الموضوع الأول : ليش حاليا اغلب البنات فاتحات قنوات مهدوية وتگعد تنصح بالبنات والشباب
بالوقت الحالي كثرة القنوات الدينيه الشيعيه وتشوفهم ما مقصرين بشي ينصحون ويعلمون وهذا كل حتى بلكت الله يهدي كم شخص، يتعمقون اكثر بالدين ، يتركوا زينة الدنيا ،يلتفتون لربهم يحاولون ما يعصون ربهم، يعني يتأثرون بكلام هذي القنوات، أنا وحدة من البنات الي تعلمت و وعية وعرفت هواي شغلات ما چنت أعرفها تفكيري تغير ما أكول 180 درجة لا أكثر وأكثر من 180 درجة وبسبب القنوات مثل : فراشة المهدي، مُظهِرة الأيمان، لـ بطل العلقمي ، فاطمة محمد، زهرة المهدي.
هاي القنوات حرفيا غيرتني قربتني اكثر لرب العالمين وخلتني اختار الطريق الصحيح وكذلك عرفت معلومات من خلالهم ،،،، شُكراً الهم، الله يوفقهم جميعاً.
هواي اشخاص تركوا الأغاني تقربوا لربهم بسبب قنوات مهدوية هواي اشخاص يحاولون يكونون مهدويين بفضل الله أولاً ثم القنوات المهدوية ثانياً ...يعني لمن تشوف بنت أو ولد فاتح قناة وينشرون دين ونصائح وغيرها من الأشياء الي تفيدنا لا تقول عنه رياء...
ثانيًا : بعض البنات «البعض» يفتحن قناة مهدويه بس تشوفها بالتعليقات ماخذه راحتها مع الشباب وهذا الشي غلط
يعني بعض البنات ممكن يتأثرن بيج وممكن بعضهن ماخذاتج قدوة وانتِ بالتعليقات تسولفين طبيعي مع ولد وضحك واحياناً حتى شتم !!؟
احنه نگول الكم لا يصير بينج وبين ولد ضحك وسوالف ما لها داعي..لازم تلتزموا بهذا الكلام بالواقع والمواقع .
واكو غيرهن يسولفن مع البنات بس ولا كأنوا يسولفن بالتعليقات بصفحة عامة،،، تمام صديقات بس مو تصير دردشتكم وسوالفكم بالتعليقات أكو شي اسمه واتساب و تليجرام هاي برامج خاصة ...
لازم تنتبهون على أي شي تنشرونه انتم فاتحين قناة مهدوية ودكولون قناتنه قناة مهدوية اذن تصرفوا على هذا الأساس مو انتِ/انتَ تنشرون فيديو قصيدة عن صاحب الزمان وبالتعليقات ضحك وسوالف ووشتم ‼️.
س/شنو الي استفاديتوا؟
س/هم شايفين هيج قنوات لو بس اني؟
س/هم متابعين قنوات دينية؟ اذا متابعين شاركُونا علمود تعِم الفائدة على الجميع.
*حَبيت تكون المواضيع الي نحجي بيها مواضيع عامة وبكل نهاية موضوع نسألكم اسئلة تخص الموضوع، وهم ما يكون الموضوع طويل علمود الكل يكدر يقراَ بدون تعب🎀.
شاركُونا بعض المواضيع الي تحبون نحجي بيها؟
دُمتم بحفظ الرحمٰن
