مجزرة غزّة نفس فاجعة كربلاء !!!💔💔🌱..
برأيكم شنو الي يخلي الإمام المهدي (عليه السلام) يوجّه خطاب لجده الحسين ( عليه السلام ) في زيارة الناحية المقدسة : لأبكين عليك بدل الدموع دما ؟
غير لهول المصيبة وعظمتها ؟
شگد تصير كوارث بالكرة الأرضية مستحيل نگدر نقيس اي كارثة بواقعة الطف
لعله انتم تأثرتوا بمنظر الأطفال وتمزّق الأجساد الي صار بغزّ.ة والمنظر كان مؤلم كلش 💔🌱،،
بس هذا مو سبب حتى يجعلنا نقارن اي حادثة بواقعة الطّف !!
الإمام الحسين هو قتيل الله وإذا تلاحظون العبارة المذكورة بزيارته : ( السلام عليك يا قتيل الله وابن قتيله ) ماكو قتيل بالخلق گدر يحمل مثل هذه الميزة غيرة وماكو يوم مثل يوم الحسين 💔🌱..
يعني تخيلوا حتى يوم الهجوم على دار الزهراء عليها السلام شگد يوم عظيم بس اهل البيت عليهم السلام نفسهم ذكروا ان يوم ابا عبد الله هو الأشد والأعظم
ماكو ألم يُقارن بألم الحسين وماكو قتيل نگدر نقارنه بالحسين وماكو اهل ولا نساء ولا اصحاب نگدر نقارنهم بآل الرسول ونساءه واصحابه
الإمام الحسين قال ( لا أعلم أصحابا اوفي ولا خير من أصحابي ) 💔🌱،،
وبعدين حتى لو شفتوا اشلاء مقطّعة هل من المعقول أن تُقارن باشلاء الحسين واخوانه و اولاده واصحابه ؟
ترى اغلب الشهداء الي دنشوفهم انقتلوا بسلاح ( سواء كان صا.روخ او غيره ) فهالأمر أدى إلى استشهادهم نفس اللحظة وارتاحوا
لعله حتى رؤوسهم تقطعت
بدون مايحسون بيها 💔🌱..
اما الإمام الحسين فهو وعايش قطعوا رأسه وذبحوه من قفاه شوفوا الفرق بين الطريقتين
حتى جسده بيه 300 طعنة مثل ما ذكرت الروايات
تخيل لما اراد الإمام السجاد ( عليه السلام ) دفنه كان يحمل جزء ويسقط منه جزء آخر
اكيد رح تگول الشهداء الي دنشوفهم نفس الأمر
ليش هو الي انقتل منو ؟
ترى هذا حجّة الله على الأرض إمام ذلك الزمان الي لولاه ما كان بقى للإسلام أثر 💔🌱..
الملائكة وكل المخلوقات ضجّت لقتله
بعدين الي شفناه صح فاجعة كبيرة بس ياما وياما شفنا مثيلاتها سابقا بإنفجا.رات
وباجر رح ننسى مثل الي نسيناهن اما واقعة الطف بكل يوم نتذكرها وبعمرها حرارة قلوبنا ما رح تبرد لقتل الحسين
هو النبي ( عليه وآله الصلاة والسلام) بنفسه قال : إن لقتل الحسين حرارة في قلوب المؤمنين لا تبرد أبدا
واحنا لو نجمّع كل كوارث ومصايب الدنيا كلهن ما رح يوصلن لساعة وحدة من ساعات الم الحسين وجروحه💔🌱...
..
الي شافوه اهل غز.ة لربما بفترة قصيرة اما الامام الحسين من هو طفل شاف مصيبة امه وبعدين مصيبة ابوه وبعدين اخوه وبعدين سبي نساءه ، شماتة الاعداء ، قلة الناصرين ، احراق الخيام ، قتل اخوانه واولاده ، السلب والنهب نظرته للنساء والاطفال ...إلخ
واحد لو گبل يموت هواي افضل من ما يمر بهذه المصائب
كم مصيبة مر بيها ؟ وحدة ، اثنين ؟
روي عن زين العابدين علي بن الحسين(عليهما السلام) قال : ولا يوم كيوم الحسين (عليه السلام) ازدلف إليه ثلاثون ألف رجل ، يزعمون أنهم من هذه الأمة كل يتقرب إلى الله عزّوجل بدمه ، وهو بالله يذكرهم فلا يتعظون ، حتى قتلوه بغياً وظلماً وعدواناً ...💔🌱
#اللهم_صل_على_محمد_وال_محمد
#استغفر_الله_العظيم
* اسألكُم برأء الذمة والدعاء *
📮" منقول "📮
