#العهد والغربان..
بـ قلمي : شهــــد خالد..
التصويت من خلال الضغط على النجمه 𖤐
بِسـّـم الله الرحمـٰـن الرحيِـــم
يا مَن سَلبت مِن التُفاح سُكَره
سـُكراً لأن هواهُ العذبُ يُثملني
أَقلــتُ سُـكراً ؟ معاذَ ﷲ زَل فَمي
قَصدتُ شكراً هواكَ العذبُ أَثمَلَني ..
• ـــــــــــــــــــــــــــــــــــــــــــــــــــــــــــــــــــــــــــ •
-أخذت نفس زفرته،ورجعت المكاني لازمه بطني
عادي هاي كل مرة اسمعها يعني بأختصار مأيسين من الزواج لان يردونة ندرس واحس هاذا الشي المصلحتنة لأن بـيهن بنات هم اهلهم يجبروهم يتزوجون بعمر صغير وهاذِ حالات الطلاق منشره
-خليتهن يحجن وكمت رحت كعدت ع الدرج شافتني أمي جانت مارة من الدرج تقربت مني وكالت
انتظام:- هااا صرتي زينة؟!
عهد: لاا بطني توجعني راح اموت
انتظام:- اكل لابوج ياخذج للطبيب؟؟
عهد: لاااا كلشي ولا الطبيب مااردد هسة
اصير زينة!!
-عقجت وجهي ورجعت جلبت بـ المحجر مال درج ورجعت ضهري على البابات، اذا رحت للطبيب راح يضربوني ابرة واني كلشي ولا الابرة عمري كلة ماضاربيني ومااريد اجربها ابد لان عندي فوبيـــا منها
-راحت أمي وأني مغمضه عيوني بـ غير عالم، فزيت وفتحت عيوني من حجت ويايَّ سالي
سالي:-تعالي نضفي ويانة البيت هوسة !؟
انتظام:- بطنها توجعها خطية
-باوعت لكيت أمي رجعت وهيه جاوبتها باوعت على سالي وأني صافنه أباوع بوجهه وأحجي بـ كلبي، هاي ساليي يبوو حية ملوعة عمتي كلـــش عمتي عزلت يلة أرتاحت من مشاكلها، بس اختها غسق لا حبابة، باوعت على غسق الكاعدة تـَ ضحك
-ومن كد ماحبابه عمو حمزة حباها لان سمعت حديثهم مرة يسولف وي صديقه ماجنت أتقصد أسمعهم بس بالغلط وجذبني كلامهم
حمزة:- جنت احب
:- منية!؟
-أخذ نفس وزفره، جر حسرة وكال
حمزة:- بنت خالتي غسق
:- وليش ماتزوجتها؟
حمزة:-بس ماجانت قسمتي تزوجت ابن عمهاا
حبيتها حـُب بـ كلبي، ومااعرف أذا جانت أشــارة ألي
بس تزوجت ورة سنة تطلكت مشاكل هيه وزوجهــا
ضاربها وذابها بلباب مكسرة
أنت تقرأ
العهد والغربان
قصص عامةأما أنا فأنا الطير الثابت أنا الوحيد التي لم تحطُّ شجرةً على كتفي .. وأنا الذي قلبي يأخذني إلى الاماكن الخطأ دائمًا فكلما رأيت خضارًا على خريطة العالم ظننتُ إنه وطني .. بقلمي: الكاتبة شهد الراشد.
