#نقع الغليل
بـ قلمي : شهــــد الراشدي
⌕ التصويت من خلال الضغط على النجمه ⌕
بِسـّـم الله الرحمـٰـن الرحيِـــم
وآنه بروحّي
حِزن ديرة
ومَلامحَ خوف
وحَرَب چذبة ، وحِلم تايه
ونَهر ثالث حُفر خَدي
غَريب بكاع مَتلمَني
چم ليلة
اذب دمَوعي على المَامشَ
ولا ادرَي ..
.٫ ــــــــــــــــــــــــــــــــــــــــــــــــــــــــــــــــــ📍
فاطمة..
فاطمه: عمو اريد نستلة نمبر وان الخضرة موجودة؟
_عمو؟ شتشوفيني بكد عمج اني
غمضت عيوني واخذت نفس يعني مثل كل مرة
مايتوب، طنشتة ورحت اخذن النستلة من الثلاجة ودفعت وطلعت اباوع محد بالشارع ضهر وحارة
قابلتني مرة لزمتني من ايدي ووكفتني وجها بشوش وتحسها تعرفها من زمان؛
فاطمه:هلا يمة محتاجة شي؟
ضلت تباوعلي وعيونها مدمعة عقدت حاجبي ممفتهمة
_لالا يمة، بس تشبهين بنيتي الميتة
كلش ضجت وانكسر كلبي، وخاصة من وكعت دمعتها
فاطمه: الله يرحمه ويغفر الها، خالة الله يبرد كلبج
_مابردد مابرد سنين واني اريد يبرد ماكوو اخذوها منيي،
فاطمه: منو الاخذوه..
قاطع حديثنة شخص يركض بأتجاهنة
_: ياا عمة وين رحتييي مو دورنة لمن ملينة؟
_يمة شوفف شوف مو تشبهه تشبه بنيتي عزيزتي
_: يلة عمة كومي مايصير هيج
كومها وباوع بأتجاهي وأردف؛
: اعتذر جداً على الصار بس عمتي فاقدة بنتها وانتِ تشبهيها لذالك وكفتج
فاطمه: لا عادي مصار شي، بس نكسر كلبي عليها
انتبهُ عليها خطية تحتاج مراعاة
: ابد مامقصرين وياها بس هية دائماً تجي هنا لان جان بيتها هنا
فاطمه: اهاا الله يساعدها، مرة رخصتك لازم اروح
عفتة ورحت باوعت بالفرع محد احتريت اباوع العصير باردد مثلج والنستلة مجمدة، فتحت النستلة والعصير وآكل طلع رجال من الفرع غصيت وضميتهن بالعلاكة صل يباوع علية ويضحك هز ايدة وراح لان اني من غصيت اختنكت وضليت اكح؛ متت فشلة
أنت تقرأ
نقع الغليل
قصص عامةأما أنا فأنا الطير الثابت أنا الوحيد التي لم تحطُّ شجرةً على كتفي .. وأنا الذي قلبي يأخذني إلى الاماكن الخطأ دائمًا فكلما رأيت خضارًا على خريطة العالم ظننتُ إنه وطني .. بقلمي: الكاتبة شهد الراشد.
