لِـ تَاركين الصَلاة 🦋:
اسمعوني بالبداية الصلاة شنو هيَّ؟
هيَّ مِن اسمها صَلاة يعني صِلى يعني اتصال بينك وبين ربك يعني ربك الي خلقك بس اتمعنّ بيها خالقك بكبره خالقك وخالق هاي الكُرة الأرضية كُلها وخالق الكونْ كُله نفسه الي خلق الجَنة والنار هذا نفسه يلي انتَ راح تلتقي بيه بهاي صلاتك! :
زين للان راح تكول انو ماعندي خشوع أو ماعندي حُب وهكذا ..
اسمعني مؤكداً مِن تكون ببداية طريقك للصلاة راح من تصلي تفكر هـواي بغير امور وبالَك يروح لغير مَكان وميكون عندك خشوع عموماً
حتى تگدر تخلي بَالك بالصَلاة :
انتَ لما تقرأ السور جاي تسولف ويه خالقك العظــيم ! زين اسمعني انتَ مِن تلتقي ويه بشر عادي مو راح تخلي كُل وجودك يمه؟ إذاً نَفس الحال ويه ربك هسة انتَ تگول الله جابرني التقي بيه لان الصلاة فَرض ! فأنا اگلك اخي مو واجب و إنما لازم يعني لازمم تفهمني لازم انتَ بدون صَلاة تضيع صدگني! هسة احنا طلعنه مِن موضوعنه خلي نرجع ...:
نفس مگلنه انتَ تلتقي بالحبيب والعزيز الله بس تأمل بيها تلتقي بخالق اهلك وخالقك ميستاهل تنطيه كُل وجودك بهاي الخمس دقائق! ميستاهل؟ ، رِزقَك وكَبَرك وحِمَاك وحُفظَك كُل يلي سواه ميستاهل تنطيه وجودك بهاي الخمس دقائق!
زين بالأساس الله شنو سوالك حَتى انتَ متلتقي بيه!! مسوالك شيء أصلاً بالأساس المفروض احنا كُل ايامنه وحياتنه صلاة لأن هذا ربنه الي ماكو احن منه معقولة ميستاهل ننطي من وقتنه فد ربع ساعة!! معقولة! فَـ يريدك كُلك اله ميريدك تروح لغيره لان غيره مَراح يفيدك!! :
عموماً حَتى تخلي بالك بالصَلاة انتَ لما تقرأ السور جاي تسولف ويه ربك وجاي تنطق مفاهيم عيش بالمفاهيم! عيش بيها سنة سنتين عشرة مية! عادي اهم شيء انتَ بالك ويه الله وصدكني لما راح تعيش بالمفاهيم راح تحب الصلاة وراح يكون بالك وياها فَـ بهذا الحال راح تتقرب مِن ربك ومِن تتقرب مِن ربك هِنا راح تعيش ويه رب المفاهيم !! عموماً شلون تعيش بالمفاهيم؟
لما تقرأ سورة الفاتحة : :
بِسم الله الرحمَـٰن الرحيم ( هنا انتَ بالرحمة )
الحمدُ لله رب العالمين ، تخيل الله يگلك وبعد؟
الرحمن الرحيم ، الله يگلك وبعد؟
مالِكِ يوم الدين ( يعني انتَ تگله ربي انتَ مالك ذيچ الساعة لاتعوفني اوگف وياي ) ، الله يگلك وبعد؟
گله : إياك نعبدُ و إياك نستعين ( يعني انتَ تگله اني عبادتي وحدها متكفي راح اربطها بالناس بلكي وياهم ) ، الله يگلك وشنو تريد؟
گله : إهدنا الصِراطُ المُستقيم ، الله يگلك صراط مَن؟
گله :صِراط الذين أنعمت عليهم ( منو همة ذوله ؟ ذوله الصالحين الي انعمت عليهم) ، الله يگلك منو همة ؟ :
گله : غير المغضوب عليهم ولا الضالين
هنا شنوو؟ انتَ عشت بهاي المفاهيم اعتبَر نفسك دتسولف ويه ربك هسة اقسم عليك بالزَهراء ما عِشت بيها؟
زين نجي للسورة الثانية شوف انتَ لتبقى تُكرر نفس السورة لان هنا واهسك راح يروح وراح ينصرف بالك لان انتَ حافظهه فأكيد بالك راح ينصرف! انتَ عندك هواي سُور قَصيرة من القُرآن الكَريم فَـ اقرأ كُل يوم وحدة لتبقى على سورة الإخلاص أو سورة الكوثر هسة انطيك كُل السور القَصيرة ..:
سورة : المَسَد .
سورة : الكافِرون .
سورة الفَلق .
سورة : النَاس .
سورة : القَدر .
سورة : النَصر .
هذهِ البعض ويوجد الكَثير .
وصدكني انو الصَلاة راح تغيرك هواي راح تخلي عندك ضمير وراح تبعدك عن الفحشاء والمُنكر ، وراح تنطيك طمأنينة مشايفها وسعادة راح تحس نفسك سعيد .:
وَ السَلامُ عليكُم ورحمة الله وبركاتُه .
أما بالنسبة للخشوع فعندي الكُم طريقة وَ هيَّ :
انتَ لَما تَصلي تلتقي بخالقك زين!
فأنتَ تذكر ذنوبك وسيئاتك شگدد!! وانتَ الآن گدام رب العالمين يعني گول شگد زعلته مني و الآن اني گدامه ! السالفة يرادلها بچي يرادلها خجل ! ، بيّن انكسارك لله لتجي تسوي نفسك كامل لان انتَ ملتزم بصلاتك لا انسكر گدامه هواي انتَ سويت سيئات وذنوب وكُل هَذا و الله يرزقك ويحبك ومعافك بيوم من الأيام ومُمكن انهُ الله يريدك ترجعله فَـ خلاك تقرأ كُل كلامي هذا استشعر الموضوع استشعره ..:
#اللهم_صل_على_محمد_وال_محمد
#استغفر_الله_العظيم
* اسألكُم برأء الذمة والدعاء لوالدي بالرحمة والغفران والجنة.
" منقول "
