أنا كل الدروب الي تبيها حاضر وماضي

البارت السادس

البارت السادس

مات  ابوي وبعده امي شيب عيني وش بقالي !
وش بقى لي عزتيلي عقب ماتوا جنتيني !
راحو الغالين واقفت دنيتي يم الزوالي
اذرف دموعي وانادي والديني والديني !؟
وين اروح وكيف ابحيا طالبك جاوب سؤالي ؟

تقطعت حناجرها من صراخ طاح الجد على ركبه الجده تنوح من حزنها على حياة بنتها الي انتهت

طاحت فجر على الارض من انهى حياة امها بالطلقه الثالثه وكانت براسها صرخت وقالت : لااااااا بس وقفف امييييي ماتت يمههه تكفين لاتروحين وتخليني مثل ماراح ابوي تكفيننن

طاحت ليال على الارض معلنه موتها ونهاية حياتها  .......

جعل المرض من عز نومك يصحيك
وامك تشق الثوب من قو بلواك

جعلك تنادي الموت والموت يجفيك
تفقد لذيذ النوم والناس تجفاك

ياجعل ناسك كلها اليوم تبكيك
واقرب خويٍ لك مع المر ينساك

تقدم جسّار وهو يعطيه بوكس على خشمه ضحك سامر رفعت فجر راسها من تقدمت سياره مو غريبه عليها

دخلو البنات بخوف وجلست ريناد حاطه يدها على اذنها وتبكي وصايف تبكي خوفا على فجر ونمر
تقدم بهاج يمسك ابو فيصل لجل مايطلع سلاحه

طلع عزام من شباك سيارته الرشاش وقال : الي يتقدم بفرغها براسه
صرخت فجر  من صدمتها بتواجد عزام !

وقالت : تكفى يا عزامم لا تخذلني تكفى ذبح امي قدامي
ضحك عزام وقال : يالله انا انتهى دوري خلي جسّار يكمل

وركب سامر سيارته وانحاشو

صرخ جسّار بقهر وقال كاسر وهو يصرخ عليهم وجهه كلها دموع :  دقو على الشرطه بسرعه

بدات فجر تزحف وهي ترجف يدها تقطعت من زحفها عليها ومن الحجر تبكي حنجرتها تقطعت مافي صوت

وصلت لامها وبدات تنوح نوح الفقد فقدت ابوها وهي بعمر التسع سنوات والحين فقدت امها وعمرها تسع عشر سنوات

مسكت يد امها وهي ترجف حطت جبينها على جبين امها الي وجهها كله دم وقالت بصوت يرجف: ليه يالغاليه رحتي ليه صرت يتيمه مرتين ليه رحتي وخليتيني لحالي تكفين قومي ماتهنيت من حنانتس شين

تقدم جسّار يبعدها عن امها وصرخت وقالت : ابعددد عنييي ابييي اميييي

بدا صوتها يرتفع وهي تصرخ عيونها لو تحطها مكان الجمر مافرق عروق وجهها برزت

تقدم الجد وهو يطيح عند بنته كانو وراه ابو جسّار وابو فيصل
طاحت الجده مغمي عليها من هول الموقف الي انحطو فيه من يلومهم

وصلو الاسعاف والشرطه صرخ جسّار يقول عشان البنات يدخلون

لفت فجر وهي تصرخ وهي تشوفهم يغطون امها بقماش ابيض وحولها محققين الجنائي : لا لاتغطونها وقفو ....