عَلىٰ خُصلات شَعرها الغَجرِي تَتمايلُ الفَراشـة
-
فتح ريـان البابَ بقوه وراح يركض لها وشالها ودار فيِها
مَيـان بفرحـه ؛ رييييااان
ام ريـان بعصبيه طقت ظهره ؛ بس بس انت ما تبَطل حركاتَك
ريـان بستهبال نزلها ؛ يويليِ يا ظهري واضح اني بنسدحَ مكانك صايّره ثقيله
مَيـان بحّده طقت راسه ؛ يَـا ننصّصاااااابب
ريـان يفرك راسه ؛ ياخيِ كل من مّر طقني احترموا رجولتّي شوي
ام ريـان تاخذ من الأغراض الي على السرير وتمدها له؛ أنت خليت فيِها احترام يا حبك للمناقر خذ ودهم السّياره بس
عهد ؛ عِندها تحليل يطلَع بكره
أم ريـان لفتّ على ميان ؛ عادي اهم شي انتي طيّبه؟
مَيـان هزت راسها بهدوء بالأيجاب
وهم نازلين فيِ الأصنصير تذكرت ابوها ؛ يُمه ابوي وينه ؟
أم ريَـان ببتسامه ؛ عنده سجين بيوصله الجُوف كِلها يومين ويجِي ان شاء الله
هزت راسها وداخلها متضايق يالله قد ايش فقدت وجوده معها ريـان انتبهه عَليها وحب يغيّر مودها صرخ فجأه بدون مقدمات ؛ يااااسلاااااامم
ارتاعوا منه وكلهم ناظروه مصدومين
ريـان يعدل ياقه ثُوبه وببتسامه عَريضه ؛ اشفيكم تناظرون مبسوط وحبيت اعبر عن فرحتِي
ام ريـان بحده ؛ والله اذا بتوقف قلوبنا اكتم فرحتك داخل صدرك
انفتح الأصنصير وهم طالعين لفّ ريـان على امه ومسك يدها ؛ افـاااا تبيني انكتـم
ام ريـان سحبت يدينها منه بقوه ومشت عنه
مَيـان بشماته ؛ جزاتـك
ركبوا السياره وحركوا على بيتَ ابو فَهد
طلعَ من بيتهم وانصّدم بوجودهم بحُوش البيت تدارك نفسَه ومشى لصُوبهم زيـد ؛ تو ما نور البيَت
ريـان يسَلم عليه بالخَد ؛ منور بأهله
زيـد يوجهه كلامه لـ ميان ؛ الحمدلله على السلامة
مَيـان ؛ الله يسلمك
ام ريـان ؛ خل ندخل الشمس فقعت راسِي
زيـد بتوتر ؛ ها حياكم حياكم
دخل زيد وصوت ؛ اهل البيتَ عيال عميِ سَيف جو
الجده مزون قامت تهلي فيهم ؛ هلا ومرحبا الحمدلله على السلامه
مَيـان تحب راسها ويدها ؛ الله يسلمك يا بعد راسيِ شلونك طمنيني
الجده مزون ؛ انا زينه بشوفتك وانا امك لا يوريني فيك مكروه
ام فهد ؛ خطاك الشر واخر الاوجاع
مَيـان ؛ خطاك السوء
غَيـد بعجرفه حضنتها لين فرقعت ضلوعها وبصراخ ؛ حبيت اسلم عليك اخر وحده عشان اشببعععع فيك اشتقت لك
ساره سحبتها من بلوزتها وسلمت على ميان ؛ نسيتي اني بعد ما سلمت عليها
غَيـد؛ اعوذ بالله من شرك انتي اليوم مناشبتني
ام فهد ؛ غيد ؟؟
غَيـد ؛ ايه الحين انا غلطانه ومرت ولدك الصح
ساره تتدلع عليها عشان تغيضها ؛ ااككييــِد
غَيـد بشمئزاز ؛ الله يقرفك على هالدلع حومتي كبد اخوي
ام فهد بطولة صبر ؛ وبعدين معاك انتـيِ ؟
الجده مزون ؛ جيل هالزمن ما ينعرف لهم من طولة لسانهم
غَيـد مسكت يد مَيـان وسحبتها ام فهد ؛ وين وين اتركي البنت ترتاح
غَيـد؛ معليش جلستكم ممله
قامت مَيـان معاها ناظرتها امها بمعنى اجلسي وهزت راسها بلا وطلعت معاها فُوق
غَيـد؛ يلا يلا احكيِ لي
مَيـان بعدم فهم ؛ وش اقول
غَيـد؛ دكتورك المُز يارب قدرتي تشبكينه
مَيـان طقتها على كتفها ؛ وجع وش هالتفكير
غَيـد رفعت حاجبها ؛ اقنعيني انه ما عجبك يا نصابه !!
مَيـان وسعتَ عيونها ؛ وتهقين اني بفكر فيه وانا تعبانه ما شفته اصلاً
غَيـد؛ عاد تدرين انا وعهد ميتين عليه ويوم جت تريح من عندك تضاربنا عليه
دخلت عهد على نص السالفه وجلستَ جنبهم
مَيـان تبوس يدها وجهه وقفى ؛ الحمدلله والشَكر
عهد بتفكير ؛ عاد تصدقون مشبهه عليه !!
غَيـد؛ وانا بعد والله احس وجهه يعني مب غريب عليّ
مَيـان ؛ والله من كِثر ما هوجستم فيه صايرينَ تشوفونه بكِل مكان
غَيـد بحماس ؛ بتنامين عندنا اككككيدد!
مَيـان؛ لا طبعًا فاقده بيتنا وغرفتي ونومه عميقه من غير شر
عهد ؛ اليُوم مسموح انك ترتاحين بسسس !
مَيـان ؛ بس وشو !
عهد تهز حواجبها ؛ باااتشششرر سهرتج ويانا
مَيـان؛ الله يخسك لو يسمعونك اهل الكويت كيف تتكلمين اعتزلوا لهجتهم
غَيـد؛ انا مادري صايره عصبيه ولا الي حولي يغثون
عهد ؛ اقول انثبري انتِـي وهي ترا
قاطعوها ميان وغيد بصوت واحد ؛ عمتنا درينا
عهد بشوفة نفس ؛ يا حليلكم عارفين أجل احمدي ربك انتي وياها على هذي النعمه
مَيـان ؛ تقصدين النغمه
وسعتَ عيونها بصدمه ؛ يا قليله الأدب جحدتي جمايلي!
غَيـد مددت ظَهرها على السرير ؛ هيا خذلك الحين تذلك فيهم
مَيـان ؛ اقول ترا ما جبرتك تجيني انتي الي جيتي من نفسك
عهد بقهر اخذت المخده وطقتها بقوه
مَيـان طاحت على غَيـد وما تحركت
عهد بخوف قربت منها ؛ يمه وش جاك
غَيـد عرفت انها تكذب من رمش عُيونها وكملت معاها المقلبَ وبصراخ ؛ يمه وش سويتي مامدها تطلع عهد شوفي وش فيها
عهد طقت وجهها بخفه وبدت الدموع تتجمع بعيونها ؛ ميان قومي يا روحي والله م كنت اقصد تكفين
مَيـان ولا ردت عليها
غَيـد بتمثيل البكي ؛ عهدد سوي شي كله منك
عهد بدت تصيح ؛ وش اسوي طيب ! بروح اعلمهم بس وش اقووول
مَيـان وهي مغمضه ؛ قولي انك طقيتيني
غَيـد انفجرت تضحك على شكل عهد
عهد بعصبيه طقتها على فخذها بقوه ووقفت تمسح دموعها ؛ حيوووااانه هذا مافيه مزح يا تافهه وقفتي قلبي
مَيـان بألم ؛ اهخخ فخذذي
عهد بحده وهي طالعه ؛ قسم بالله انكم مريضات
غَيـد قامت تبي تحضنها بس دفتها وطلعت
لفتَ غَيـد على ميان الي رفعتَ كتوفها بمعنى مادري شلون نراضيها
غَيـد بتأنيب الضمير ؛ امممم كانه زودنها شوي
مَيـان بتنهيده ؛ والله مو شوي احس مقلبنا بايخ
غَيـد عطتها نظره ؛ حبيبتي مقلبك انتِي بروحك
مَيـان ؛ ومين الي كملت معيِ
غَيـد ؛ ما هقيتها بتزعل كِذا
-
يا أُنسي
وطمأنينة فؤادي
و قمري
في الليالي المُعتمة.
_
طلع من المجلسَ وراح على فُوق يحاول يصنع الصُدف بعد طلوع عهد فتح الباب بقوه و دَخل بعجله
زيـد برتباك ؛ معليش ما كنتَ اعرف انك موجوده هِنا
مَيـان ابتسمت ؛ وحطت الطرحه على راسها ؛ حصل خير بحسبة اخوي
رنت الكلمه بأذنه ترددت لين غاب عن العالم شد على اسنانه بقهر ؛ لا مع نفسك مانب اخوك ولاشي
غَيـد ؛ نعم وش تِبي ؟
زيـد بدون نفس ؛ تعالي ابيك تسوين قهوه
غَيـد ؛ الحِين تركت قهوة امي تبيي قهوتي
زيـد بعصبيه ؛ اقول قومي لا اهف وجهك الحِين
غَيـد ؛ خير معصب عليّ !!!
طلع زيـد وتركها لفتَ على مَـيان الي ساكته وتناظر بهدوء ؛ مريضض!
مَيـان كاتمه ضحكتها ؛ صَدقتي
غَيـد هزت راسها يمين ويسار ؛ الله يخلف عليّ بس ، يلا خليني اقوم اسويها وارجع لك
مَيـان اخذت جوالها ؛ اي خلينا نروح نراضي دودي قبل ارجع البيتَ
غَيـد لفت عليها ؛ بسوي نفسي ما سمعت
مَيـان ؛ والله سمعتيَ ولا لا الصدق برجع البيت بنننااااامم
غَيـد ؛ علي الطلاقَ ماتروحين بيتكم
مَيـان وسعت عينها ؛ اقول الحقي اخوك لا يجي يتوطاك بس
غَيـد؛ اي والله صدقتي
طلعتَ غَيـد وانسدحت ميان على السرير غمضت عيونها وطرى على بالها الدكتور قشعر شَعر جسمها وشدت على كتوفها ؛ يمممه كل ما تذكرت جتني الدوخه
-
حظ المكان اللي يضوي فيه قمرين
قمر السماء وقمر وجهك المعتاد .
YOU ARE READING
جيتني مثل رد الجميل اللي تخبى بوجه الأيام
Romanceجيتني مثل ردّ الجمِيل..اللّي تخبى بوجه الأيام. بقلميِ ؛غصون محمد الأقتباسات منقوله 💘
