نهار جديد فثانوية
ملاك قاعدة معا ايوب فجنينة قدام ثانوية (كانت تقري فيه) حتى لاحظت سيكاتريس في رقبةايوب
ملاك: وشبيك من رقبتك فيها سيكاتريس
ايوب: اااااا هاذي صراتلي كي كنت صغير
ملاك: طحت
ايوب:لا
ملاك: مالا وشنو
ايوب: خلاص بدلي سيجي خليني منها
ملاك: اوكي واش تحب تهدر
ايوب: ملاك
ملاك: وي
ايوب: كيفاش تشوفيني
ملاك شافت فعينيه ورتبكت
ملاك: اااا كيفاش نشوفك مفهمتش
ايوب: كي نبانلك بنادم مليح ماشي مليح
ملاك: هيا نهار لول كنت نحسبك ماشي مليح بصح دكا تبدلت
ايوب: زعما نقدر نتزوج وتكون عندي عايلة
ملاك: علاه هاذ لهدرة ايه باينة تتزوج وتكون عائلة نورمال
ايوب:راني خايف نكون كيما بابا
ملاك: وشبيه باباك
ايوب حس روحو بدا راح يحكيلها علي حياتو و الماضي تاعو انبعد حبس (هوا هاذ الموضوع حساس بنسبة ليه وميعرفو غير عبدو)
ملاك: علاه حبست احكي
ايوب: خلاص والو
ملاك: كيفاه خلاص والو احكي راني نسمع ولا خايف على كشما نقول انا نشد السر
ايوب: حسبتي راح نحكيلك فيلم اكشن
ملاك: احكي ومتخافش فرغ قلبك انا تاع ثقة ولله
ايوب بتسم حس روحو رتاحلها وبدا يحكي
ايوب: كي كنت صغير كانو بزاف مشاكل بين بابا ويما وبابا كان يدخل سكران ويضرب يما وحتى انا وخويا صغير لي مات كي هرب مدار وضرباتو طونوبيل وخطرة بابا كان راح يذبحني وحط لموس في رقبتي علابيها عندي سيكاتريس فيها
حطت ملاك يدها على رقبت ايوب وتتحسس فيها ودموعها وديان
شافها ايوب لقاها تبكي
ايوب: خلاص دكا راني مليح وبابا راح وخلانا خلاص متبكيش (نورمالمون هوا لي يبكي على روحو عشى يسكت فيها 😂)
ملاك: 😭 علاه دارلك هكا كان راح يقتلك وجعك ؟
ويدها في رقبتو هوا حس بدات تطلعلو سخانة نحالها يدها
ايوب: قتلك خلاص مصرالي والو درك مراني نحس والو
ملاك: ايوب منحبش نشوفك تتوجع (تحمست الاخت) ااا قصدي غضتني كي توجعت
ايوب: نوضي راح لحال باش تروحي لدار
ملاك: مقرينا والو
ايوب: معليش خلي نهار وحدوخر
وهوا كان فرحان كي فهماتو وسمعتلو حس بلي كاين لي يقدر يحكيلو ويفرغ قلبو
