"علابالي بلي راكم حابين تعرفو شكون هاذي لي زدمتلكم لدار و حابة تهدر معاكم ، بالمختصر المفيد انا بنت المرحوم بوعلام"
"بوعلام لي نعرفوه؟!"
"و في ميزك رح نهدرلكم علا بوعلام لي متعرفوهش؟"
"اصبري دوك ، زعما اكي حابة تقنعيني بلي نتي بنت بابا؟"
"ايه، باباك قبل ما يتزوج بيماك كان مزوج بيما"
" و اكي حبتني نأمنك؟"
" اذا مأمنتينيش انا سير رح تأمني يماك"
"ماما صح واش راهي تقول المخلوقة؟"
" اقعدي يا بنتي دوك نحكيلك لحكاية ملول
كي كنت صغيرة كنت نحب باباك قبل ما نتزوجوا و مام هو كان يحبني ، كنت نشوفو برك لبعيد كي نروح ندي لفطور لبابا فالبور نشوفو قاعد فالفلوكة تاعو ، واحد الخطرة جا هدر معايا و قالي بلي نعجبو بزاف، قتلو او بابا لهيه روح تخطبني منو، سكت سكت و قالي بعد سمانة ارواحي هنا نهدرو فلموضوع عندي شوية امورات لازم نفريهم ، قتلو انعم ايه، بعد سمانة كيما كان الحال رحت لتما صبتو يستنا , نشفا جابلي و ردة و قرعة اورونجينو ، قالي هاكي استمتعي بيهم و لعشية اني نقصد باباك باش نخطبك، جا خطبني و كنت ميتة بالسعادة ، كي تزوجنا مجابش ماليه قالي انا يتيم ، قتلو معليك انا نكون يماك و ختك و مرتك و نصبر معاك فلمليحة و لي ماشي مليحة ، اتزوجنا و كنت اونسانت بيك ،عشنا حياة قيس قيس بصح كنا فرحانين .
مور ما جبتك و كي لحق في عمرك عام بدأ باباك يتبدل ولا مينداك يروح ميوليش باليومين ثلث يام و يقولي لخدمة لخدمة ، ايا انا بديت نتوسوس و بداو الناس يجيبولي فالهدرة ،ايا انا حكمتو حطيتو قدامي قتلو دوك تقولي واش كاين ، قال بلي هو عندو ماليه و مزوج و عندو طفلة ، لي تزوجها داك الوقت مكانش يحبها و كي حب يعاود يتزوج مقبلوش ماليه قالولو يا حنا يا تتزوج ، ايا ضارب معاهم و جا تزوجني كي لحقتي نتي عام و قبل ما يموت باباه بشوية (كي حس روحو بدأ يودع) قالو لبوعلام يا طلق ديك لمرا و ترجع توقف على خيري و مالي يا يا دورو ما تشوفو بعد ما نموت، باباك طمع و طلقني و قالي لاكنت حابة الخير فحياتك ترفدي بنتك و ما تزيدوش تخرجو فحياتي, ايا انا خفت و جبدت روحي، و ما حبيتش نحكيلك عليه باش نيغيضكش الحال فقتلك عليه مات"
لم تظهر اسمك اية ردة فعل بل جلست في حالة سكون لأكثر من دقيقتين تحدق في الفراغ ، ثم قامت دون أن تنبس بكلمة و ارتدت ملابسها و خرجت تاركت و رائها ندائات امها و ذهول من يمكن تسميتها اختها الان ..
ذهبت إلى مكانها المفضل انها كراسي مقابلة للبحر ليست بعيدة عن المنزل فخروجها من المنزل يعني نفاذ خاطرها و صبرها لكن ليس عقلها فالشمس قد بدأت الغروب و عليها العودت باكرا، ستستنشق القليل من الهواء الطلق و تحاول هضم ما سمعته قبل قليل....
في الداخل....
"يما و الله ما كانش قصدي يصرا قع هكا انا كنت حاسبة علابالها"
"مقبيل قلتي المرحوم بو علام؟!"
"ايه يا خالتي عندو ربع شهور ملي مات الله يرحمو"
" الله يرحموا و يوسع عليه"
"كنت حابة لوكان قلتلكم كي مات باش جو للجنازة بصح عييت نحوس عليكم مصبتش اي اثر، المهم جيت عندي عفسة وحدوخرة باش نقولها، بابا كي مات خلى الورث و خلى خير كبير و بنتو اسمك راهي تسأل حقها واحد ما ياكلهولها، سوو كي يجوزلها و تستوعب اللي صرا، هاني نخليلكم لادراس هنا ارواحو للدار تتفاهمو فالتفاصيل"
يتبع....
أنت تقرأ
اسمك&انس
Romansaانس صانع محتوى كوميدي معشوق الفتيات و اسمك فتاة بسيطة ذهبت لإتمام دراستها الجامعية في ولاية قسنطينة و تبدأ القصة🌚 *القصة مبنية على اساس خيالي بعيد عن الواقع **الشخصيات نوعا ما خيالية الرواية تحتوي على مصطلحات جزائرية مكتملة فيها أخطاء املائية
