جيتني مثل رد الجميل اللي تخبى بوجه الأيام

Part 1

-
‏"جعل يفداك عمرٍ كان قبل مواصلك منعاف
‏وضحكٍ ما عرفته غير أنا يمناي بشمالك "‏
-
بسم الله الرحمن الرحيم "
روايتيِ الثانيه •

صحت من نومها وهي تحس بتعب غريبَ خذت دش دافي لبست بجامتها و خذت جوالها الي ما وقف اتصالات ردت بصوت كله تعب ؛ هلا وجد
وجد ؛ ليه ما دوامتي ؟
مَيـان ؛ انا يالله صحيت اصلاً مافيني حيل
وجد ؛ وش يصبرني ليوم الاحد
مَيـان بتعب ؛ معليك الايام تمر بسرعه المهم انا الحين مشغوله افضى وادق عليك
وجد ؛ تمام طمنيني عليك
قفلت منها ونزلت ابتسمت رغم التعب الي فِيها وحبت راس امها
ريـان بدفاشه ؛ وانا ولا مو مالي عَينك
عطتـه نظره وجلسـت بهدوء جَانب امها استوعبت ان ابوها مب موجود ؛ الا وين ابوي ؟
ام ريـان ؛ وينه يعني يا بشغله يا عِند عمك تقل مافي بهالدنيا الا هو
ريـان بضحكه ؛ علامك معصبه يمه لا يكون تغارين على ابويَ منـه !
ام ريـان ؛ هذا الي ناقص بعد اغار مِنه بس ابوك ماينشاف
ريـان ؛ خليه يمه يوسع صدره ماعنده شي
لف على اخته وطق فخذها ؛ وانتـي وش فيـك بعد ماده البوز شبرين
مَيـان عقدت حواجبها من الألم وبصراخ ؛ يا زق اوجعتنـي !
ام ريـان ؛ بدت حالتكم
ريـان مسك اذونها ؛ انا زق !
مَيـان بصراخ ؛ وستين زق !!
ريـان وقف ومسك اطراف رجولها وسحب فيها الأرض مَيـان بصـراخَ ؛ يممماااا ظهرييي يا حيوان
ريـان بلعانه سحبها قريب من الطاوله وتمسكت فيها ميـان تحس بتعبَ ؛ ريـ ريـان والله مب وقتك
ريـان ما سمع صوتها من ضحكه العالـيِ ؛ اي الحَين سمعيني صياحك ما سمع شي !!!
شافها غمضت عُيونها وارتخى جسمها يحسبها تمزح معه ريـان ماسك رجولها بيد وحده ويهددها بيده الثانيه ؛ لو تمثلينَ لين بكره مرح اتركك
ام ريـان تصوت له من بعيد ؛ اترك اختك وتعالوا كملوا غداكم
ناظر فِـي اخته الي ما تتحرك وبدا قلبه ينغزه قرب منها ؛ مَــيان اقسم بالله لو طلعتي تكذبين لا اكفخ وجهكَ !
ما سمـع منها رد وبدا يطق على خدها بخفـه ؛ مـَ مـِ ميـان !!!!
ماردت عليه صرخَ على امه تجيِ قامتَ مرعوبه من صراخَ ولدها جتها ام الركب من شافت بنتها بالأرض ؛ يمه بنتـيِ وش سويت بختك وش صار !
ريـان برعب ؛ والله ما سويت شي كنت امزح معها مادري وش الي جاها
ام ريان بصراخ ؛ حسبي الله على ابليسكم بتهبلوني جب عباتي وتعال ودها المستشفى بسرعه
قام مستعجل ما يشوف شي قدامه كل شوي يتعرقل بالاثاث الـي قدامه اخذ عباياتهم وشالها لـ السياره
ريـان بتوتر ؛ والله ما سويت شي مادري وش الـي جاهَا
ام ريـان بعصبيه ؛ يا شين مزحك يا ريان تراني اعرفه
ريـان سكت ولا قال شـي
وصـل على المستشفى نزلها بسرعه ودخلوها غرفه الفحص
كان يمشي فِي السيب رايح جـاي
شوي وجت امه راح لها ركضَ
ريـان بتوتر ؛ ها طمنيني
ام ريـان بزعـل ؛ قالت عندها عضلات القلب تعبانه
ريـان ؛ ايشش !!
ام ريـان ؛ والله هذا كلامهم وبيني وبينك دايم تشكي لي منه بس ما توقعت يصير كذا
ريـان بعتب ؛ الله يصلحك يا يمه كان علمتينيِ اوديها من قبل
ام ريـان ؛ عاد لا تزيدها عليّ انت بعد دق على ابوك يجي كتبوا لها تنويم
ريـان اخذ جواله وراح بعيد شوي يكلمه بعد ما قفَل منه سمع احد يتكلم لفَ عليه يحسبه يكلمه ....؟
-
قام ابو ريان بسرعه ياخذ اغراضه ماشي للمستشفى
ابو فهد ؛ عسى ما شر اشفيك مربوك
ابـو ريـان ؛ ميان طاحت عليهم والحين بالمستشفى بروح اشوفهم
ابو فهد ؛ لا حول ولا قوة الا بالله يلا خلاص خل نرجع جميع
ابو ريـان ؛ لا خلك انت مع النياق لـو فيه شي كايد ناديتك
ابو فهد ؛ طمني وانا اخوك
ابو ريان ؛ ابشر ابشر
طلع ابو ريـان على المستشفى وباله مشغول على حبيبة قلبه ..