"شكون جابلي هاذ الخانزة لدااااريييي"
كانت هذه كلمات دوجة ، جدة اسمك ، بارز على وجهها ملامح الغضب و الكره الشديد ،
من الواضح انها عجوز شمطاء متسلطة، و من نظرات الجالسين على مائدة العشاء من الواضح أيضا ان لا أحد يطيقها .
تصنمت اسمك في مكانها لم تعرف من قصدت بالخانزة لكن لا أحد غيرها غريب في هذا المنزل .
وقفت زوجة ابيها و توجهت نحو دوجة و طلبت منها مرافقتها إلى الخارج بكل هدوء.
وجهت دوجا ناظريها إلى اسمك قبل انا تغادر ثم خرجت .
توقف الجميع عن الأكل خاصة اسمك التي لا تزال اول لقمة عالقة في حلقها لم تعرف اذا كانت ستغادر او تنتظر زوجة ابيها ان تعود ....كان صمت مخيف يخيم على صالة الطعام إلى أن نطق ريان
"الدراما على أصولها يا محاينك"
نورهان: "هيا كملو ماكلة مصرا والو ولا وش قال اسمك"
اسمك:"و الله غير شبعت و زيد الوقت نروح للدار ماما تتحير عليا"
"اصبري اوموا حتى ترجع ماما و روحي"
" دوك نجوز عليها نقوللها بالسلامة قبل ما نخرج "
"اوكي كيما تحبي مقلنا والو ، ايا مالا ابقاي على خير و زيد بلا ما ننسى بلز خليلي نيميرو تاعك باش نعيطلك نخرجو كيفكيف هاذ السمانة نديرو شوبينغ للعشا تع سمانة لجاية و منها نعرفك على حباباتي و نجوزو نوريلك الشركة و نعرفك على الخدامين "
"اوكي نورهان مريقلة عطيني تليفونك نطابيلك النيميرو "
"هاكي.."
اسمك في داخلها
" يزح ايفون اللخر ، الله بارك شباب"
" هاكي اني بيبيت لروحي عيطيلي ولا نعيطلك كيفكيف ايا باي"
ريان بصوت خافت:" روحي الله لا وليتي"
اسمك...
يا ربي هاذ الدار شعال كبيرة وين رح نصيب المخلوقة باش نقولها باي باي
"باغدون معليه نسقسيك "
"انعم باينا، كيفاش نعاونك"
"وين راهي طاطا نوال؟"
"راهي لفوق فشومبرة لالة دوجة غير يخلاصو الدروج علاقوش "
"صحا"
"بلا مزية"
وهي تصعد في الدرج سمعت صوت نوال و هي تكلم دوجة بنبرة عالية
"شوفي يما قادرتك شعال مسنة نتي ووليدك رغم المنكر لي درتوه فأسمك و يماها تعرفيني عاقلة و نحتارمك بصح الظلم منسكتش عليه كيما قالك تظلم انسان ظلم الظلمات يوم القيامة (اسمك: اني سامعة هاذ العبارة فكش بلاصة...)، اكي تعرفي مدابيك متدنايش لأسمك و تخليها بحالها راعي دات حقها ملورث هاذ الصبح و نتي مراح تقدري ديريلها والو راهي سيدة من هاذ الدار دك و مقامها بنفس مقامك، من وفوق اما نسمع بلي درتيلها عفسة نرفد ولادي و نخرج مدار نخليهالك خاوية "
"ايه خلاص دامها مدناتش ليا مندناش ليها"
صوت طرق لباب...
" طاطا يما نوال جيت نقولك بسلامة اني رايحة . مسلخير نانة كي راكي "
نوال:"اصبري دوك نخرجو كيفكيف نديك للباب"
دوجة:"كنت بخير تا لوين شفتك"
نوال:"يما واش تفاهمنا؟"
دوجة:"ايه خلاص نسيت"
اسمق ترمق دوجة بنظرات بومباستيكية لا تعلم لي لا تستطيع الرد عليها برد يليق بها ، ربما انه احساس الحنية نحو جدتها يمنعها ،
ستتعود عليها لذالك ستتغاظا عن ما حدث اليوم ....
~.~.~.~.~.~.~.~.~.~.~.~.~.~.~.~.
في المنزل:
كانت اسمك تفكر مع نفسها .فقد تلقت الكثير من الصدمات اليوم و أكبرها صدمة انس ، هل تخبر اختها انها أيضا تحبه او تخفي الأمر ....
مهما فكرت في الموضوع وايا كان القرار الذي اتخذته ستتعرض لخسارة اما تخسر نفسها او تخسر اختها ...
لكنها تذكرت انها ربحت ما ينسيها فالموضوع أسرعت نحو حقيبتها و اخذت الملف لتتطلع في تفاصيل املاكها
ياه عندي فيلا فحيدرة ووحدوخرة فبجاية راهم محلبينني ياه وزيد الدراهم، واش هاذ الرقم لكبير لي معرفتش نقراه، خلاص غدوا اسموني نتقلش و نقلش ماما معايا ،
بايباي الفقر بايباي الميزيرية باي باي الصابلي على الستة تع الصبح اهلا بالرفاهية و الطبقة المخملية و الايفون و السيارات و التحواسات .....
يتبع....
أنت تقرأ
اسمك&انس
Romanceانس صانع محتوى كوميدي معشوق الفتيات و اسمك فتاة بسيطة ذهبت لإتمام دراستها الجامعية في ولاية قسنطينة و تبدأ القصة🌚 *القصة مبنية على اساس خيالي بعيد عن الواقع **الشخصيات نوعا ما خيالية الرواية تحتوي على مصطلحات جزائرية مكتملة فيها أخطاء املائية
